住客陳Sir向記者展示信件，指事件影響300個警察家庭。
【本 報訊】一封小三給大婆的信，上周三（24日）開始，突然塞爆屯門湖康警察宿舍其中兩幢大廈共300多戶信箱，引發軒然大波，除了兩幢大廈的警妻人心惶惶， 懷疑是否丈夫有外遇，風波更蔓延至屯門、青山等警署，有居民感到被滋擾，向「湖康警察宿舍居民協會」求助，亦有不堪被誤會出軌的警員，準備往警署備案。
記者：關震海 黃學潤
「你有冇收到嗰封信啊？」近日屯門湖康警察宿舍住戶，都在談論一封「小三寄給大婆的信」。
該信件在上周三起，陸續寄到該宿舍一座和二座共300多個信箱，住在上址的陳Sir向記者表示：「插滿晒信箱，個個都收到！」
恐夫化名阿傑拈花惹草
涉事宿舍住客紛猜測誰是事件男主角。
這封長約1,700字的信中，提到出軌警員叫「阿傑」，而兩座大廈內有多名叫阿傑的警員，有人急急向同袍澄清，亦有警妻擔心丈夫化名阿傑，在外拈花惹草，惹來「誰是阿傑」疑雲。
根據住戶提供給記者的這封小三「告白信」，劈頭第一句就是「妳老公已經唔要妳，佢同得第二個女人一齊，妳都好清楚佢唔會返轉頭啦」。
之後，該小三又化身「說客」，「每個女人一結婚都當屋企就係所有，妳以為搵到個好男人，同佢結婚生小朋友，甘願放棄所有俾佢睇唔起，留喺屋企做黃面婆照顧小朋友，但佢最後選擇唔要妳，妳咁都唔放棄個家，正（證）明妳係一個好女人好媽媽」。
為了要勸退大婆，該小三不斷數臭涉事出軌警員，「佢可以連小朋友都唔理，屋企都唔要，背住妳去偷食，呢個好人有限，好多男人玩完都識返屋企，但佢玩到放棄家庭拋妻棄女，婚姻都可以背叛出賣」。
其 後，她又在文中向大婆教路，如何「做女人」，「男人永遠唔知女人青春有幾寶貴，佢唔會珍惜妳為佢做過嘅野（嘢），唔會記得妳地（哋）一齊涯（捱）一齊開心 嘅日子」、「所以妳日後學下（吓）我，要溫柔體貼知情識趣，明知道嘅野（嘢）都扮唔知，唔好俾佢覺得妳煩」、「女人唔好做一個俾男人玩完就掉嘅玩具，做女 人對家庭不離不棄係好，不過唔係對忘本冇良心嘅人」。
恫嚇公開正室姓名相片
事件傳至青山警署，警員擔心影響形象。
信中亦出現恫嚇語句，「而（𠵱）家我寄信去妳兩棟（幢）樓，只有妳睇得明，但要我再寄的話，會有埋妳張相同佢個名」、「遲d（啲）有咩發生嘅時候，唔好怪我冇提醒過妳」。最後她還以「最近我已睇清呢個人冇得救，妳好快會知道我是好意」作結。
據了解，有警察宿舍居民感到被滋擾，已經向「湖康警察宿舍居民協會」求助，更有多個家庭準備到附近的青山警署備案。
警方昨晚回覆記者查詢時表示，未收到有人就有關事件報案。
大律師陸偉雄表示，信件的措辭有某程度的恐嚇成份，若寄件人真的再披露事主的相片和個人資料，更可能涉及誹謗和違反私隱條例等罪名。
根據法例，刑事恐嚇罪最高可被判監禁五年，而違反私隱條例，最高可被判處罰款50,000元及監禁兩年。
至於誹謗罪，受害人可以循民事根據自己量化的損失，向誹謗者追討，最後由法庭作裁決。
小三給大婆的信（節錄）
妳 老公已經唔要妳，佢同得第二個女人一齊，妳都好清楚佢唔會返轉頭啦，我都好同情妳，覺得妳好慘……男人就係咁賤……佢可以連小朋友都唔理，屋企都唔要，背 住妳去偷食，呢個好人有限，好多男人玩完都識返屋企，但佢玩到放棄家庭拋妻棄女……所以妳日後學下（吓）我，要溫柔體貼知情識趣，明知道嘅野（嘢）都扮唔 知，唔好俾佢覺得妳煩……妳唔好同佢講或同其他人講我搵妳，冇人知我係邊個，就算妳拎俾佢睇，佢更加唔會覺得我寫得出咁嘅野（嘢）……而（𠵱）家我寄信 去妳兩棟（幢）樓，只有妳睇得明，但要我再寄的話，會有埋妳張相同佢個名，到時個個知妳老公唔要妳，妳重（仲）厚面皮唔肯走，冇面嗰個係妳……我同阿傑嘅 關係唔係妳諗到咁初步，佢諗唔到我會做咁多野（嘢）咁對佢，我冇咩顧慮可以慢慢玩……妳其實好利（厲）害，個男人咁對妳，妳重（仲）可以咁堅強咁有耐心照 顧小朋友，如果我係妳做唔到，聽我講對佢死心啦，遲d（啲）有咩發生嘅時候，唔好怪我冇提醒過妳，我都唔知點解會俾佢氹（𠱁）到，佢平時喺出面幾識做 人，對人幾好幾識講說話，咪都係一個賤男……佢知道自己後生可以搵個更好，唔想再要一個咩都唔識，為佢生小朋友搞到走晒樣嘅黃面婆，所以冇我阿傑都唔會要 妳……最近我已睇清呢個人冇得救，妳好快會知道我是好意。
http://hk.apple.nextmedia.com/news/art/20130428/18242770
無辜者不滿打擊警聲譽
【本報訊】一封「小三給大婆的信」，令原本平靜的屯門湖康警察宿舍，成為警隊中人的熱話。住在湖康警察宿舍一座的陳Sir向記者表示，他於上周三收到該封信件時，發現一座及二座共300多個單位的信箱，均插滿一式一樣的信件。
事 件很快在社區內瘋傳，消息更蔓延至隔鄰的青山警署。陳Sir表示，過去兩天收到不少同袍的電話。據他所知，住在該宿舍、名字同樣有「傑」字的警員，全部變 成小三事件的「嫌疑犯」，而且人人自危。「佢哋個個俾老婆同屋企人問，係咪有出去搞搞震？」更有警員要透過WhatsApp澄清：「我真係唔係信中嗰個阿 傑啊！」
「啲人唔知點睇我哋」
不少同袍更埋怨該小三的所作所為無聊，不但為多個家庭帶來影響，更令不少警妻成為驚弓之鳥，不斷查問丈夫有否出軌。
而最令他們不滿的，就是影響警隊形象，有警員表示：「搞到出面啲人唔知點睇我哋，打擊警隊聲譽。」
記者往湖康警察宿舍，僅僅停留在大廈大堂五分鐘，已經有多位警妻在大堂內議論紛紛，互相詢問：「有冇收到嗰封信呀？」有居民希望盡快找出信中男主角，以免無辜者受牽連。
http://hk.apple.nextmedia.com/news/art/20130428/18242771
第三者擬逼男人做決定
【特稿】
向晴軒婚外情問題督導主任郭志英聽過記者轉述信件內容後表示，事件中的男主角可能周旋於兩個女人中，卻未有作出決定，令第三者忍無可忍下作出「非理性一擊」，「好明顯佢寄晒畀咁多戶，係想爆出來，令件事曝光，逼個男人做決定。」
對於信中寫道：「我唔會畀佢咁開心，佢要扮好人開唔到口，就等我來幫佢做」。郭志英認為，第三者出此下策的目的，是要強迫站在十字路口的男主角作出抉擇，可見第三者在無計可施情況下「博一博」，但不一定取勝。
處理失當恐釀暴力事件
郭志英提醒當事人，要小心處理事件，一定要坦白與太太商討，否則事件處理失當，隨時會演變成悲劇。郭志英又指，過往亦有不少桃色糾紛，最終變成暴力事件。
她建議作為妻子的，最好暫時搬離一下住所，出入要小心。
香港心理衞生會執行委員黎守信醫生表示，在一般的三角關係中，當太太或第三者得知有對方的存在後，她們多數會出現情緒低落、憤怒，或要尋求宣洩情緒的方法。
黎守信認為，當婚姻亮起紅燈時，夫婦應坦承相對，最好尋求社工或輔導員介入，以免影響下一代。
《蘋果》記者
沒有留言:
張貼留言