9A狀元梁領彥表示對巴士的情意結源自小時候在巴士站流連，與車長無所不談而起。梁瑞帆攝
【本 報訊】追夢有很多方式，有人放棄高薪厚職去做義工；有人孭着背包遠走天涯。現年26歲曾是會考9A狀元、早前還是金融才俊的阿彥，卻為實現兒時夢想，辭去 會計師樓經理之職，脫下西裝解下領帶，穿上制服揸巴士，他說：「錢幾時都搵到，但夢想唔係幾時都可以實現。」手握巴士軚盤的阿彥笑說。
記者：梁琬珊 馮國良 梁瑞帆
「你 好，我叫阿彥」。在會計師樓任經理時被人叫慣Gary，突然被人改叫阿彥，梁領彥笑言仍未習慣。他在接受《蘋果》記者訪問時，形容上月尾的處女航 （296M線康盛花園至坑口鐵路站）總算有驚無險，除了為輪椅客開地台時有點笨手笨腳外，作為新手，他對自己的表現尚算滿意。至今已經三星期，阿彥的興奮 心情仍未平復：「好鍾意揸巴士，可以遇到好多唔同的人……返工返得好開心，冇試過咁想返工！」
談到阿彥對巴士的情意結，他向記者稱是由他 小時候跟祖母在深水埗白田邨生活開始，那時候他經常在邨內的巴士站流連，與車長無所不談，巴士夢就在這時萌芽。阿彥不像一般巴士迷會替巴士拍沙龍、儲玩 具，而是上街非坐巴士不可，遇上巴士開新路線，他便會長途跋涉去試坐，全港巴士路線他都瞭若指掌。
把兒時夢想變成職業絕非易事，2003年會考挾着9A1B的狀元成績，阿彥被拔尖進入中大文學攻讀計量金融學，畢業後隨即在著名會計師行當分析員，短短五年已升任經理，他坦言並不喜歡金融業，當初選此科是因為「收生嚴，出路好，搵錢多」，但從此卻與自己的夢想越走越遠。
大學畢業的阿彥駕駛巴士時似模似樣。
阿彥與父母於中大畢業禮上合照。受訪者提供圖片
轉工月薪少三分二
幾 個月前還任職金融經理的阿彥，試過忙得一個星期沒見過家人，一天回家，母親向他說：「阿仔好耐冇見，咁辛苦唔好做啦，做巴士司機好過啦！」阿彥指，這句戲 言竟成了追夢動力，不久他便辭職，去九巴考車長。但追夢有代價，阿彥沒有說他原本當經理時的月薪有多少，只說「轉工」少了三分之二。現時新入職的九巴司機 平均月入，包括底薪、多項獎金和補水約為14,000元，估計阿彥原本的月薪有4萬多元。
阿彥把經歷和感受寫成網誌，吸引不少朋友讚好。他自言要趁年輕好好拼一場：「將來人工更高、職位更高，要放棄更多，就唔會想去追。」阿彥堅信沒有不可能實現的夢想，他駕着他的夢想號巴士笑着出發，至於揸巴士會揸到何年何月，他指暫未有決定。
「追夢真係好奢侈」
阿彥中學會考考到9A1B的狀元成績。
阿 彥在他的「夢想之旅」網誌有這樣一段說話：「追夢真係好奢侈……但係當我今日經歷咗嗰種返工返得好開心，時光飛逝嘅感覺之後，我就覺得人生咁樣豪一次真係 好抵好型棍。我好幸運，我有一個achievable嘅夢想。各位朋友，有夢想真係趁早追啦。唔好比自己任何藉口，否則到你無能力追夢嗰陣，你就會後悔一 世㗎喇。試下啦，好爽㗎！」
http://hk.apple.nextmedia.com/news/art/20130520/18265595
乘客羨慕狀元車長
【本報訊】「係唔係真㗎？」阿彥辭職時，同事都反覆提問；對於他走出金融中心，學習駕駛那龐然大巴，舊同事們都異口同聲佩服阿彥勇氣可嘉。
不能拖累家人
舊同事Eugene說：「佢第一次講要去揸巴士以為佢講笑，但我一路知道佢真心鍾意揸巴士。佢就係一本活地圖。」他指阿彥能夠達成夢想，實在替他開心。
與阿彥共事近兩年的Christine，稱讚他為人開朗愛說笑，而且願意教導新人，對阿彥他朝重返金融業充滿信心：「完全唔擔心，佢真係好叻，相信佢唔會因為咁短嘅時間而生疏！」
巴士乘客中五男生阮同學，知道眼前車長原來是9A狀元和金融才俊時，表示阿彥的追夢故事令他羨慕不已，他透露自己的夢想是想做甜品師傅，但直言追夢原則是要解決經濟問題，不能拖累家人。
http://hk.apple.nextmedia.com/news/art/20130520/18265596
獵頭專家讚夠主動
【本 報訊】九巴現時聘有近8,000名車長，平均年齡47歲，對於大學畢業生為夢想轉行揸巴士，資深獵頭專家張慧敏稱，以前的僱主可能會覺得這做法匪夷所思， 但現時大家的看法已大有不同，「呢啲係人生經歷同體驗，揸巴士都係一種服務，各式各樣嘅人種你都見到，對你做人做事係磨練」。
張慧敏又謂，應徵者擁有別人沒有的經驗，反而令僱主有興趣想了解他，勝過一個普通的大學畢業生。「有目標有夢想嘅人，做起事上嚟嘅熱誠、主動性已贏好多！」
現今較重視素質
學友社學生輔導中心總幹事列豪章表示，就業機會及經濟發展有密切關係，以前的大學畢業生會累積經驗，期望爬到中高層，追求工作上的成就，但現今的大學畢業生則較重視工作素質，因此近年越來越多人放棄高薪厚職，往外國流浪或工作假期。
http://hk.apple.nextmedia.com/news/art/20130521/18266410
粉絲搭296M見狀元車長
好友探班賀夢想成真
有女學生認出Gary是狀元車長即會心微笑，Gary則以笑容及點頭回應。梁瑞帆攝
【本報訊】「今日你至威！」9A狀元梁領彥（Gary）追夢揸巴士故事打動人心，有好友及慕名而來的巿民專程坐其駕駛的巴士；亦有乘客上車認出他是「狀元車長」，開聲稱讚，更多是報以微笑，為免影響行車的Gary只以點頭及笑容作回應。
記者：梁瑞帆 梁偉權
梁 昨日如常上班駕駛296M線，行走將軍澳康盛花園至坑口港鐵站，返中更由下午3時至晚上12時。記者到站頭採訪時，已見有兩名「粉絲」等候，Gary坦言 沒想過自己成了頭條人物，昨晨故事刊出後，大批好友們以WhatsApp、LINE等手機程式送上祝福，他說好感動，好開心。
Gary點頭Say Hi
記者登上Gary的巴士時，剛好是放學時間，全車幾近爆滿，記者見Gary駕車小心翼翼，顯得有點緊張，由於交通安全法例禁止乘客與巴士司機交談，他對遠道而來的好友只是點頭或Say Hi致意，亦有市民專程到來坐車及拍攝，讓他有點尷尬。
兩 名好友Dennis及Edmond特別到來探班，他們透露是在合唱團認識Gary，早知道他夢想是駕巴士，昨閱報得悉他夢想成真，遂由屯門及荃灣遠道而來 坐他駕駛的巴士「遊車河」。Gary全程保持專業精神，靜待全車乘客在總站下車及熄掉車匙後，才與兩好友閒談幾句。任鋼琴教師的Dennis稱，他自己亦 有夢想，便是在經濟能力改善後，義教更多基層小朋友，Gary的故事給了他很大鼓舞。
慕名而來坐296M的還有兩名廿多歲青年，阿豐及汽車維修員洪先生。洪先生讚揚Gary不計薪酬追尋理想很令人感動，又指職業無分貴賤，追夢是應該的。
阿豐則坦言，Gary在訪問中指「要實現夢想，不要令自己後悔」的說法，打動他及不少人的心。亦有中學生認出名狀元車長後，不斷在車廂內竊竊私語。
Gary「夢想之旅」網誌節錄
夢想之旅（一）
（寫於9/4/2013）
三月尾終於的起心肝去「追夢」。見工、試車、查牌、驗身，估唔到咁順利。結果KMB叫我8/4開始去學車，我就正式開始向我嘅夢想出發。
夢想之旅（二）之西沙公路怒劈熱狗
（寫於13/4/2013）
西沙公路其實就係一條雙線雙程行車，由馬鞍山入到西貢嘅窄路。可能你話條路都唔係好窄啫，平時你搭巴士你可能唔覺，揸架大車就唔同啦，你見到對面架泥頭車風馳電掣咁向我方向嚟緊，我個軚向右轉少少，大家就可以做帛金畀我啦。
夢想之旅（三）之路線揭盅
（寫於20/4/2013）
去到暑假會有啲單層12米金巴揸吓，真係唔簡單㗎，個司機位彈吓彈吓，舒服到好似氣墊船咁。
夢想之旅（四）之最後一課
（寫於28/4/2013）
唔覺唔覺，咁就過咗18日training啦，放埋今日假，聽日就正式實現我嘅理想，去載我第一個乘客。我好耐冇試過咁想返工啦，哈哈。
夢想之旅（五）之開工大吉
（寫於29/4/2013）
我真係好驚有日會有人叫我「司機叔叔」……今朝有個小學生同佢媽咪搭車，好彩媽媽指導佢叫我「司機哥哥早晨！」如果佢叫聲「司機叔叔」，我諗我都真係唔係好笑得出。
夢想之旅（六）之諗唔到有咩title wor
（寫於7/5/2013）
短短七日，我收過嘅失物都有好多款，包括一張學生證，一整袋飯壺，一整袋臭衫等等。
我成個禮拜返工都好開心，發覺自己如果真心鍾意做嗰樣嘢，係唔會覺得悶㗎。
夢想之旅（七）之日夜顛倒
（寫於17/5/2013）
返咗兩個幾禮拜工，最鬼辛苦當然就係每日要四點幾就起身啦。呢啲生活終於可以暫時告一段落，因為九巴規矩，除咗一啲特別情況，每個月嘅月中之後就會轉更。
http://hk.apple.nextmedia.com/news/art/20130521/18266412
網友力讚「追夢好過做鹹魚」
Gary的好友到巴士站探班，並拍照留念。馮國良攝
【大獲鼓舞】
「9A狀元棄厚職追夢揸巴士」報道昨日一出，引起不少網民的迴響。主人翁Gary在facebook寫的「夢想之旅」網誌，紛紛收到好友讚like，Gary表示受寵若驚。
有網友稱受到Gary追夢故事的鼓舞，其中吳先生表示：「有如暮鼓晨鐘……對好多浮沉人生的人注入正能量，反思當下自己的位置。」
亦有網友慨嘆，寧追尋夢想而不追逐金錢，原是西方先進社會平常不過的事，但在香港這功利社會卻變成稀有奇蹟。
欣賞甘願放棄精神
但大多網友都欣賞Gary甘願放棄的精神，因「快樂比金錢重要，這才是人生」、「好高興仲有這樣的人，敢於追夢」。
網友Pal更說：「追尋自己夢想，好過做鹹魚。做巴士車長不見得低下，反之做金融也不見得高尚。」
亦有網友冷言冷語指Gary太儍，暗示「睇他做得幾耐」，但瞬即被其他網友譏諷指這些人不識夢想為何物。
網友Ryan表示：「追求自己夢想，自己覺得快樂就行，不用對任何人交代……為了金錢、名利而放棄夢想才是最可悲。」
《蘋果》記者
沒有留言:
張貼留言