80後結他少女拼命流浪去

http://hk.apple.nextmedia.com/news/art/20130514/18259530


Belle帶着結他走遍歐洲及中東等13個國家

「喊即係我輸得更加徹底，我唔喊！」梁玉玲(Belle)鼓起一般香港女生欠缺的勇氣，只帶一把木結他及一支葫蘆絲作伴，獨自遊走歐洲及中東等13個國家。沿途遇上瘋狂沙發接待人，甚至持槍匪徒，但她從沒流過一滴淚。

25歲的Belle，兩年前中大社會學畢業後，拿着苦幹半年儲下來的五萬元，沒問家人拿一毛錢，決定出走四個半月。為省錢，當上沙發客，睡過9個陌生男人家，幸而爆笑經歷較危險多。

「因 為沙發接待人去過以色列，所以show畀我睇耶路撒冷嘅相，越坐越埋，跟住搭住我膊頭，然後用好特別嘅語氣同聲線去問我『Do you want a massage?』(你想按摩嗎?)哈哈哈！」Belle的眼睛立即瞇成一線，爽朗大笑着，以笑容化解一次「危機」，翌日就逃離到另一個沙發了。

豈料另一張沙發，又遇上另一位怪人：「佢平時好nice，但我瞓覺時，就會聽到間屋裡面有『呯呯』聲，喺深夜佢會丟好多玻璃樽，丟好多唔同類型嘅垃圾出嚟。我走去問其他沙發客點解會有聲，其他女仔話『I think he is crazy』(我估他有點失常)。」


睡在9個陌生男人的沙發


將經歷帶回香港辦音樂劇

縱 使「膽生毛」，但畢竟女生一名，總有膽小的時候。人生首次去中東，獨自於約旦落腳，豈料：「我住嘅旅館，有一日我買飯盒返去食，一坐低，點知有嘢頂着我， 原來我坐咗落支手槍度，我即刻彈起身。同枱嘅一班人，我唔知係咪匪徒，個個都有槍架。」這班人更邀請Belle共進午餐，登時冷汗直流的她，最終有驚無 險。「我會形容自己係一個好幸運嘅人，勇敢同魯莽我都有，同埋令人好擔心，但係次次都無事。」

「You may say I'm a dreamer, but I'm not the only one」(你可能說我在追夢者，但我不是唯一一個) John Lennon的《Imagine》，是Belle最常自彈自唱的歌曲之一，歌詞正正是她的寫照。

曾踏遍多國，木結他總陪伴左右，每當遇上厲害的音樂人，更會即興「jam歌」：「其實帶住樂器去，通常唔係我主動搵人，而係佢地搵我一齊黎玩。」人在異地，別人彈奏，她就哼歌，雖然有時不懂當地語言的歌詞，但亦足以動容：「通常令我心動嘅都係音樂人。」

Belle精通色士風、結他、鋼琴，但謙虛說自己不是音樂達人。回港後，籌辦了自編自導自演的舞台劇，也辦了小型分享會，一個個夢想都實現了，但她仍未滿足：「我已經下定決心，下次要踩單車流浪！」也許，這就是流浪者吧！記者彭麗芳