八仙嶺火劫餘生 百次手術變鐵人 堅強衡仔為BB哭了

http://hk.apple.nextmedia.com/news/art/20130317/18198077

兩口子變成三人行，衡仔與妻子並不望子成龍。黃耀興攝

 

【本報訊】在17年前八仙嶺大火中嚴重燒傷及毀容的張潤衡（衡仔），曾接受超過百次手術，身心嚐盡苦頭，磨煉出精鋼般堅強的性格。多年沒流過眼淚的衡仔今 天哭了！只因他的孩子出生。只剩兩根指頭的他，無法為愛兒換片、掃風、沖涼，令他一度沮喪。愛妻一句：「唔緊要，你做唔到，我做！」讓他頓時釋懷。夫婦協 定，日後男主管教，女主生活起居。因為愛，火劫的傷痛不會延續下去。
記者：林賽香 

那一年，只得12歲的衡仔在大火中，六成皮膚燒傷，右眼失去視力，右耳只餘兩成聽力。憑着堅毅鬥志，走出陰霾，成為再生勇士和傑青，現時從事生命教育工作。
 
當年火災在2月發生，17年後的2月，他的兒子恩博出生了，讓今年29歲的衡仔踏入人生另一階段。經歷過苦難的衡仔，處事謹慎，榮升爸爸，對每個細節更一絲不苟。

妻子體諒互相補足

為免妻子作動送院時有閃失，在預產期前兩星期，他每天在不同時段由沙田住所駕車往聖德肋撒醫院以掌握路面情況。他入產房陪伴妻子分娩，恩博呱呱落地一刻， 他感動得想哭，「以前喊晒啲眼淚，咇唔出，淚水谷實喺雙眼」。 

衡仔說恩博樣子似足童年時的自己（圖）。受訪者提供圖片








 
 恩博出生那刻，衡仔感動得要哭。

恩博在2月22日出生，順產，樣子精靈可愛。衡仔拿着童年照片，一臉傲氣說：「佢個樣似足我，同我一樣好動，夜晚成日扭計，搞到我哋團團轉」。不過，一說 到身體傷殘難以照顧兒子，他頓時一沉，「我冇晒八隻指頭，手指唔靈活，連拎奶樽都跣手」。

衡仔透過苦練克服身體限制，但面對如豆腐般脆弱的兒子， 還是要投降，「嗰陣學車好難揸軚盤，咁每日練好多次，練到得為止，但𠵱家唔可以攞佢嚟『較飛』」。幸而得到妻子Rainbow的體諒，令衡仔減輕歉疚 感，「佢同我講，家庭唔係獨力經營，最重要係分工合作。一直我畀人強者形象，但人人都有弱點，一對夫婦要互相補足」。

正在教育學院修讀生命與價值 教育博士課程的衡仔，與朋友經營輔導中心，身為人生導師，深明父母教導子女的難處。他笑言已熟讀4歲前的兒童教育書籍，還準備寫自傳給恩博看，「要畀佢知 我面上嘅疤痕點嚟」。衡仔不擔心自己的樣貌會令兒子被朋友取笑，「我喺外國讀心理學，教授要我馴服一班小朋友，我一個月做到。睇人唔單係外表，而係內 心」。正如他也不是以樣貌奪取妻子芳心。記者問Rainbow為何選衡仔託付終身，她輕輕一句：「如果覺得佢唔好，都唔會嫁佢。」

此刻，記者明白，一個好丈夫，絕對不難做一個好爸爸。