Magic免費貼膜，手工不錯，令街坊喜出望外。麥超億攝
【本報訊】「你好，送手機保護貼，免費幫你貼埋！」屯門街頭近日出現一名80後「貼膜達人」擺檔，他既要避過食環署人員驅趕，又要忍受途人質疑目光，但仍堅持「免費貼膜」，全因不甘生意失敗，待在家中做「廢青」，寧將貨尾贈街坊，為破碎創業夢畫上句號。
「入 貨都要錢、人工都要錢，點解佢要免費？」有街坊質疑送「免費保護貼」服務，甚至懷疑是騙手機陷阱。記者日前在檔口觀察，見先後有十多名街坊光顧，果然全部 不用付錢。原來檔主姓黎叫Magic，自本月9日起，開始「益街坊免費手機屏幕保護貼」行動，背後卻藏着一個破碎的創業夢。
2008年在 港專商科基礎文憑畢業的Magic，認為手機生意有可為，遂2011年投資10萬元與朋友合資開手機舖，惟一年後因管理不善結業。其後他做過多份散工，但 創業心不死，今年初在深圳入貨轉售手機屏幕貼，首次賺錢，心雄再入貨約3,000張，卻無人認購慘成倉底貨。
Magic曾向手機店平價促 銷，卻被壓價，「（手機貼）成本幾蚊一張，賣得一兩毫子」，他不甘賤賣：「掉晒佢？不如貼完收工當幫人」。他試過一天幫人貼了80張，現時已送出逾200 張，雖然等於「倒錢落海」，但卻贏到人情味。他稱有次幫客人貼完手機，對方翌日請他飲汽水，「?家諗起都好開心！」
獲客人轉介搵工
單 親家庭長大的Magic，現時27歲已娶妻，家中還有一名讀小六的弟弟要照顧。這次「益街坊」行動，家人亦不支持：「做乜免費幫人貼，又唔好好搵工。」惟 他堅決：「我幫街坊貼一張，佢可以慳一個快餐的錢，貼一百幾十張就已經幫人慳咗過千蚊。」好心有好報，他日前為一名寬頻促銷員貼膜，獲轉介面試，預計一個 月內送完後，重新做回上班族。
沒有留言:
張貼留言