隨着一家四口親手經營的粥麵店結業，各人縱有不捨亦要與街坊告別。周子惇攝
【本報訊】在北角馬寶道扎根30年的大眾粥麵，終不敵重建逼遷命運，今日正式結業。堅持「真材實料」做食物的老闆佘標，雖然希望在區內另覓地方開業，但亦難捱天價租金，現已重開無望，這類誠意小店亦買少見少。
記者：魏嘉琳 龔蕙芝
白粥及油器是街坊至愛。
早已有「隨時執笠」心理準備的大眾粥麵店老闆佘標，上周四接到業主通知下月不再續租後，仍難掩悲慟心情，「唔好再問，唔好傷得我咁透啦，我好眼淺㗎！」他眼紅紅說「唔捨得」，淚珠幾乎奪眶而出。
招牌三寶 街坊至愛
事實上，北角馬寶道的重建消息早於十年前已傳出，多個單位陸續被收購，至前年大部份住宅已人去樓空，僅餘地舖勉強經營。租約亦由年簽改為每三個月續簽一次，至去年更要每月續簽，「今個月就諗下個月仲有冇得做。」佘老闆說。
以售賣白粥、油器和腸粉「大眾招牌三寶」而馳名的大眾粥麵，老闆佘標30年來堅持每日凌晨2時準備食材，單是白粥底就熬足三小時；腸粉米漿從不加粉，只用米磨，全部真材實料，售價卻仍然是大眾價，白粥、腸粉只售8元，油器一律7元。
除了招牌三寶，還有出名的自家製糭。可是突然「被結業」，之前已接的端午節糭定單，要趕及在日內向熟客交代，他苦笑說：「地產商做生意一定要搵最高利潤㗎啦，社會進步就會淘汰我哋啲老嘢，香港越來越少特色㗎喇！」
佘標笑言：「想為大眾整健康嘅嘢食，冇味精、冇添加劑。」因而取名「大眾」，於八十年代一擲30萬元在馬寶道開業；最風光時曾有兩個舖位，更批發油器到銅鑼灣利苑，高?時有14名夥計。
然 而難關不時找上門，先是1997年金融風暴，後有2002年北角邨清拆，「影響最大，冇咗好多人流，後來執咗一間舖」。之後同區又陸續有茶餐廳、連鎖食店 開業，競爭激烈；但最難捱的要數2003年沙士，「嗰陣冇晒生意，糧都冇得出，睇住隔籬各行各業陸續執笠，真係心都驚」。
佘標一直親力親為搓麵糰及炸油器。
劉氏夫婦深覺大眾粥麵足料亦富人情味，會定期到來食粥及腸粉。
兩子落舖 投身家業
沙士同年佘標捱出病來，小腿靜脈曲張要施手術，一度想結業，卻因此令兩個兒子偉業和偉亮投身家業，兒子說：「開頭係為幫輕屋企，但做做吓一家人親密好多，就算幾辛苦，都係我哋成長嘅烙印。」
不止價廉物美，小店的人情味亦是連鎖食店無可媲美，「有時食嘢唔只食味道，仲係感受」。食客張先生指，連鎖店機械式的招呼冷冰冰，一入一出猶如「監犯拎飯」。撐足30年的老顧客簡伯亦盛讚大眾照顧街坊，「咁多年都冇大幅加價，第時搬去邊，我都一定會繼續幫襯」。
http://hk.apple.nextmedia.com/news/art/20140430/18705171
馬寶道拆12幢唐樓
隨着馬寶道重建，大眾粥麵亦要與老街坊告別。
【十室九空】
隨 着北角舊區重建項目啟動，區內近年大興土木，今次大有可能拆卸重建的馬寶道地舖及住宅單位，涉及同街1C至1P號合共12幢唐樓，受影響租客相繼遷出，當 中包括2011年中了4,400萬元六合彩頭獎的印度男子阿星，他當時正租住上址其中一個單位。目前樓上單位早已十室九空。
財團併購目標指向舊唐樓群之前，已先後在多個大型地皮展開新發展項目，當中備受矚目的前北角邨地皮2003年被清拆，由新鴻基地產前年7月以近70億元投得，經向城規會多次審批，去年底終獲准興建九幢合共提供702個單位的商住樓面。
另外，長實三年前以62多億元投得鄰區北角油街臨海地皮後，去年底獲屋宇署批建合共七幢集住宅酒店於一身的大型綜合項目，總樓面逾75.54萬方呎，當中住宅樓面達43.25萬方呎。
《蘋果》記者
http://hk.apple.nextmedia.com/news/art/20140430/18705173
逼遷店主含淚話別
其他小店亦難逃清拆重建命運。
【感慨良多】
除大眾粥麵外，北角馬寶道不少老店都收到「收樓令」，要在5月前遷出。有店主感慨落淚，稱留戀北角的老街坊人情味。
經營20年藥材店的中醫師彭先生，亦是臨急於上周三獲悉要收樓，要在今日遷出，雖然明知遲早要搬走，但張貼結業通告時，仍感慨不捨，「本來打算做多幾年，?家當提早退休，咁多年真係好多謝街坊支持」。
「呢度比大集團買咗，三層可以起30層，財團要錢搵錢，我哋都冇辦法啦」。時裝店老闆林小姐慨嘆小店越來越少，市民無選擇，為趕及今日交舖，衣飾要劈價至15元一件。談到日後打算，林哽咽道：「講就流眼水，唔好提喇！」
「唔使講喇，我會喊㗎！」說起街坊的溫情，在馬寶道經營泰國雜貨店的泰國人林小姐，同樣不禁落淚表示不捨老街坊，該店將於5月底交舖。
《蘋果》記者
沒有留言:
張貼留言