謝志峰自言對國家有深厚感情，遭網民改圖謔稱「大中華膠」。資料圖片
由 「留守廣場上的記者」到被網民改圖謔稱為「大中華膠」，謝志峰自言對國家有深厚感情，對年輕一代抗拒中國人身份，他認為中共應反省，「點解搞到啲人聽到中 國人呢個詞都打晒冷震？梗係平時做嘅嘢令人心灰意冷，逼到啲人離家出走啦」。他認為參與六四集會毋須複雜理由：「當年你有冇嬲怒過？六四鎮壓係咪啱？」
「愛呢個國家冇罪」
六 四時任職亞視記者的謝志峰，上周出席國民教育家長關注組活動時表示香港逃避了發生在中國的革命和災難，有責任為中國服務。事後收到署名Christina Walter的公開信，批評謝「綁架整個香港」，不同意中國是香港人的根，又指謝已年老「未能夠接受香港新一代對香港和中共國的感覺」，有網民更製圖嘲諷 謝是「大中華膠」。
謝對被抽秤「無言以對」，「愛呢個國家冇罪，我所謂幫中國，係一個大概念，而唔係中國政府嘅概念，我自覺係中國人，立 場想中國好，唔係盲目，唔係啱唔啱我都維護」。他對本土派的想法感失望，認為是逃避，「我唔會嬲佢哋，我都有無力感，佢哋都係經過好痛心嘅階段先選擇咁 做」。
http://hk.apple.nextmedia.com/news/art/20130530/18277012
愛國口號不是第一次喊
89年6月11日的支聯會選舉大會上，司徒華、何俊仁及張文光等均穿上「愛國愛民」汗衣。
一 件舊汗衣，一句老口號，24年後被支聯會選中為燭光集會主題，並演變為巿民分化的導火線，當年印製「愛國愛民，香港精神」T恤，是工業傷亡權益會總幹事陳 錦康。他直言始料不及，強調印此口號只是自然感情流露，沒想得太複雜，「如果大家真係對愛國呢樣嘢有保留，可以加埋個註腳落去，講明愛國不等於愛黨」。
陳錦康：自然嘅感情流露
第一代「愛國愛民」汗衣由陳錦康（左）印製，他是當年民運的印衫王。資料圖片
24 年前，T恤都是由人手逐件印製，懂得做絲網的陳錦康成為民運「印衫王」。對於當年為何會用「愛國愛民，香港精神」的口號，他坦言已忘記，「嗰時印咗好多 嘢，一諗起做個絲網就去印，好山寨，印咗幾多件都唔記得」。他相信是出於群眾當年的真摯感情，「唔鍾意共產黨，唔等於唔愛中國，當年講愛國愛民，只係覺得 要做一個人要做嘅嘢，支援六四學生係出於愛國，係好自然嘅感情流露，唔應該諗到咁複雜」。
翻查舊照片，89年6月11日，200多人出席 支聯會選舉大會，司徒華、張文光、何俊仁、劉千石等人，就在台上穿着這款汗衣。陳錦康指，若有人因此不參加六四燭光集會，是個人決定，「冇人會諗到搞成 咁，我會問大家係咪諗多咗呢？如果大家真係對愛國呢樣嘢有保留，可以加埋個註腳落去，講明愛國不等於愛黨，但唔好因為咁令個運動分化咗，有時聽到呢啲言 論，我哋都好唔開心」。
他認為每個人都應該愛國，「愛國係每一個人都應該，我都日日話政府不是，但政府有不是咪提出反對聲音，希望佢改善囉，唔係話唔認同自己係中國人，啲人將愛國等於愛黨，我唔會阻止，我只係唔希望因為咁搞到個運動分化」。
http://hk.apple.nextmedia.com/news/art/20130530/18277020
世代轉移 故鄉變蝗窩
近年中港融合加劇，內地人來港搶奶粉、搶金，他們不再是港人的關愛對象，反而成為競爭對手。資料圖片
政權中國、文化中國、人民中國，你心目中的中國又是甚麼呢？是五星旗、龍獅旗、青天白日旗，還是一片空白茫然呢？過去24年來，把香港人覆蓋在同一天空下的平反六四訴求，因為「愛國」一詞而突然瓦解，一代人看成家鄉的土地，變成另一代人眼中的蝗蟲窩。
有學者表示愛國主義本身沒有好壞，香港社會在過去10年處於思想激盪的狀態，是否愛國其實無關宏旨，重要是不要排外和尊重異見。
以往接濟鄉下親戚
在支聯會主席李卓人的心目中，那個可望而不可即的國，是山水情懷，以及魏京生、李一哲對政權批評的大字報，「今日大家睇到嘅可能係強國人，但我睇到嘅仲有民工被剝削、被強搶土地、被官僚欺壓，同埋國內好多非政府組織介入社會，照顧啲無權無勢嘅人」。
中大政治與行政學系高級導師蔡子強以世代作分析框架，他表示上一代人不少都根植內地，戰後才移居到香港，「好多人都自覺係由中國一個地方走難去另一個地方，諗住風波過去之後會返去，到50年代邊境封閉，人口再唔係咁流動，香港人先開始建立嗰種獨立主體意識」。
其後的一代雖然不在內地出生，但仍有不少親人居於內地，「嗰時冇話大國崛起，唔會直接威脅到你，返鄉下接濟親戚有種優越感，揹個擔挑、拎罐花生油，啲親戚會拎個細樽嚟，好開心咁裝走啲油，用膠袋裝啲白兔糖、煙仔餅，令人有空間去發揮善良本性同埋孕育同情心」。
如今與內地人競爭
至近年中港融合加劇，內地人不再是關愛對象，而是競爭對手，「嚟搶學位、搶奶粉、搶飯碗，咁仲講乜嘢同情呢？媒體比起六、七十年代發達，中國新聞比例好重，少咗啲幻想」。
嶺大文化研究系助理講師葉蔭聰認為愛國主義本身沒有好壞，「最重要係唔好排外、唔好有專制思想、壓制異見，只要係重視平等關係、反專制，就唔係壞事」。
葉蔭聰指香港自2003年至今，一直處於思想激盪的狀態，政治再不是民主派和保皇派之分，無論是香港本位，還是熱愛祖國，都有共存和互相刺激的空間。
http://hk.apple.nextmedia.com/news/art/20130530/18277034
康文署否認協辦賽事
王範地
【王 範地來港受阻】六四死難者王楠父親、中國著名琵琶藝術家王範地原定前日來港擔任「青樂杯2013香港國際青少年琵琶比賽」專家顧問，其妻張先玲亦陪同，但 遭公安阻止、主辦單位又以「六四快到很敏感」為由取消邀請。該比賽網頁曾一度顯示康文署為「協辦機構」，但康文署昨否認協辦，也沒批准租用場地人士使用署 方的標誌。比賽網站整個有關網頁昨已被移除。
沒批准用署方標誌
六四前夕，王範地及張先玲臨出發到香港出席琵琶比賽時，遭公安「勸阻」、被主辦單位中國宋慶齡基金會培訓交流中心通知邀請已被取消，事件引起海內外關注，批評中共懼怕六四，連民間藝術交流也要封殺。
香 港康文署昨日澄清，根據場地租用資料，比賽申請及主辦單位為中國青少年民族器樂協會有限公司，於2013年5月29至31日租用荃灣大會堂文娛廳舉行比 賽。康文署強調，該署並非該活動的協辦單位，亦沒批准租用人使用該署的標誌。由於署方並無參與籌辦該活動，不知悉主辦團體邀請嘉賓的詳情。
康文署指將向場地租用人跟進，該活動的網站在未得署方同意下不恰當使用康文署標誌。記者前日在比賽專屬網頁仍看到比賽的協辦機構包括康文署，但昨日再到該網站，有關網頁已被移除。
沒有留言:
張貼留言