【CY四年】
【本 報訊】「落力為你好，得不到分數。」特首梁振英任內低企的民望，正是其施政寫照，4年前他曾挾「高民望」獲689票選委票當選，不過上任後，民望迅速暴 瀉。沒有一人一票的政制，民意或許無法充份表達，鼓吹創科的梁特尚有網絡世界為鏡，自facebook上月底推出畀「嬲嬲」功能，梁特個人專頁「獲嬲量」 突破100萬，每次發帖「萬嬲」無難度。梁任內對社會議題忽冷忽熱，令人難以觸摸，他對市民的關懷，對捍衞核心價值的決心，「可能到某日會知道」。
記者：鄭啟源
造王者多拒表態撐梁
資深梁粉：CY肯定爭連任
劉炳章
【本 報訊】2012年3月25日，梁振英「逆轉勝」，以後來居上姿態，壓過唐英年及另一候選人何俊仁，登上特首寶座。回歸後，首兩任特首都能成功連任。雖然特 首跑馬仔未展開，資深「梁粉」劉炳章已放風，除非中央出手制止，梁振英幾乎肯定會角逐連任。梁班子過去4年表現，社會滿意程度從其民望已可略知一二，本報 近日訪問多位4年前有份「造王」、提名梁振英入閘的選委，多人拒表態挺梁，更有選委表明鼓勵其他有心人加入競爭。
記者：鄭啟源 呂浩然
特 首跑馬仔賽季即將開鑼，曾為梁振英競選辦要員的資深「梁粉」劉炳章，在傳媒茶敍中漏口風：「除非阿爺阻止，以佢認識嘅梁振英，肯定會競逐連任。」劉炳章直 指，已預料社會將開始向梁振英追債，盤點其政綱如何走數，認為梁客觀上在房屋、扶貧等方面交出功課，有成績再戰特首寶座。不過他承認，梁民望低迷，以及與 中共關係密切的「原罪」，將成為梁爭取連任的弱點。
除非阿爺阻止
過 去4年香港社會諸事不順，社會撕裂走向兩極，輿論將矛頭指向梁振英的強硬管治手法。劉炳章與梁振英識於微時，他在茶敍中不時為好友辯護，指梁政府的多項民 生政策，在當初公佈競選政綱時是獲得社會支持，但梁當選後卻出現議會拉布等無法預期情況，「好多時候政治考慮多過現實考量，唔係一個人可以孭晒喎，我就覺 得佢交足功課」。
梁振英初上任，表明任內房策是重中之重，但現在樓價高企，上車依舊艱難，公屋輪候冊越排越長。劉炳章辯稱，長策會確立48萬建屋目標，現時已找到足夠興建46萬戶房屋的地皮，公私營房屋建屋比例改6比4亦已配合需求，「就算做唔到十足十，房屋方面已做足九成」。
但 劉承認，梁振英如何落力，民望上也得不到好分數，低位徘徊的民望或會是他競逐連任的包袱，「觀感係好主觀，但客觀睇，佢（梁）真係做咗好多嘢」。他又指， 與中共關係密切也是梁爭取連任的弱點，「好多人唔鍾意共產黨，就會將不滿投射喺佢身上，太後生與中央拉上關係，呢一樣係佢嘅原罪」。
梁振 英要競逐連任，也必須為現時嚴重撕裂的社會拆彈，劉炳章說：「香港好多矛盾，可能到香港真係衰咗之後大家先會珍惜。大家要諗，係咪換咗CY就可以解決問 題？你唔鍾意CY就冇辦法，客觀評價佢有心有力，真係唔會比人差。」他更強調，梁是敢於向地產商「SAY NO」嘅特首。
劉炳章又表示， 以他對梁振英的多年了解，「除非阿爺阻止」，否則梁振英一定會角逐連任。但是兩會期間京官一律封口，不少政界中人未能探到中央口風，劉炳章相信9月立法會 選舉結果，將成為左右來年特首選舉的轉捩點，「如果建制派大敗，到時要搵人承擔責任，好大可能由CY承擔啦」。
http://hk.apple.nextmedia.com/news/art/20160324/19542500
測量界：梁得罪唔少人
潘永祥
專 業界別中，建築、測量及都市規劃界算是當年梁營票倉。城市大學建築科技學部高級講師潘永祥是提名者之一，梁執政將近4年，土地開發引起盲搶地批評。潘永祥 認為，梁的房屋及規劃政策其實貫徹其政綱目標，以「走數」形容並不準確，只不過要推行「梁策」，實在不容易也非想像中順利。
有票也不提名梁
潘永祥直指，施政困難與特首的個性有關，「佢性格好急，覺得一件事係要做，就好快要見到成果。強勢下，官員唔太開心，民間亦未必接受」。梁班子治下，多項民生政策都有類似問題，「如果係其他老油條政客，有反對聲音就拖慢做，打個折頭減規模。但係梁執着，結果得罪唔少人」。
特 首跑馬仔賽季又將展開，潘永祥未考慮會否再參選選委，並說就算有票也不會再提名梁，「我提名係以達致有競爭性選舉為原則，佢（梁振英）爭取連任實會夠票， 傾向幫其他合理候選人」。至於投票時也不保證挺梁，「要睇晒成個Package，唔係有心有能力就得，都要睇埋政治手腕好唔好。做唔到社會和諧，有心做事 都未必有用」。
http://hk.apple.nextmedia.com/news/art/20160324/19542520
漁農業：未必會再揀佢
李良驥
梁 振英4年前深受漁農界歡迎，提名時60票選委票，他囊括57票。界別選委新界養雞同業會副監事長李良驥解釋，前任特首曾蔭權主政年代，香港社會欠缺朝氣。 特首選舉時，無論提名或投票階段都毋須掙扎，「唐生係曾班子成員，可以估到佢做特首，香港會繼續係點」。相反，一度為提名票告急的梁振英出身基層，對漁農 界而言相對有共鳴，出身基層的人，更能體會低知識水平勞動人口的苦處。
「佢唔識玩政治」
李 說當時香港產業政策一池死水，梁有改變的形象，是當時較好選擇，「我冇後悔過揀佢，亦唔覺得梁振英有做錯」。惟梁上任後，香港社會撕裂，李認為與梁政治智 慧不足有關，「佢唔係一個識玩政治嘅人，搞到做咗特首有好多人反對佢。其實我覺得佢做嘢OK，扶貧有成績。但係從政就係要夠圓滑，有政治智慧先會做得 好」。「梁特首個人有原則，但唔圓滑，有好多掣肘，搞到好難做落去」。他指，雖然目前未有競選人選難以評價，但自己並非百分百保梁，或將選票給予更理想人 選，「如果有更理想競爭者，我未必會再揀佢（梁）」。
http://hk.apple.nextmedia.com/news/art/20160324/19542543
建制派：特首應有胸襟
葉國謙
新任行政會議成員民建聯葉國謙認為，特首梁振英應有胸襟向「對頭人」釋出善意，團結不同人士；又承認若梁做不到這點，他連任特首對港非好事。多名昔日提名梁入閘選特首立法會議員，再被問到是否支持梁連任，全部不肯表態。
何俊賢：挺梁言之尚早
葉 國謙昨接受電台訪問時指出，作為特首需考慮向「對頭人、泛民」釋出善意，有團結人民的胸襟，「如果唔解決到呢個問題，社會嘅撕裂上面都係會影響到施政」， 主持人追問葉，若果梁做不到而連任是否並非好事，葉即說「可以咁講」，「因為行政長官係香港最高嘅負責人，咁呢點係有咁嘅責任」。
曾於 2011年提名梁振英參選的民建聯何俊賢、工聯會郭偉強被問到是否支持梁連任，均不肯表態，只說言之尚早。何雖認同梁在房屋、雙非問題上的成績，但認為其 政治手法是否合適見仁見智。郭則表明要得到其支持，特首候選人須在標時等勞工議題上提出具體解決方法。同樣有提名梁的旅遊界姚思榮亦指，要看清楚形勢才決 定是否挺梁，又暗批梁拒聽意見，促梁「唔好太過將自己嘅諗法套喺政策上」。
http://hk.apple.nextmedia.com/news/art/20160324/19542566
高教界：只懂有火撲火
熊永達
上屆特首選舉，梁振英的提名名單中亦有少數泛民選委，包括民主黨黨員、高等教育界選委熊永達。熊指，當時泛民何俊仁已夠票入閘，形勢上另一候選人唐英年又幾乎篤定當選，為鼓勵選舉真正有得鬥，便選擇提名告急的梁振英。不過他強調：「我絕對冇投票畀梁振英。」
指選委作用有限
熊 永達說，作為少數有自由意志選委，當時決定提名的想法相當簡單，「想真係有得跑下，到投票嘅時候又會唔同，咪畀機會佢（梁振英）跑吓」。往後情節市民或許 印象猶深，唐、梁二人相繼被揭僭建，梁更在論壇中，被唐踢爆要以防暴隊對付示威者，「雖然有冇我提名票都差唔多，但真係多咗好多激辯競爭機會」。
對 於過去4年梁班子施政，熊形容情況與回歸後歷屆政府相同，只懂有火撲火。熊連任高教界選委多年，對於選委的作用有限，他亦感意興闌珊，打算趁即將退休不再 角逐選委。當日有份提名梁振英的泛民人士，包括公民黨吳永順、教育界周慧珍、衞生服務界周昭賢，及屬泛民友好的宗教界毛祺昌。
沒有留言:
張貼留言