免費電視台一哥無綫近日公佈去年本業首度虧蝕；圖為將軍澳電視城。
【電視風雲】
【本 報訊】陳豪、黎耀祥、陳豪……當亞洲電視即將由「永恒」走到「千古」，獨大多年的無綫卻10年如一日，未見轉機；曾經膾炙人口的本地製作電視劇，觀眾逐漸 流失，去年本地業績更首次見紅。是行內青黃不接？還是政策累事？快將開台的ViuTV又能否為一池死水的香港電視工業帶來漣漪？本報將在亞視熄機前一連3 日專題剖析。
《壹號皇庭》系列監製鄧特希認為，一台獨大多年致台前幕後青黃不接問題嚴重。 仇志德攝
香港的電視台，曾是電影工業的少林寺，不少著名影視人都是電視台出身。但隨着電視台固步自封而被觀眾日漸離棄，電視人才亦出現斷層。負責影視課程的學者指，「以前入電視台做好威」，但現時學生都不以加入電視台為首選。資深電視人亦批評，政府政策也窒礙了本地人才的發展。
政 府容許一台獨大多年，令整個電視行業欠缺製作高質素節目的原動力，《壹號皇庭》系列及《妙手仁心》監製鄧特希認為，這是導致台前幕後青黃不接問題嚴重， 「前排同TVB一位導演食飯，佢話同朋友傾偈時被嘲笑『最近拍乜X劇』，X係粗口嚟，咁情況下都唔想做啦！無綫一直冇對手，成班前輩又坐喺度，下面嗰班睇 唔到前景同機會，人才自然流失」。
鄧特希：有知名度都返大陸
鄧續 說：「幕前更現實，青春有限，稍有知名度都會返大陸發展搵多啲。香港製作費同內地冇得比，我哋（監製）選角好頭痕，假設一部劇要搵兩、三位男主角，約30 至40歲之間，你話可以搵邊個？有啲喺TVB，有啲返咗大陸，有啲二、三線可能有潛質做主角，但實際市場又話畀你聽，不如搵番吳啟華、陶大宇、宣萱，喺東 南亞一帶有呢幾個名就會感興趣（有市場）。」
無綫前業務總經理陳志雲則指，青黃不接情況早已存在，原因是電視台流水作業式製作影響創作空間，加上內地節目需求吸納了大量香港人才，令香港人才買少見少：「但冇辦法，香港冇競爭，冇機會畀佢哋去磨刀，咪去內地！」
其 實香港不乏培育電視精英的硬件，知專設計學院每年有約200名電視電影課程學生畢業。學院傳意設計及數碼媒體學系主任黃培達表示，近年越來越多私人機構聘 請攝製人才，時裝、地產等都需要人拍片及剪片，毋須大學學歷，實用攝製課程更配合市場需求，所以他們的畢業生基本上不愁出路。黃稱因出路多元化，學生想法 亦有轉變，「以前好鍾意入電視台做，好似好威，?家好多學生都唔想第一份工就入電視台，佢哋自己都未必睇大台節目」。年輕一代不像以往般對傳統電視台抱幻 想，學生九成時間對着電腦及手機，接受新媒體能力高很多，很多學生寧願加入小型網台，覺得發揮空間較大。
知專數碼媒體學系主任黃培達指學生出路多元化，不再想加入電視台。張志華攝
資深電視人蕭若元稱電視業行內老化，幕後編導缺人才。沈健程攝
蕭若元：台前出唔到周潤發
資 深電視人蕭若元也認同說：「時代唔同晒，六、七十年代，電視係未來新嘢，當年大學精英如周梁淑怡、葉潔馨等，爭住入行，做電視係好潮職業，?家電視變成夕 陽行業，成行老化，台前出唔到周潤發、劉德華同梁朝偉呢類巨星，幕後編導演都冇人才。」電視台本身未能孕育足夠人才，曾任職多間電視台的資深編導蔡錦源指 出，電視業十多年前已出現人才斷層問題，電視台一直以來並無有系統訓練新人，沿用方式是舊人帶新人，但舊人又追不上影視新發展，「就算有訓練班，只不過幾 個月至半年，之後就掟出嚟自生自滅」。蔡認為現時電視台太制度化，由高層管理人員控制創作，高層怕影響收視、怕孭鑊，不敢嘗試新意念，只會扼殺創意。政府 限制發牌亦扼殺創作空間，現時相比70至80年代，已有多間大專開辦多媒體課程，有大量高質素影視畢業生，但電視業卻無一個好園地讓他們發揮。必須開放頻 道，令更多人有機會不斷嘗試。
■記者麥志榮、王麗春、周鳳儀、楊潔雯
http://hk.apple.nextmedia.com/news/art/20160330/19549870
TVB蝕錢
陳志雲憂成拒發新牌藉口
陳志雲指當初若政府發牌給王維基，免費電視就不會有今日現象。 陳俊強攝
無綫近日公佈本業首度虧蝕，陳志雲憂慮政府以此作為不發新電視牌藉口，他說：「佢哋會話『我哋都話啦，唔可以發咁多個牌，?家連龍頭大哥業績都變成咁，再發牌嘅話，嗰間都冧埋咪仲死』，我最擔心呢樣嘢，如果先前申請免費電視牌照，發咗畀王維基，唔會有今日現象。」
ViuTV加入「好過冇」
陳 指亞視被釘牌後電視界完全沒競爭，沒競爭不單對香港觀眾和業界造成損失，對無綫其實亦造成損失，「因為冇競爭唔單止冇進步，係會大退步㖭！我做乜要擺更多 錢落去？你係咪都要揀我㗎啦！但當你冇人去爭、冇咗個話題，大家想睇免費電視嘅意欲更加低，加埋新媒體越嚟越蓬勃，免費電視步向滅亡日子就越嚟越近，所以 大家睇到觀眾嘅流失，都係主要原因之一，點挽回觀眾睇免費電視，一定要盡快增加真正嘅競爭，而唔係求其畀咗另一個台（港台）做公營廣播。」
全新免費電視ViuTV下月開台，陳認為縱使外地劇製作水準高，但香港觀眾也會愛看港劇，因有本地元素，令觀眾產生共鳴。陳笑說：「不過多個人入嚟玩總好過冇，但對於佢（ViuTV）競爭力有幾大，就要睇佢肯投入幾多資源落去。」
■記者戴彩煥
http://hk.apple.nextmedia.com/news/art/20160330/19549896
港台僅增聘4人
員工日做14小時
港台主持麥嘉緯斥政府擺港台及觀眾上枱。朱家駿攝
港 台接手亞視模擬頻譜後，將直播數碼頻道的港台電視31，啟播時間也會由以往的下午2時提早至上午6時半，並增加3個全新節目。不過港台資源所限，新年度只 增聘4名電視員工，工會認為明顯不足，直指現時已有員工須每天直踩逾14小時。主持麥嘉緯亦指，港台硬件已用盡，難製作更多新節目，質疑政府無預先作詳細 規劃，甚至沒有訂下一個清晰定位。
助理廣播處長（電視及機構業務）陳敏娟早前表示，政府在2016至17年度已增加港台撥款約1.35億元，用作加強電視及電台服務，政府沒因應今次交接額外撥款，但她指調撥資源及人手後足以應付；據資料，新年度新增經常性開支約1,430萬元，包括增聘4名員工。
設備飽和 難增新節目
港 台節目製作人員工會副主席趙善恩指，為應付更多電視工作，現時不少前線員工已身兼數職，例如電台新聞部的員工要同時製作電視台的新聞報道；至於負責早晨節 目的電視台員工，更要每日清晨4時半開工，下午繼續處理其他日常工作，晚上7時才可收工，「現時人手已相當緊張，我覺得4個新員工唔足夠應付」，憂慮若長 遠發展為24小時電視台，但人手依舊必犧牲節目質素，希望政府能撥款增聘員工。
港台主持兼編導麥嘉緯指，電視部硬件已用盡，如錄影廠長期 爆滿，剪接室亦已由一間劏為兩間以容納更多剪接師，控制台也不時失靈，「?家嘅設備容量已近乎飽和，好難想像點樣再增加節目」。他認為現時人手「啱啱夠 用」，但要應付大量工作，就難有餘暇「諗橋」設計新節目。麥憂慮若增加廣播時間，卻沒足夠新節目填補，只會損害形象。
麥批評政府一早知道 亞視會於4月停播，卻沒有提早作出詳細計劃，確保觀眾有更多選擇，「政府唔止擺港台上枱，而係擺全港觀眾上枱」。他認為政府還說不出其定位，「究竟我哋只 係一個替代品，求其有嘢睇就算，定係想我哋做一個有質素嘅、全日廣播嘅電視台？如果係後者，點解唔撥多啲錢俾港台買設備、出去租廠同埋請多啲人？又有冇順 勢爭取新大樓呢？」
港台電視部總監鄭惠芳認為，港台始終是走公營廣播機構路線，以社會責任為先。她指港台定位難與商營電視台比較，但不代表港台節目不好看。
■記者陳建平
http://hk.apple.nextmedia.com/news/art/20160330/19549931
邱達昌：亞視死因不夠本地化
亞視熄機在即，已故老闆邱德根兒子、遠東發展主席邱達昌（圖）接受now新聞訪問時表示，亞視的死因是不夠本地化，並寄語「香港千祈唔好學亞視」。
1982至88年是亞視的邱德根時代，當年的亞視一度威脅無綫一哥地位，經典作品包括1985年開始舉辦的亞洲小姐選舉、1986年的電視劇《秦始皇》等。邱說當年亞視成功秘訣是人棄我取，拍攝很多無綫欠奉的歷史故事劇集。
談 到亞視死因，邱說：「電視台係一個好本地化嘅生意，香港一個最叻嘅人，唔可以run（經營）一個北京嘅電視台；北京電視台最叻嘅人，我唔覺得可以run香 港嘅電視台，因為其實好多文化好多嘢唔同。林百欣（邱德根以後的大股東）之後，幾個投資者可能都有錢，但唔係好本地化」，「香港係一個漁港，發展到今日嘅 國際城市……（亞視）係有少少相似香港。當然，香港千祈唔好學亞視」。
本報記者
沒有留言:
張貼留言