沒有開不了口 港女：答錯死梗

http://hk.apple.nextmedia.com/news/art/20131115/18509520

即使男女間如何親密，面對另一半，也總會有心中很想問卻「開不了口」的時候。日本有網站做了一個調查，選出情侶10大開不了口的問題，結果第一位是「有考慮結婚嗎」。香港的情侶們，又有甚麼問題是開不了口？
記者：鄒倩婷　攝影：林寶益

動 記者在旺角做街訪，過半受訪者都表示兩人之間沒有甚麼不可以問，認為對方最重要是坦誠相對。至於認為有不能問的問題，包括「同我一齊係咪真係開心，有時佢 話開心都未必真係開心」、「有冇出過軌，因為事實可能會好難堪」、「真心鍾意我嗎，就算你答咗，都係唔信，咁不如唔好問」，亦有受訪者認為問問題前，心中 根本有指定答案，「你話有冇考慮結婚，如果你哋o依家一齊緊，你話冇考慮就死得啦」，旁邊的男朋友都笑著回應說，「都知道答乜嘢嘅」。

若立場倒轉，受訪者表示不希望對方問自己有多少存款，因為怕對方會罵自己「大使」；又介意對方問自己是否真心，認為有些事不用說出口；也怕對方問自己有否出軌，因為顯示對方不信任自己。

其實情侶間也常有話題禁忌，例如有受訪者認為，「財政方面應該獨立，有返自己私人空間」、「比較前度，唔想聽返以前嘅事，可能會有條刺」、「如果對方煩惱緊，可能會唔講住先，等佢煩完再問返」，其實所謂的禁忌，或許只是互相尊重，始終相處開心才能長久！

http://hk.apple.nextmedia.com/news/art/20131115/18509521

拍拖工作hea又慢　港女貪上司夠charm

在動機與情緒雜誌(Motivation and Emotion)的研究發現，談戀愛的人在工作時特別不專心，有女士還指責：「最衰係男朋友！」香港的上班一族，工作時又會否心散？心散又與另一半有關嗎？
記者：鄒倩婷　攝影：林寶益

動 記者在旺角做街訪，約一半受訪者認為談戀愛會影響工作，「因為你有來有往，有就要覆架嘛，你唔覆可能又會畀人話做咩唔覆，尤其是而家WhatsApp有兩 個剔」、「有時掛住send嘢，反應可能會遲鈍咗少少，如果有urgent嘢做，可能會慢幾拍」，亦有受訪者認為不專心是源於自己懶散，認為如果有工作在 身，自己可以選擇不回覆訊息。

另外，英國最近有研究稱，八成受訪者都希望在辦公室找到伴侶，但超過7成女性都要求對方是上司。不過香港人 似乎相反，「如果分咗手咪好尷尬，要日日對住佢」、「我唔鍾意女朋友日見夜見」、「如果同高級過你嘅拍拖，啲人會覺得你借佢上位，如果你同啲新入職嘅拍 拖，啲人就會覺得你係掛住媾女」。不過，有女士坦言覺得上司很有魅力，認為想與上司拍拖是很正常，只是未必人人會行前一步。