候選人網絡戰 「毛」助呃like

http://hk.apple.nextmedia.com/news/art/20160802/19719445

候選人網絡戰　「毛」助呃like


為田北俊出po的田毛毛怕「方丈」小器，戴面具避禍。李家皓攝

【本報訊】新一屆立法會選舉網絡戰，「毛」奇不有：田毛毛原來是團隊，當中女毛愛抽水；80後全職根毛毛，成功幫Tree根轉Look。有一種毛毛，叫鄺神；用逗號，令人讚好。
明知網上人氣未必轉化選票，依舊「毛」所不用其極呃like。田北俊旨在藉此平台訴心聲，與年輕人尋共鳴；鍾式英文與成語之外，鍾樹根還有其他至愛；鄺俊宇好累，但鄺俊宇繼續一條龍出po（貼文）。

目的未必盡同，看法卻一致：網上動員是趨勢，強攻肯定無蝕底。如何「毛」事生「飛」？毛毛自行揭秘！
記者：許偉賢

田北俊抽水抽出高人氣
抽水po抽出高人氣，應歸功69歲學新猷的田北俊，抑或正職外義務相助的田毛毛？「初初同佢哋會有啲拗撬，點紅點綠喎，但試過一次就靈，下次咪畀佢哋點多啲囉！」

在facebook有超過4萬個like的田北俊，口中的「佢哋」是指約3個人的田毛毛團隊，全部是黨員非職員，每天透過WhatsApp群組互相通報時事熱話，然後向他獻計，其中一條是罕有的「女毛」。

吸收民意提升黨形象
80後外國回流，政改投票甩轆後豬隊友戴眼鏡的經典po，是她靈機一動神來之「圖」。因為方丈太小器，真身不曝光，連聲音都要隱藏以避禍。

「前 期見到啲嘢，問佢（田生）po唔po？佢話okay後，會畀好多意見；後期就越嚟越主動，不停話po，仲要我哋去阻止佢㖭呀，係唔係？」田毛毛說願做義 工，全因與黨理念相同，不介意花心思度橋出po，力爭更多人留意，坦言facebook要成功吸睛，除了他們要有點子，也要田北俊願配合，「其實田生好開 明；𠵱家佢真係學識咗好多潮語，我都幾驚喜！」

明知facebook的like未必轉化成選票，田北俊卻樂此不疲，無非因為能吸收民意兼提升自由黨形象，「唔會太老餅」，「如果冇聽民意、唔知市民心聲，咪嬲嬲豬多過like囉！」

與田拍檔戰新東的李梓敬，由其中一條毛變身參選人，視facebook為與市民直接聯絡的平台，但不會輕視真實世界：「網上幾十個人讚你，擺番喺真實世界唔會好多，有時（多like）會自我感覺良好，但都要警惕，始終有網外真實世界嘅意見。」
■記者許偉賢

http://hk.apple.nextmedia.com/news/art/20160802/19719459

鄺俊宇一腳踢談情寫文


鄺毛毛就是鄺俊宇，自行管理fb。黎樹雄攝

「喺 Inbox有好多秘密㗎，社會各階層會將佢哋嘅古仔寫過嚟，畀鄺俊宇寫成散文作品再發佈」，80後鄺毛毛是管理近16萬like的facebook管理 人，盡可能每天傍晚6時15分將秘密化成文字出po，「其實有啲似細個打電話去電台，交低咗一件心事，感覺就舒服好多；識咗個主持人，然後又好鍾意個主持 人」。

「愛情的逗號」談民主
談情說愛外，鄺毛毛都關心時事議題，因為鄺俊宇是作家、也是區議員，「（例如）有啲社會議題發生，以往都會用呢個page去幫手號召，好似南生圍攞反對信、爭取動物權益嘅遊行咁」。

最 近出po「愛情的逗號」，將愛情故事結合民主進程，並對逗號自嘲抽水，成為鄺毛毛得意之作，「自己抽自己水都有唔少朋友支持」；而鄺毛毛最想幫助鄺俊宇打 造的，是一個「善良的形象」，「鄺俊宇其實唔鍾意攻擊人㗎；所以有啲好抽嘅題目都好，都未必會攻擊，除咗一個人，就係周浩鼎」。到底鄺毛毛是誰？他二話不 說揭開面具：「鄺毛毛嘅真身，其實都係鄺俊宇嚟㗎！」
代表民主黨出戰超級區議會的鄺俊宇，化身毛毛一腳踢，「因為太多秘密，唔可以委託其他幫手」。33歲的愛情小說作家，將傳統選舉喻為老婆餅：「有個好靚嘅傳統，但都一定要革新銷售方法，要喺各區開唔同分店，將以往推動嘅信念，透過網絡將佢倍大。」

他不忘補充，雖然網絡宣傳在這場選戰舉足輕重，但仍然要結合地區工作，「如果平時冇做嘢，係零，零乘3都係零，無法將理念發揚光大」。
■記者許偉賢

http://hk.apple.nextmedia.com/news/art/20160802/19719470

鍾樹根聘80後起死回生

鍾樹根身旁的根毛毛是因管理Tree根fb而網絡爆紅。張志華攝

去年區選落敗的民建聯鍾樹根吸取教訓，兩個月前找來80後根毛毛專責管理facebook，自此讚好多過嬲嬲豬，自嘲抽水po更獲網民力捧，「上年區選失利，就係喺網上投降（民建聯禁候選人使用facebook）」，「喺邊度跌低、喺邊度起番身」。

幫Tree根facebook起死回生的根毛毛，戴面具保持神秘感，而他其實不喜以毛相稱，「叫番admin就ok」。作為全職僱員，根毛毛對「老闆」尊敬有加；若非鍾伯樂，他未必有出頭天，挖角者四方八面。

活躍高登少看《100毛》

根毛毛表示最希望以facebook立體呈現「老闆」真實一面，如政治外還愛攝影與音樂等，59歲的Tree根笑稱：「估唔到擺啲咁無聊嘅嘢……啲人突然會有興趣，呢個真係佢先做到……佢最初都驚我頂唔頂得順人哋玩我。識我嘅人都知，我係冇乜所謂，好玩得。」

根毛毛自爆某抽水點子曾經被婉拒，Tree根搶白：「玩人玩埋隔籬唔係咁好嘛……有啲局長好嚴肅，無謂得罪太多人啦，局長嘅話，無謂再種多啲禍根啦！」

所以根毛毛得意之作，仍然是有關對家，就是仿效香港眾志的集氣po，平時關注KOL（key opinion leader，關鍵意見領袖），亦活躍高登，《100毛》反而少看，「三次創作唔係太好……其實好多靈感嚟自人哋嘅『關公』災難」。

Tree根坦言讚好網民中，未必是選民，但facebook始終是表達意見媒介；建制派一般靠地面拉票為主，未大舉發展網上催票，他認為是時候改變心態，「網上動員係新嘗試，建制派如果唔追番上嚟，冇可能攞到更多議席」。
■記者許偉賢