【網民hot talk】 司機po文揭在職媽媽悲歌 要趁食飯時間遊「的士河」泵奶

http://hk.apple.nextmedia.com/news/art/20160820/19743812

【網民hot talk】
司機po文揭在職媽媽悲歌　要趁食飯時間遊「的士河」泵奶

香 港母親在公共場所餵哺母乳不時受到歧視，相關設施及配套不足亦常為人詬病，在的士司機分享所見所聞的「我的你的紅的」facebook專頁，最近一則貼 文，講述一位OL為泵奶要趁上班時的晚飯時間，用約160元遊半小時「的士河」，反映香港母親餵哺母乳的悲歌，引起熱議。不少網民嘆在職媽媽的確辛苦，又 斥政府只口講鼓勵餵哺母乳，卻極少支援。

聯合國兒童基金香港委員會今年4月訪問逾3500位正在或曾經直接（埋身）餵哺母乳的媽媽，逾 80%均表示曾經在商場、食肆及公園等公共場所餵哺母乳，當中近40%在公共場所餵哺母乳的媽媽遇過令人不自在的經歷，包括歧視目光、被勸告到其他地方餵 哺母乳及遭投訴等。「我的你的紅的」fb專頁一篇「母親打的抉擇」貼文最近在網上引起熱議，的士司機表示，有一晚在中環商廈接載了一位拿著prada紙袋 的平常OL，對方不斷問其健康狀況、有否食煙、車廂乾淨否等，「我無食煙，全家都好健康wo，部車乾唔乾淨見仁見智啦，你想去邊呀？」

司 機表示，OL之後上車提出「師傅，唔該你行東區走廊去柴灣迴旋處，然後返返黎呢度」。司機當時覺得疑惑但照做，OL然後取出消毒噴霧在車內噴，並強調「開 頭儘量唔好望倒後鏡丫，唔該」。司機指順住行東廊「係幾爽皮嘅一件事」，但OL忽然要求車速勿太快，希望剛好半小時返到上車處，司機直言當時心想：「痴線 咩，啱啱好半個鐘來回中環柴灣？點啱啱好法？高橋涼介的計時賽練習呀？去同回程嘅時間，絕對唔係一半一半。」

回程時經過銅鑼灣，OL終於「揭盅」指「得喇師傅，我泵完喇，你儘快車我返去丫唔該。」原來OL為泵奶而遊「的士河」，並坦言：「係呀，公司又無位，廁所又唔衛生。我都係話落黎食飯咋，所以唔可以去太耐。」

司機最後表示：「咁使唔使喺附近餐廳放低你？」OL指自己已備麵包。司機慨嘆：「呢枝旗，我賺得好輕鬆，但希望唔使再接到佢，唔需要習慣呢個現象。無論的士點乾淨，都唔應該係母親嘅好選擇，如果有得選擇。」

網民留言：
Clare Yip：真係估唔到的士會變左媽媽泵奶嘅地方…不過香港真係冇乜場所支持餵哺人奶又真係麻煩。
Alex Tang：母親的悲歌！
Carmen Law：為咗bb媽媽真係可以去到好盡。
Katie Yam：嘩，咁樣游半個鐘車河咪好貴？不過佢又幾聰明，咁都諗到！
Caren Tang：在職媽媽搵個泵奶地方真係幾困難，唉！
Km Kukming：香港好得意，又推動餵哺母乳，但實際無好好推行個意識比大眾，呢個正苦真係不知所謂，難為已經生完仲要返工，仲要諗係邊度泵奶既媽媽！