地獄停車場 飄移王：有難度

http://hk.apple.nextmedia.com/news/art/20140325/18668190

香 港地少車多，周末假日一家大細坐七人車出遊家庭樂最爽，但市面停車場泊位矜貴，不少泊位狹窄難泊，隨時考起車主。《蘋果》找來本港飄移車手鄧智侖 (James)走訪市區，他駕駛七人車嘗試駛入多個難度十足，隨時有得入無得出的絕地停車場。他提醒大家，若自問技術麻麻，就要知難而退，寧願行遠啲，咁 至泊得醒目。

1)柴灣環翠邨停車場：
環翠邨停車場有近360個車位，當中四分一屬相連車位，不過這批相連車位長期只有一車停泊，相連位變相成為單拖位。出現如此奇景，皆因泊位超狹窄，兩車齊泊後，其中一車司機隨時冇位下車。有司機中伏，以後學精留一位。
占 士駕七人車試泊，果然被困，現場所見，每個泊位只有82吋闊，七人車駛入後，才發現車位夠長不夠闊，兩邊車門與牆壁及隔鄰車輛僅距8吋，強行開車門可能刮 花或撞及隔鄰車輛，占士只好駛出轉泊其他車位。占士形容這是絕地停車場，難度10級，幾乎被考起，「如果泊咗車真係要從車尾廂爬返出嚟，同埋，隔離架車點 走呀？」
占士評語：相連車位超狹窄，車入咗人無得出

2)銅鑼灣皇室堡停車場：
皇室堡位處銅鑼灣心臟地帶，假日停車場一位難求，占士駕車沿通道駛入停車場，便發現閘口通道甚為狹窄，車門距離牆身及柱邊只有6吋(15厘米)，若不小心隨時駛不入。
成 功入閘後，七人車續繞圈向停車場上層駛去，不過由於通道連牆身只有5.6米闊，加上又是單線雙程，其間要不停拐彎，若遇對頭車落斜，占士擔心若是兩輛七人 車相遇，兩車能否安全駛過。他建議，駕駛人士為安全起見，應打高燈提示鄰線落斜車輛，同時隨時留意牆上反射鏡，了解有無車輛。
占士評語：閘口超窄，瞻前顧後，睇住迎頭車

3)旺角砵蘭街新興停車場：
位於商業大廈的新興停車場，駕駛人士來泊車先要過第一關「搭車?」，不過車?極狹窄，占士駕駛七人車駛入，才發現車身兩旁距?不足3吋，他直言入?前要睇位好準，否則隨時入唔到。
落到地庫停車場搵泊位，現場所見，行車通道不算狹窄，但停車場內有多個90度直角彎，占士指，若駕駛七人車或長身車便要小心，否則睇錯位，入彎角度不足便難以轉彎，隨時被困。現場所見，直角彎附近牆身傷狠纍纍，被撞至凹凹凸凸，且佈滿車身花痕。
占士評語：入彎唔夠位隨時被考起

另外，占士亦去過佐敦德興街寶來大廈伊利停車場，西環均益大廈2期停車場及長沙灣美居中心地庫停車場等三個神級難度停車場，發現難度依然，未有改善。