佔中或會影響交通，但有職業司機卻不擔憂，反而更怕香港無真普選。
【記 者馬志剛、朱雋穎報道】這陣子，親建制勢力頻頻發功，將和平佔中扭曲成暴力行為、會癱瘓港九新界交通，小巴、的士司機也「被動員」出來反對。卻有兩位職業 司機，不怕爭普選會阻塞交通，只怕香港民主路越來越難行。的士司機潘伯，年屆70也拋下軚盤，參與和平抗爭，「拉就預咗，我未驚過」；紅van司機歐陽大 哥（化名），向來與政治保持距離，但見警察暴力清場，暗地義載佔中壯士，「自己做唔到，都想有人去做」。
被捕的士大佬：搵少啲有乜所謂
的士司機潘德斌稱，「拉就預咗，我未驚過」。
「人 生七十古來稀，都過咗70歲，仲有乜好怕？」頂更的士司機潘德斌，7.1遊行後留下陪同學生佔領遮打道，是511名被捕者之一。坐上駕駛席馳騁港九數十 年，見證香港民主路越見狹隘，聲言若無真普選，佔領中環勢在必行，就算癱瘓交通，他也支持，「聖誕新年夠封路啦，搵少啲有乜所謂？」最重要是香港要有真普 選，「拉就預咗，我未驚過」。
潘伯是最後一批被抬走的被捕者，「身為香港人，應該要出聲，啲後生連前途都唔顧，我仲怕乜？」他說自己原則 性很強，堅持是其是、非其非，年輕時曾參加保釣運動，八九六四也捐出1,000元，「當時1,000蚊，好多錢㗎喇。好多的士佬都參加義載，做到咪做 囉」。「古來稀」的潘伯走上街頭對抗極權，唯一顧慮是不能回鄉春秋二祭，「如果下次返去有麻煩，唔返囉，對個天講『老竇老母，對唔住，唔返喇』」。
「圈幾個人出嚟邊係普選」
回 憶自己首次被捕，他仍說得振振有詞，「除咗揸車入『薄落』（路障），咁大個人連差人查身份證都未試過」，平日在老人中心做義工，9時吃早餐，被捕後卻一直 空肚，曾兩次胃出血的他感不適，加上一直不獲准如廁，他在旅遊巴難以再忍，「我話忍唔到就失禁，差人終於肯畀我去廁所，但兩個人夾住我，又唔俾閂門」，捱 過大半天獲釋，他如沒事般回家，太太以為他開夜更，至今仍未知老伴曾被捕。
年事已高熱血不減，潘伯最不滿是梁振英的強人統治手法。潘伯說，近年香港政治檢控頻繁，梁班子用人唯親，新移民不斷湧港殖民換血，「香港變得好快，香港人最唔開心就係呢幾年。嗰時窮，冇人怨，最緊要係有工開；?家有工開都死，有汗出冇糧出」。
他 說低下層受壓迫多，社會上有不公平事願出聲爭取，「普選對低下層最公平，可以用選票趕佢（漠視民意者）落台」，普選一人一票不夠嗎？「共產黨圈幾個人出嚟 叫你投票，呢啲邊係普選？」佔中爭取真普選，癱瘓交通是必然，潘伯身為職業司機，卻願身體力行參與其中，「開少幾日工有乜問題。阻住搵食？咁你咪避囉！得 一條路咩？呢啲人係眼光短淺！」
紅van義載壯士：佢哋係為社會
司機歐陽先生曾駕紅van義載被捕的佔中壯士。
「你 哋嘅錢唔收，香港靠你哋！」那夜8時，7.2預演佔中的被捕人士陳又德登上開往旺角的紅van，歷44小時抗爭，拖着疲憊的身軀回家，下車時，司機大佬說 了這麼一句話。同行數人，位位20元的車資，也就免了。紅van義載令陳又德大受感動，記下車牌，上網撰文表揚司機：「佢冇參與公民抗命，但係佢用咗佢嘅 方式去支持。」文章被瘋傳。
「佢哋唔做就冇人做」
憑車牌到站頭找人不易，一條路線說少也有20多架紅van在跑。記者好不容易找到了那輛撐被捕者的紅van，車上司機大佬又笑說自己只是替更。幸同線行家彼此熟悉，不一會就聯絡上當事人。
「好 小事啫，見啲後生仔咁辛苦，做咁多嘢都係想香港好。」紅van司機歐陽先生（化名）如是說。歐陽非本姓，司機大佬行事低調，不願上鏡，寧以化名透過電話受 訪。那幾個穿黑衫年輕人，一登車就給他「非一般乘客」的感覺。在這之前，他一直透過新聞報道留意遮打道抗爭現場，看到警察暴力清場，深感不忍，「得嗰百幾 人，使唔使咁呢？人哋都話明8點走，點解唔等多幾個鐘？係咪要做到咁絕呢？」
歐陽大哥認為年輕人為香港、為自由，不惜拋頭露面，不顧「整 花個底」，是偉大，「啱定唔啱我唔知，但至少佢哋有勇氣，唔係為自己，係為社會，咁我都想畀啲energy支持吓」。他自言不太認同佔中行動，但細想下又 說：「自己做唔到，都想有人去做，我贊成佢哋爭取嘅嘢係應該㗎」。他說自己只是星斗市民，生活中不時都感受由強權而來的壓力，能做的卻不多，「弱者就係 咁，我哋做唔到強者。佔中雖然唔啱，但佢哋唔做就冇人做，個政府就會鍾意點就點喎」。
早前，號稱「新小巴大王」的凌志強附和反佔中，發動 千輛小巴貼海報表態，歐陽先生不苟同、拒配合。他認同的士小巴權益大聯盟主席黎銘洪的政治中立論，無論是全民投票，與反佔中簽名，他統統不參與。他大抵不 會參加佔中，但也不反對，「真係好矛盾，影響一定有，但會唔會令我好唔開心呢？又唔會喎，又唔會嬲佢哋喎。佢哋做得ok㗎，值得支持㗎」。
http://hk.apple.nextmedia.com/news/art/20140804/18821288
田北俊不理真假普選
倡市民袋住先 被斥維護既得利益
田北俊（左三）昨在銅鑼灣收集網上反佔中簽名。
馬泉崇
攝
建 制派頻頻出招響應中央的反佔中浪潮。自由黨昨在銅鑼灣擺街站收集網上反佔中簽名，黨魁田北俊明言經濟重要過真普選，反對佔中破壞經濟，並重申該黨不希望政 改原地踏步，呼籲市民「袋住先」：「到底係半杯水，一杯水？真普選，假普選？我哋唔理，最緊要有得選一選先。」和平佔中發起人陳健民斥田將普選放在經濟發 展對立面，指田作為既得利益者，不明白無真普選只會延續社會不公。
記者：陳雪玲 姚國雄
自由黨昨在銅鑼灣時代廣場外設街站，呼籲市民參加「保普選反佔中大聯盟」的網上簽名，田北俊更即場網上登記及簽名，但明言紀律部隊負責維持治安，不宜簽名反佔中。
稱佔中破壞經濟影響民生
陳健民指田北俊為既得利益者，感受不到社會不公。資料圖片
田 指該黨去年夏季已出街板反佔中，「民主係好事，自由黨係支持，但全世界爭取民主嘅目的係乜嘢先？係為一個好嘅生活方式」。他質疑佔中會破壞香港經濟，從而 影響港人原有的生活方式，又稱若搞垮經濟，勢將影響民生，因為商界賺不到錢，經濟被癱瘓，政府就減少稅收，由此推演，就沒有資源推政策幫助弱勢社群。
當 被問到經濟重要還是真普選重要﹖他直言：「對我嚟講梗係經濟緊要啦！」他以非洲、南美作例子，反問若醫院、學校與手中一票給他們選擇，「佢哋要嘅係有醫院 睇病，學校畀佢哋讀書，定係有一票，其他全部都冇？各位諗一諗就明白」，更明言：「真普選，假普選？我哋唔理，最緊要有得選一選先。」
和平佔中發起人之一的陳健民斥田北俊將爭普選放在經濟發展的對立面，反駁若沒有普選，大財團繼續壟斷經濟，樓價、舖租不斷升，才會影響香港營商環境。
陳健民指社會非只求溫飽
陳 又說，香港社會發展已超越只追求溫飽的階段，社會非單一發展經濟，市民亦會關心環保、民主等，「佢（田）係既得利益嘅，可能feel（感受）唔到；年輕人 冇出路，買唔到樓，經濟富裕但有人連基本生活保障都冇」。他續說，佔中不會如田形容般嚴重影響經濟，指對方危言聳聽，反問：「美國有佔領華爾街之後，紐約 仲係咪世界金融中心？」他並對田暗示假普選都可以「袋住先」的理論不表認同，直言若這次普選方案是假貨，港人不再相信中央，不單香港因政改問題繼續內耗， 中港矛盾亦會加劇。
另外，香港的士商會昨派出三輛貼有「反佔中」標語的的士宣傳簽名。主席黃保強指佔中阻礙香港主要交通樞紐，影響司機生計，呼籲5,000名會員司機簽名反佔中。
沒有留言:
張貼留言