不滿《十年》得獎觸怒內地
片商促撤金像獎專業評審
《十年》獲第35屆電影金像獎最佳電影，令內地官方震怒。
【本 報訊】有「香港預言書」之稱的獨立電影《十年》，在今年4月舉行的第35屆香港金像獎榮獲最佳電影，惹得內地官方大為震怒。事後代表電影公司老闆的香港電 影商協會與香港影業協會也對《十年》得獎公開表達不滿，要求金像獎董事局檢討評審機制，又威脅會退出頒獎禮。上月香港電影金像獎董事局開例會，由影協主席 洪祖星代表提出改制，要求第二輪評選取消以專業人士作為評審。
據知情者透露，上月13個電影工業屬會的代表參加香港電影金像獎董事局例會 時，洪祖星以電影商協會與影協兩大屬會名義提出金像獎改制，指不應該由專業評審控制最後一輪評選。現場其中四大屬會反應激烈表示不贊成，聲言不向內地低 頭，董事局主席爾冬陞眼見反對者眾，提議下周二（19日）開大會時，進行投票以作定論。據知爾冬陞本身也承受很大壓力，在金像獎頒獎禮後，中聯辦已經召見 他到西環解釋。
昨日本報致電洪祖星，他承認提出改制：「《十年》得獎，業內同外界反應好大，覺得呢部戲唔應該得最佳電影，所以我哋影協同 老闆會（電影商協會）都覺得第二輪評選入面，55位專業評審佔咗55%評分，等於由佢哋控制晒賽果係好唔公道。我哋提議取消第二輪有專業評審部份，改為由 13個屬會一人一票選出最終得獎結果，而55位專業評審就畀佢哋參加首輪評選，只係同13個屬會會員一樣，只係一人得一分，我覺得呢個新機制會比較公 平。」
洪祖星
料下周二投票表決
若 改制不獲通過，兩大屬會再商討對策。代表製片的香港電影製作行政人員協會的田啟文（田雞）就指，周六製片會將開會商討，他說：「等19號（下周二）董事局 開大會投票，睇下新制可唔可以獲得通過，之不過上次開會傾時，攝影、美術、導演同編劇會已經即場反對，當時討論大家氣氛好和睦，只係攞件事出嚟討論箒！」
金像獎大會規定，只要董事局成員提出的動議，獲過半數（即7票）贊成便可通過，據悉電影商協會正私下游說其他屬會支持，演藝人協會、製片會都是被游說的目標，可能會支持改制。
《十年》監製蔡廉明則說：「如果是因為《十年》得獎而改制，我會覺得好可惜，我認為沒必要改。」
應 屆第二輪評審及影評人畢明說：「我哋本身個機制就係希望可以做評審嘅人廣泛啲，咁𠵱家就咁聽，我就睇唔到佢做到公平啲。點解《十年》攞咗先唔公平嘅？咁 多年（其他電影）攞咗就公平呀？因為《十年》攞咗就要改制呀？咁《十年》唔公平喺邊到？即係如果少咗人係公平咗，咁咪即係個圈子再細咗？」
資 深影評人、導演兼曾擔任第二輪專業評審的黃國兆也反對改制，他說：「吓！咁都得呀？如果係咁即係金像獎做緊𠵱家全香港做緊嘅嘢，就係要所有嘢都要喺操控 之中。評審一定要有客觀同權威性，取消專業評審除咗方便操控結果，冇其他意思。人哋奧斯卡金像獎畀人話啲評審保守、老，人哋今年都識加番幾百嗰不同人種入 去做評審，希望可以增加認受性，𠵱家香港金像獎調番轉嚟行。」
沒有留言:
張貼留言