80後拍傘運紀錄片
《亂世備忘》戰金馬 三伯樂居功
張鐵樑、崔允信和不願出鏡的任硯聰為《亂世備忘》監製。夏家朗攝
【本報訊】台灣金馬獎頒獎禮本周六舉行，小本獨立製作《亂世備忘》衝出香港，入圍最佳紀錄片。背後3個監製，都是80後導演陳梓桓的伯樂。低調商人任硯聰由觀眾成為投資者；電影節專家張鐵樑協助推到國際影展；導演出身的影意志藝術總監崔允信，爭取主流院線公開放映，「未來香港，不乏題材，因為太多不公平、不公義的事」。
記者：呂麗嬋
備受好評的《亂世備忘》，獲提名港人熟悉的金馬獎，再下一城，「之前影片喺台灣電影節播，觀眾反應熱烈，這或與太陽花學運，與香港傘運命運相連有關」。已經身在台灣的陳梓桓直言，冀藉提名吸引更多港人關注，得獎與否都算超額完成。
片中20個「備忘」，近距離捕捉傘運的青春與堅持，舉重若輕，讓觀眾從年輕參與者身上找回消逝的信念。《亂世備忘》是任硯聰首套投資製作，他是超級影迷，趁映後座談主動接觸陳梓桓。那是2015年中，陳希望整理傘運片段，紀錄歷史。「開出嘅金額又不多，就一口答應。」但從商的任承認亦有掙扎，「片尾嘅工作人員名單，最初我堅持只出英文名，因為我心諗『張回鄉卡冇印英文名』，但睇完試片，我猛問自己『點解要咁驚？』」。
這種陰霾，大抵是低氣壓下香港的現況。影意志藝術總崔允信謂，仍努力爭取主流院線放映，「之前獨立放映咗超過20場，逾半爆滿，根據我嘅經驗，就算只係攝期，正常嚟講都一定可以喺大銀幕上映」。現實是各大院線回應寥寥可數，「有院線回覆話到2017年前都冇期，但你好難一口咬定係咪因為政治因素……如果攞埋金馬都上唔到大銀幕，連一、兩場都播唔到，訊息就更加明顯」。
有說成也《十年》敗也《十年》，《十年》熱潮令大院線更趨保守，擔心惹麻煩，崔反問：「金像獎之後，《踏血尋梅》都有機會再上畫，反而《十年》完全失蹤，反映到咩呢？」，「或者樂觀啲咁講，佢哋只係唔想做第一個放映，只要打開咗個缺口就唔同講法」。
港公映無期 遊走海外影展
《亂世備忘》電影海報
港公映無期 遊走海外影展
港暫公映無期，博士論文研究電影節的監製張鐵樑為《亂世備忘》穿針引線參與海外影展，傘運題材在港是燙手山芋，在國際則備受關注。過去半年《亂世備忘》遊走捷克、溫哥華及台灣，「係一個影展介紹另一個影展，累積口碑」。「備忘紀錄嘅，唔係大台、唔係明星。好似物資站，台灣嘅觀眾反映，喺太陽花學運，呢班人仿似被遺忘，引起好多討論」。社運初哥既驚又想參與的心理狀態也引起共鳴，「好多人覺得傘運失敗，唔想面對，但唔少人睇完，話諗起當初點解會參加，甚至搵到重新上路嘅力量」。「獲提名已係大嘅鼓舞，既然喺台北，無論輸贏，點都會去夜市慶功」，為他人作嫁衣裳的阿鐵笑着說。
《亂世備忘》部份參與影展
•台北金馬影展
•TIDF台灣國際紀錄片展
•溫哥華國際電影節
•捷克Jihlava國際紀錄片電影節
資料來源：《蘋果》資料室
http://hk.apple.nextmedia.com/news/art/20161121/19840580
「此時此刻更需紀錄片」
紀錄片《亂世備忘》以傘運為題材，講述數名年輕人的抗爭故事。劇照
【本報訊】7部傘運紀錄長片陸續完成公映，每部傘運片都有不同時間起點，《未竟之路》始於9.22罷課；《幾乎，是革命》始於2013年初佔中方案誕生；《撐傘》則從1997年香港主權移交的經典畫面作起點。陳梓桓的《亂世備忘》則追溯到他出生的1987年，滲進個人成長經驗，書寫他對雨傘運動的備忘，「紀錄片嘅興衰、多唔多人拍，同一個地方的環境有幾差有關」，曾說「香港此時此刻，更需紀錄片」的陳梓桓這樣總結。
路難行但不孤獨
六四那年，梓桓兩歲。「剪緊《亂世備忘》期間，喺屋企搵到好多錄影帶，右下角標示日期同時間，感覺好奇妙，89年6月，我喺動植物公園玩緊，小朋友嘅我，根本唔知道呢段時間對香港原來係咁重要。」超現實的平衡時空就如國慶煙花與催淚彈之夜交錯的鏡頭；又好比片中抗爭主角感嘆離開佔領區，就發覺香港生活正常，好像無事發生，讓他看到鏡頭下的真誠記錄何其重要，「當初參與佔領，每個人都用自己嘅方式參與，可能最終係冇用，但有啲嘢確切留低咗，這正係我當初跟拍嘅原因」，「係遇上好多困難，感謝Peter（任硯聰）資助後期製作，絕對係雪中送炭，幫忙影片調色與音樂嘅朋友，都係半義務咁幫手，呢筆錢令我有能力以比較合理嘅人工畀番佢哋」。他也感謝崔允信，讓他走上獨立創作之路。
「搵唔到公開院線放映，過去半年，都係以打游擊方式獨立放映，由租場、票務到宣傳，一啲都唔容易」。公映逾20場，紀錄片在港被定性為小眾文藝，加上社會分裂，就是參與者對傘運的評價亦嚴重分歧，「香港需要有鏡頭，紀錄今日發生嘅嘢，係時代畀我嘅責任」，「喺我身邊，其實越來越多人用鏡頭記錄當前香港，我好肯定路難行，但一定唔係一條孤獨嘅路」。
■記者呂麗嬋
http://hk.apple.nextmedia.com/news/art/20161121/19840583
停工半年 父母支持
導演陳梓桓曾走進佔領區拍攝。資料圖片
【本報訊】「選擇呢種創作模式，自然會搵到繼續維持嘅方法，有啲朋友教書、有啲朋友拍廣告，我就主要接剪片嘅工作補貼生活。」停工半年完成執導《亂世備忘》，行將男人三十的陳梓桓，慶幸得到父母支持。
陳稱，「爸爸係開明嘅人，但一定會有擔心，擔心你收入、擔心你維持唔到生計，但都係自己嘅選擇，所以任何獎項提名，對我嚟講都好重要，係對我創作嘅肯定，唔係佢哋支持，根本行唔到落去。」
9.26公民廣場外認識主角
曾參與主流電影製作，包括《奇幻夜》剪接，梓恒遊走於主流與獨立電影之間，先後畢業於城大政策及行政學系及浸大電影、電視及數碼媒體碩士，拍過兩部「偽紀錄片」：《香港人所不知道的》針對東江水問題，《作為雨水：表象及意志》講氣候對社會運動的影響。128分鐘的《亂世備忘》是其首部紀錄長片。
影片追蹤傘運幾個抗爭青年的故事，以20段「備忘」連結。2014年9月26日，警察推進，拿着攝錄機的梓恒被推到學生防線前，遇上幾位被訪者，「嗰晚黃之鋒衝入公民廣場，我企喺中信大廈門口嘅馬路，右邊係學生，左邊係警察，夾喺佢哋中間兩個鐘，就係咁我認識咗佢哋，而佢哋亦陪我走過呢場運動」。被時代選中的一代人，信焉。
■記者呂麗嬋
沒有留言:
張貼留言