曾憲梓聲稱個人財產捐國家

http://hk.apple.nextmedia.com/news/art/20121203/18088718


曾憲梓（中）昨晚稱會把全部身家捐給國家，其子曾智雄（右一）表示贊同。仇志德攝

【本報訊】年屆78歲、曾任全國人大常委的曾憲梓，昨晚出席亞視《ATV2012感動香港年度人物頒獎禮》，上台領獎時揚言會把個人財產捐給國家。亞視新聞稿稱曾憲梓過去多年先後成立多個慈善和教育基金，總共逾十億元。

昨 晚頒獎禮上，司儀鮑起靜在台上問曾憲梓是否捐出所有家財出來做善事時，曾憲梓說：「係，17歲嘅時候啲幹部嚟到我屋企，把我送到學校讀書，我有今日全靠黨 同國家同人民，把我培育成長……我錢唔係多，但我心意、我想追求係終生報答國家，雖然我錢財好有限，但我細路哥都成長咗啦，我決心把我所有個人財產全部貢 獻俾國家。」

其子曾智雄在旁說：「我哋全家人都係全力支持爸爸呢個做人理念，我覺得呢樣嘢除咗俾到我哋後一輩，可以俾到好多年青人作為一個借鑑，爸爸嘅做人理念，同埋做事嘅勤奮。」

名下金利來股權值約26億
曾 智雄在後台補充，「佢捐錢一事（家人）一早知，唔係今日嘅事。」至於善款會以甚麼形式捐出，他說：「有教育基金、載人航天基金、體育基金同希望小學。爸爸 後生好努力賺錢，咁多年嚟得到國家栽培，家國家開放咗30年，見到啲學生仲好貧窮，所以都有不斷資助佢哋。」曾智雄稱尊重父親決定，很欣賞爸爸的崇高理 想，「係好值得支持，將來到我老都會倣效。」至於捐出的家財金額有多少，曾智雄說：「唔知捐幾多，爸爸冇透露，希望佢長命百歲。」

曾憲梓為上市公司金利來主席，其家族公司連同其名義慈善管理公司，共持有金利來約68%股權，以上收五收市價計，公司市值約38.6億元。金利來除經營服飾業務，在內地也有房地產生意。