以物換物店Clover老闆Louis手上拿着剛收到的LV絲巾，當晚上架，翌日就被換走了。程志遠攝
【本 報訊】聖誕節收到的「唔等使」禮物，或者可以拿到「以物換物」店，交換合用的衣服、手袋、飾物、書籍等。80後港男Louis，有酒樓太子爺不做，寧願與 日籍女友開「以物換物」店，賺取微薄會費。店裏收到的貨品，不少仍然很新淨，甚至連價錢牌都未剪，剛剛就有一條LV絲巾被換走。
記者：廖婉薇
換物店Clover老闆之一Louis自爆，他收過最離譜的聖誕禮物，是一條連身的貼身皮裙，「都唔知點着！不過唔使錢買，咪丟咗佢囉」，現在才知道浪費。
物品中不乏名牌
Louis與日本女友Aiko開設了Clover，初期他也擔心物品會越換越差，但原來「香港人唔係咁市儈」。客人拿來換的二手衫都很新，「有好多人買新衫後，返到屋企先覺得唔好睇，甚至唔啱身」。有不少大褸、上衣連價錢牌都未剪，就被主人拿到這裏交換。
新客人最初都搶換名牌貨，「攞咗返屋企先發現size（尺碼）或style（風格）唔啱自己，又攞返嚟換合適嘅嘢」。Louis指，曾有一件衫被換出換入達數次。
訪問當天，剛巧有人送來一條LV絲巾，當晚上架，翌日已被一位女孩換走，「佢（女孩）見到時都唔信，問『真係可以換㗎？』」。最後她以2分（即一件二手衣服）換走，笑不攏口。
現年32歲的Louis，中學時已開始跟同學交換衫着，遭父母責罵：「屋企又唔係冇錢畀你，做乜着人哋啲舊衫！」不過，他寧願慳錢來打機，交換衣服可「換款」，也穿得舒適。
高中時他轉讀國際學校，結識了日籍女友Aiko，更受她影響，頻頻光顧二手店。
二人中學畢業後，雙雙遠赴美國夏威夷升讀大學，2005年畢業回港，遇上經濟不景，「連$7,000一份文員都唔請我」，Louis惟有做售貨員「騎牛搵馬」。
父 親在荃灣經營燕窩潮州酒家十多年，2007年命他回酒樓學做生意。在美國主修市場學的Louis，一心改革酒樓，但「所謂太子爺，聽落好強，其實話唔到 事」。新點子不獲父親接納，老臣子又陽奉陰違，太子爺意興闌珊，適逢業主加租三成，父親亦屆退休之齡，去年便將酒樓結業。
九成會員是女性
太子爺「失業」，與女友決定在本港開二手店，今年5月斥資9萬元在觀塘駱駝漆工廈開舖，並在facebook宣傳「以物換物」理念，吸納會員，收入單靠收取會費，會費每人每天平均20至25元。現時可供交換的貨品超過2,000件，會員近70名，九成為女性。
「幫到人慳錢又環保，自己又賺到錢」，雖然Clover仍未收支平衡，但Louis有信心這是一盤賺錢的生意。
Louis表示，衣物只要符合乾淨、完整、沒有異味三大原則，毋須名牌統統都收；每件二手衫，他們都會以高溫蒸熨殺菌。
易物店部份物品
貓咪寫真集
少女吊帶裙
See by Chloe棉質連身裙
http://hk.apple.nextmedia.com/news/art/20121224/18111841
易物屬冷門 多網上交換
【話你知】
易 物店在日本相當流行，在本港卻則屬冷門。近年的「以物換物」活動，多由關注環保人士舉辦，而且以網上交換為主。較具規模的有「JUPYEAH執嘢」網 （http://www.jupyeah.com），會不定期舉行以物換物會，收取入場費；物主亦可將捨棄的東西，拍照後上載網站，等待有需要的人接收， 交收方法由雙方自行協定。
此外，網上平台「Oh Yes It's Free!!!」（http://www.facebook.com/groups/ohyesitsfree/）也為人熟悉，現時有逾9,500名會 員，可自行在網上交換物品。搞手之一的無莊青年公社更在葵涌工廈提供地方，免費供人「棄置」或領取二手物品，包括傢俬、電器、衣物、玩具等，毋須交換。
沒有留言:
張貼留言