老廖大半生駕車維生，近月駕小巴免費請長者搭車，大受好評。馮國良攝
【本 報訊】港府早前推出長者及殘疾人士兩元乘車優惠，便自誇如何惠澤市民！小巴司機「老廖」則默默行善，近月開始長者乘搭他駕駛的小巴，更一律免收車資。最近 有人將老廖善行在網上流傳，隨即有數以萬計市民讚好。對於每月賺少數千元，老廖滿不在乎說︰「最重要係公公、婆婆開心！」
記者：馮國良 梁琬珊 麥超億
這位仁義司機廖祖恩，63歲，皮膚黝黑，一頭灰白平頭裝，身穿黑色皮褸牛仔褲，頸掛泰國佛吊墜，打扮粗豪，談吐爽朗，貌似專扮江湖人物的電影人李兆基。老廖與妻育有三子一女，早已榮升爺爺、三代同堂，膝下有三位愛孫。
前日，網民Hugo乘搭老廖駕駛藍田至觀塘的小巴（車資四元），目睹老廖請長者搭車善舉，大感驚奇，並將情節上載facebook。每逢公公、婆婆落車，老廖都揮手說：「得啦，唔使畀錢啦！」耐心等候長者落車後，才展露笑容徐徐開車離去。
Hugo形容事件令人動容，足以拍攝勵志電視節目《霎時感動》。善舉在fb多個群組流傳，逾3.3萬網民讚好。乘客黃伯說︰「老人家搭車唔使畀錢，梗係開心啦！多啲咁嘅司機就好啦！」另一位鍾小姐讚揚稱︰「知道有咁嘅司機，多幾個咁好嘅司機，係一件好事。」
60年代，只有14歲的老廖已開始「跑江湖」，後來他加入職業司機行列，無論是9座位白牌、14座小巴或的士，他都曾經駕駛過。老廖說︰「當時我後生血氣方剛，花名叫『飛仔恩』！行頭好複雜、有黑社會，我同好多人打過交道，陳年往事唔講啦，無謂得罪人……」
每逢有長者落車，老廖均不用老人家付車資。
一名街坊（左）送上格仔餅給義載的老廖。
老廖查看網民留言，驚嘆︰「乜咁大陣仗？」
懶理每月賺少數千元
後來，老廖改任中港貨車司機，長年中港兩邊走，到貨運業走下坡又重操故業駕駛公共小巴；半生在車廂、馬路度過的老廖，到60歲終於退休，但退休後覺生活太無聊，年前重出江湖再次駕小巴載客。
老 廖現時當早更司機，駕駛小巴往來藍田至觀塘，清晨6時開工至下午2時，落班後弄孫為樂，或約老友飲茶打麻雀。數月前某天，老廖腦海靈光一閃似有所頓悟，開 始請長者搭車，他說︰「人大咗，信佛10幾年，做人唔會再好似以前咁啦！」今天毋須為生活奔波，老廖對金錢觀念亦有改變。他計計數說︰「計我每轉車載10 幾個長者，一日18轉車蝕幾百蚊，一個月最多幾千蚊，唔算一回事。」
「最重要公公婆婆開心」
「最重要公公、婆婆開心，我睇見覺得仲開心！」年輕時，老廖性格剛烈，日抽四包香煙；但歲月不留人，年紀漸長的老廖，身體及心臟開始出現小毛病，間中覆診就醫，他曾嘗試戒煙三個月惜最終失敗，現在惟有時刻提醒自己，每日吸煙上限為兩包。
老廖甚少上網，對網民將其善舉上載fb感一頭霧水；他透過記者的平板電腦、看過相關網頁後說︰「嘩，乜咁大陣仗？仲要訪問我？」他覺得做人最緊要豁達，聖誕新年將至，其願望是可以再抱孫。
網民洗版
Ronald Lo
慷自己慨的司機，係真好人，令人欽敬。慷他人之慨去謀取政治本錢的政客，是偽君子。
Julie Li
生活緊迫，香港人變得太急躁、麻木，有人情味的紅van司機，實在難得！
Mandy Chan
呢份人情味，家真係好少見……，香港人的「香港精神」久違了，你好嗎？
Dave Pang
香港仲有啲咁好嘅香港人真係好難得，獅子山下精神！家邊度搵！
Johnny Kok
咁嘅人買少見少，祝佢身體健康，多福多壽！
陳素心
好感動，香港政府和港鐵、巴士公司，學吓喇，乜嘢叫「敬老」，廖先生值得尊敬。
Tammy Leung
我坐過（老廖的車），佢仲叫婆婆、伯伯小心落車，慢慢唔使急，好有心。
Ben TONG
其實仗義每多屠狗輩，見過好多次類似嘅小巴司機經歷，大家有冇發現家講（讓）座，都好似變咗中年人專利，反而啲後生會扮瞓扮睇唔到……，真奇怪。
http://hk.apple.nextmedia.com/news/art/20121206/18092125
鬧政府老人福利：審查多餘
【不吐不快】
港府大鑼大鼓推長者生活津貼（俗稱特惠生果金），結果一鑊泡，老廖對此另有見解：「千幾蚊，梗係唔夠啦，我退休都唔知點算。老人家捱咗成世，交咗咁多稅，領福利金都要資產審查，多餘！政府應該畀到幾多得幾多。」
對於長者兩元乘車優惠，老廖說：「兩蚊有乜用？老人家搭小巴落觀塘，我請佢哋搭幾轉車，都慳番一餐茶錢啦！」
立 法會議員張超雄大讚老廖善行：「小巴司機搵食好辛苦，老廖請老人家搭車，長者直接受惠。」張超雄指，港府去年撥150億元作生果金及綜援福利用途；全港 65歲以上長者人口達98萬人，每位長者每月只攤分千多元，幫助有限，「搭車都唔夠」。張認為，長者兩元乘車優惠覆蓋面有限，最大好處是減輕長者搭港鐵及 巴士負擔，但不包括小巴；制度應延展至小巴，才能減輕長者乘車支出。
《蘋果》記者
http://hk.apple.nextmedia.com/news/art/20121206/18092126
不怕搶生意 行家：值得鼓勵
【好人好事】
小巴「司機大佬」駕車載客，目的當然是賺錢，但身邊突然出現一位「慈善行家」，免費請長者搭車，又會否搶了行家的生意呢？
「我哋自負盈虧」
「小巴善長」老廖對此回應︰「我哋自負盈虧，就算蝕都係蝕我嘅錢；只要交足車租，就唔會影響到人，亦冇乘客專登揀坐我架車。」
記者到觀塘道內街、國泰大樓對開小巴站頭，查看其他小巴司機對老廖的善舉有何看法，結果大家都是有讚無彈；拍檔的夜更司機表示，一直不知道老廖有此善舉：「唔知佢咁做，不過只要佢覺得開心就OK啦。」
管理小巴站頭的李伯表示︰「一年多前，有夜更司機介紹老廖嚟揸小巴，佢住觀塘區，平日鍾意打麻雀。請老人家搭車，當然係好人好事，值得鼓勵。」在小巴站頭等客的小巴司機老梁亦讚口不絕︰「佢請老人家搭車，冇影響我生意，最緊要佢哋覺得開心！」
《蘋果》記者
沒有留言:
張貼留言