被拒登車婦人將嬰兒車擋在城巴前阻開車，並大呻港人「冇人情味」。互聯網
【本 報訊】「你屋企有冇小朋友㗎？呢度香港嚟㗎……」一名婦人昨中午推着嬰兒車在香港仔華貴邨巴士總站擬登上一輛城巴時，疑不願將嬰兒車摺起遭車長拒絕上車， 竟推着嬰兒車擋在車前阻止巴士開出，聲言「香港冇良心」，有乘客及路經市民不滿她的舉動圍着她指罵，她最後將嬰兒車推至一旁，但仍不停嘴呻道：「香港仔啲 人咁冇人情味！」
記者：黃昇 司徒韋桐
昨有人將「BB車擋城巴」影片上載至互聯網，引起網民熱議，多數人批評婦人野蠻及行為危 險，並力撐車長，但亦有人表示同情。現場為華貴邨巴士總站107號線站頭，這段歷時兩分半鐘的影片顯示一名穿黑衫、花褲及紅色波鞋的婦人，推着一輛嬰兒車 擬上車，而嬰兒車上除載有嬰兒，還放有一個背囊，疑婦人不願摺起嬰兒車才上車，故被拒登車。
乘客不滿 指摘阻開車
有市民（左）不滿婦人行為上前指罵。
這 名說話帶鄉音的婦人在巴士旁與車長爭論一番不果後，激動地說：「冇良心！」其後更將嬰兒車推至巴士車頭前阻止巴士開出。當時該輛城巴已亮起右指示燈，相信 車長正打算開車。有車上乘客感不滿，落車勸婦人摺起嬰兒車上車，但她以車上仍有小朋友，難以摺起嬰兒車為由拒絕，並語帶無奈道：「你話阿叔，我真係上唔到 㗎，我唔係講笑㗎。」但她的阻車行為，隨即引來車上及途經市民的不滿，高聲喝道：「收唔到架BB車就唔好上啦。」
該婦人聞言即反駁，並指 着一名男子罵到：「你屋企冇小朋友㗎？你冇良心，冇人情……呢度香港嚟㗎！」對方建議她改搭的士，但她以沒錢為由，繼續站在車前。事件引來5名男子圍住她 不停指罵，「走啦，妳都唔講理由嘅。唔係搭車唔好阻住人啦」。在5人一輪嘴圍攻下，婦人終肯將嬰兒車推至一邊，讓巴士開走，但仍繼續罵香港仔人「冇良心， 冇人情味。」
城巴發言人回覆查詢時證實，昨中午12時許，一名有20年經驗的車長，在華貴邨巴士總站開第一轉車，其間一名婦人因未有將嬰 兒車摺合被車長拒絕登車，其後婦人更將嬰兒車推至巴士車頭阻開出，經車上乘客勸喻始離去。據悉，當時婦人要求車長開中門，讓她與嬰兒車從該處上車，被車長 拒絕。發言人稱，根據乘客須知，若有乘客與兒童手推車同行，應先將有關車輛摺合再登車，以策安全。
運輸署認同摺車要求
事 件引起網民熱議，有網民更從婦人的口音及言論，推測她為內地人，批評她行為野蠻。一名巴士車長接受訪問時，坦言他以往亦見有乘客欲將BB車抬上車，「我都 有叫佢收好BB車先好上車」。並稱事件不是物件大細問題，「運輸署都定落咗規矩，大家都要執行」，認為片中婦人不懂規矩：「如果個個都係咁樣，成個香港都 亂晒龍啦！」
今年4月，網上也曾熱播一對夫婦搭巴士往珀麗灣時，不滿車長要求摺起嬰兒車，怒罵車長，更揚言出律師信控告司機衝黃燈。有市 民曾向交通諮詢委員會投訴，嬰兒車能否登巴士，運輸署指理解乘客難以安全操控未摺好的嬰兒車，但為確保乘客及嬰兒車內嬰兒安全，認同巴士要求嬰兒車先摺合 才登車。
http://hk.apple.nextmedia.com/news/art/20151129/19392550
婦團籲媽媽先讓步
【先知會】劉女士：「最好上車前摺好，但試過冇摺，上車先摺，會同車長講，因為一個人湊，要BB連埋架車上晒車先可以摺到。」
【本報訊】一幕媽媽推着嬰兒車被拒上巴士，激動之下以BB車阻擋巴士開車的片段，引來熱議，婦女團體指事件本可小事化無，認為媽媽先讓步的話，相信司機和其他乘客會協助她上車，不致將事件鬧大。
「最好係一人讓一步」。鴨脷洲婦女會主席蔡月嬋指，由於該區沒有港鐵，不少媽媽帶BB出街都需乘搭巴士，所以出門要自備孭帶，方便上巴士時一邊抱BB、一邊收起BB車，「咁多年呢區嘅媽媽都係咁做，只要媽媽肯收車，司機會等你，其他人見你狼狽都會幫你，一般都冇問題」。
民 主黨婦女政策副發言人陳樹英認為，最好當然由媽媽配合收車規定，但她說：「有啲媽媽可能真係體弱抱唔到BB，如果係咁，巴士公司係咪應該唔好將BB車睇成 行李？」她以輕鐵作例子，指如屬繁忙時間或車廂擠迫，車長都會勸喻乘客收起BB車，但其餘時間則不限，「套用落巴士都應該有通融空間，當然呢種酌情要睇情 況，包括媽媽狀態同埋交通情況」。
大律師：不構成虐兒
【望體諒】陳太：「好難講邊個啱，邊個唔啱，因為嬰兒車一定會有好多嘢，對一個女人嚟講好難一個人摺埋，車長有時要體諒。」
對 於事件中母親用BB車來攔阻巴士開車，是否構成虐兒呢？大律師陸偉雄解釋虐兒需從時間及環境來判斷，「如果棄置個BB喺橫風橫雨或危險嘅環境之下，又或者 擺喺路邊成一個小時，咁就可能係虐兒」。但觀乎今次情況，媽媽正與人爭執，並非刻意要令兒童受傷害，所以並不構成虐兒。
有網民稱BB車阻攔巴士會構成阻街，陸偉雄說，阻礙行車道比一般街道較嚴重，但判斷是否阻街須按其意圖，「例如有人多次叫佢行開，佢都唔肯，一直阻住行車，又或者阻礙時間好長，不過今次以事件性質嚟睇好小事，即使警員到場，相信都係警告或勸喻了事」。
■記者龔蕙芝
沒有留言:
張貼留言