【本 報訊】樓市面對2008年金融海嘯後首次跌市，有業主不信邪拒劈價賣樓，亦有人準備多年吼上車機會，究竟這次跌浪會否製造更多小富翁或負資產？有危有機， 本報找來5個業主的故事，當中有兩代好爸爸為兒子逆市上車、不同年代投資者，也有2003年沙士時膽粗粗入市的基層市民。
如股神畢菲特金句：「在別人貪婪時恐懼、在別人恐懼時貪婪。」下月面臨10多年來首次加息，低息時代將過去；恐懼或貪婪，樓市現時才遇真正考驗。
記者：陳東陽 陳家雄 黃嘉銘 程俊華
70後鄭先生眼見樓價高昂，近期有意為兒子置業。
【未雨綢繆】
無 殼一族大呻上車難於登天，新生代常言上車靠父幹；年輕人上車由慈父孟母出資數以十萬元作首期情況司空見慣，惟絕非只是近年出現的新鮮事。如70後鄭先生眼 見樓價高昂，近期有意為90後兒子置業；追源溯本，鄭早於1999年入市的誘因是為給予兒子更好成長環境，而當日鄭雙親亦同樣幫助支付50萬元首期。
鄭先生當年靠父母協助支付首期，購入荃威花園單位。
鄭 憶述兒子1997年出生後，夫婦二人、父母及新生兒，合共5人蝸居於荃灣眾安街洋樓一個建築480方呎的兩房單位，鄭遂萌生置業計劃。隨後夫婦兩人申請政 府的首次置業貸款計劃，目標以約150萬元購買荃灣區內的上車盤，最終鎖定荃威花園一個兩房單位，實用537方呎，鄭稱「最記得嗰日，阿B兩歲，好似大人 咁蹺住隻手喺背後，喺間屋走嚟走去……聽講細路哥唔喊，間屋唔會太差」。
但單位叫價達168萬元，鄭當日惟有懇求前業主：「我都係首置， 錢又唔多，不如平啲啦。」最終雙方即晚以約155萬元落實買賣，並繳付定金。然而，鄭夫婦由開始儲錢至落實買樓，其間儲蓄不過20餘萬元，另外約50萬元 首期須由鄭的父母幫忙，「阿爸阿媽就將畢生積蓄都畀埋我」。
1999年後香港經濟持續衰退，樓價同步下滑，供一層負資產樓同時養育小朋友，生活殊不容易。鄭回想經濟最差時要做兩份工，「一份喺錶行做採購員，跟住夜晚去超市做執貨，返到屋企成身豉油味」。
「唔係攞嚟炒」無懼負資產
面 對經濟不景仍咬緊牙關供樓，而不是出售物業一了百了，鄭解釋，「希望喺後生嗰時將層樓供完，之後做任何嘢都冇乜顧慮」。至兩年前物業供滿，首次置業貸款亦 已還清，鄭於是開設自資的建築材料買賣公司。如今公司業務上軌道，鄭開始為剛成年的獨子謀求日後居所。「你望到?家啲樓（價），（年輕人）想短時間內上車 一定要父母幫，佢邊到有能力箒？首期百幾萬邊到搵？當佢大學畢業都係搵萬零蚊，當佢月儲1萬蚊，要儲10年先儲到首期，你會唔會忍心個小朋友咁樣？」
發 展商開價平過二手，兼提供高成數按揭，所以鄭目標購買一伙700萬元的新盤單位，一如父母當年代付首期，他亦有意付兩成首期（約140萬元）為子上車。記 者問如果樓價跌，會否擔心兒子重蹈覆轍，成為負資產業主。鄭稱「自住之嘛，唔係攞嚟炒樓。無論樓價升定跌，你有能力供到咪得」。他認為大部份有能力的家長 亦會做同樣的事情，幫助子女置業。
■記者陳東陽
http://hk.apple.nextmedia.com/news/art/20151119/19378818
沙士時入市
供款平過現在租車位
張先生當年以近140萬元買入藍澄灣（右圖）單位，自住至今。
【安居樂業】
2003年一場沙士，令香港人百多天戴着口罩生活，經濟環境更是97年回歸以來最惡劣，但人心惶惶的一刻，亦有冷靜機智的香港人勇敢投資物業。
月供不足5,000元
沙士後同年6月，當年年約30歲的張先生以一手價不足140萬元，買入和黃發展的青衣藍澄灣一個建築面積600餘方呎中低層單位，平均呎價僅約2,000元。
張 憶述自己在青衣公屋長大，出來工作後，當時在將軍澳租樓月花6,000元，希望搬回青衣，結果在一眾新盤中挑選呎價2字頭的藍澄灣，做七成按揭，即是首期 約40萬元，分20年供，每月供款不足5,000元，比現時尖沙嘴車位月租還要平。對於成功低位入市，他直認是好運。他在當時分析，以每呎2,000元買 入單位，「再跌都係三幾百蚊，唔怕啦！」
按最近成交價，張購入的單位現時約值450萬元，升值2.2倍。張坦言「都有想賣嘅時候，但timing（時機）唔多夾」，早幾個月前準備賣的時候，樓市開始轉向，結果打消念頭。但他坦言現居住了十幾年都「健康、順利、keep（保持）住好運」，的確不想搬走。
本報追查土地註冊處資料，沙士重災區九龍灣淘大花園O座中層戶，實用356方呎，沙士年8月買家以50萬元撈底，成為當年屋苑最低成交價單位。原業主1999年2月以150萬元買入，持貨4年蝕100萬元。今日同類單位估值約430萬元，單位升值7.6倍。
■記者黃嘉銘、陳家雄
http://hk.apple.nextmedia.com/news/art/20151119/19378822
凶宅大王：未來一年要守
凶宅大王伍冠流
【轉賣為租】
年屆64歲，被譽為凶宅大王的資深投資者伍冠流，憶述自己20多歲已開始投資物業，而首次買凶宅是於1997年，為藍田居屋康華苑，有傳該單位前業主在屋內逝世，他18年來易手單位逾100個。
自 此之後伍主要買居屋凶宅，在2003年沙士期間亦試過買入屯門居屋兆安苑凶宅。問到為何近年來少買居屋而集中私樓，他認為市場資訊透明度增加是其中一個原 因。但多年來堅守出手低原則、決不肯買貴貨的伍，真正不再投資居屋的原因，是因居屋比起私樓的折讓太少，「平都平唔到（私樓）幾多」。
平市價兩成放售無人吼
他 強調買物業的時候，若預計樓市跌一成，就要找一些是市價七五折或八折的貨才接；如買九折貨而個市又跌一成的話，即是無錢賺。他覺得未來一年都應該要「守吓 先」，不應太進取，持現金應該穩陣。他又認為香港樓市「跌吓仲好，唔好一味係咁升」，「跌番幾厘，有起有落先叫正常，不用太緊張」。
訪問當日身處沙田第一城半凶宅單位，是伍於2010年以114萬元買入，早前減價20萬元，至338萬元後，近日再減20萬元，實用呎價僅1.05萬元，比同屋苑市價平約兩成。但如今他寧願先把單位以每月9,000元出租，都不會再減價。
■記者黃嘉銘
http://hk.apple.nextmedia.com/news/art/20151119/19378827
湯文亮女首置業豪花8,500萬
湯振玲（左）直言父親湯文亮（右）必定會資助自己買樓。楊柏賢攝
【投資收租】
於今年2月揚言細價樓會爆煲的紀惠集團行政總裁湯文亮，其女兒湯振玲卻在此言論發表前一個月首次置業，一擲約8,570萬元，連掃大潭老牌豪宅紅山半島4個單位投資，由父親資助一半首期，成為超級首置客。她直言因豪宅呎價與細價樓接近，才一嚐做業主滋味。
「爸爸錫仔女點都會畀啲」
當 年以拔尖身份考入科大王牌環球商業管理的湯振玲，雖生於富裕家庭，但於30歲才作人生首個買樓決定。她指早於兩、三年前已開始想買樓，但一直無合適單位兼 無急切需要。直到紅山半島在今年1月重推，實用呎價2.1萬元，「做過分析，嗰排沙田第一城呎價已經1.6萬，紅山半島雖然舊，但全新裝修，嗰時覺得豪宅 同細價樓冇可能差咁少。一係細價樓太貴、一係豪宅低水，所以先覺得抵，同埋又近自己屋企（陽明山莊）先入市」。
湯振玲一次過斥巨資買樓，坦言要由父母資助首期，「樓價一半做首期（近4,300萬元），自己出一半（約2,100萬元）、家人出另一半，因為知道爸爸錫仔女點都會畀啲」。
■記者程俊華
http://hk.apple.nextmedia.com/news/art/20151119/19378832
長實前員工：港人中樓毒
何雨盈看盡半世紀樓市，認為樓價急瀉後總有轉機。張志華攝
【見慣風浪】
「我第一層買嘅樓，係同長江、周大福買，西環北街五福大廈，500幾呎，大約2.6萬元……」長實前高級營業經理何雨盈2005年離開長實，過去10年活躍投資物業，近年過着退休生活；人生買第一層樓，那時才20歲，今年67歲；換言之那是1968年的事。
當年秘撈儲首期
他 憶述，當年買樓要付三成首期，然而當年月薪700元，何以儲得7,800元做首期，相當於11個月人工？他說：「秘撈囉！」當年幫人填表單（那時恒隆任 職），例如差餉，秘到夠錢買樓。「當時買樓心態，錢就喺度，不如當儲錢，橫掂畀咗首期，收租就夠供樓，收租300幾蚊，我供300幾蚊，唔使做，唔使打 理，到結婚都唔捨得收番嚟住」。
看盡半世紀樓市，「港人中樓毒好深，你嗌貴？鞋都唔着嚟買樓呀」。他解釋：「港人覺得買樓實賺，買樓實 好，樓會增值，第日人哋阿邊個移民，就係靠賣咗層樓。耳濡目染，你好難話樓唔值錢，差唔多係餓樓。」儘管九七、沙士、海嘯，樓價一度急瀉，他說：「就算 97年高位浪頂，?家都過番晒，有位畀你走啦!」
■記者陳家雄
沒有留言:
張貼留言