39歲師奶仔陳火娣是全港第一個女扎鐵學員，打破了這行業的男性壟斷。楊柏賢攝
【本報訊】人稱「娣姐」的師奶仔陳火娣，是全港第一個扎鐵女學員，以39歲之齡，追逐埋藏20年的扎鐵夢，堅毅地克服了體能限制，在男人堆中贏得認同，她說：「冇目標、冇理想先會覺得辛苦，辛苦係睇心態，唔係工作。」這位中三畢業婦人所懂得的，強過不少大學生。
記者：龔蕙芝
20 年前娣姐隨家人由江西移民來港，父親在家鄉是扎鐵判頭，「細細個成日跟阿爸去地盤，見到一塊爛地，變成一棟樓，好想參與其中」。來港後，陳父轉投飲食業， 有一天突然慨嘆：「如果有仔女繼承（做扎鐵）就好。」娣姐的兩妹一弟都沒興趣，但扎鐵心願已植根在娣姐心中。當時19歲的娣姐「跟屋企人一齊做飲食，之後 結婚生仔，要照顧家庭，環境唔許可去做（扎鐵）」。
娣姐有四個兒子，最年幼的只有5歲，去年大仔15歲時，娣姐覺得「係時候」了，「啲仔大咗（可互相照應），終於有機會可以行出嚟，做番啲我鍾意做嘅嘢」。
與同學搬260磅鋼筋
相隔20年，娣姐重燃扎鐵夢，最先通知爸爸。陳父在聽筒另一端開心得不停說：「好呀！好呀！」難得老公和兒子都贊成，「啲仔仲話『好開心，我媽咪係個技術人員』」。
去年2月到建造業議會面試，「有得面試嗰刻係最興奮！」但面試後，等足九個月才正式開學，上課第一天，全個地盤只有娣姐一個女學徒，男同學耳語：「一個女人得唔得㗎？」娣姐亦心想：「點解得我一個女人？」那時才知道她是歷來第一個女扎鐵學員。
娣 姐坦誠體能和看圖紙（扎鐵施工圖）是最大難關。「鋼筋屈扎班」學的，包括專屬鋼筋的切斷、屈曲、縛扎等，雖要用力氣，但對娣姐來說，最要命的是每天一小時 練習搬鋼筋，「先係四個人一齊搬支260磅（鋼筋），慢慢減到三個人，如果一個人唔得會連累其他人」。5呎4吋高的娣姐，體重只有110磅，起初男同學也 提出幫她分擔多點，遭她拒絕，「?家幫我，即係害我，出去（地盤）都要自己做」。
回家有四子揼膊按腳
每周五天半、每天八小時上學，初期娣姐每日都疲憊不堪，「但一返屋企，四個仔圍住你轉，一個幫你拎拖鞋、一個幫你揼膊頭、一個幫你鍊腳，又做埋家務，連老公都呷醋，諗諗吓就覺得『都唔係咁辛苦啫』！」娣姐甜甜地笑。
由 飲食業轉做扎鐵，日薪由近300元跳到700元，娣姐不諱言薪金是吸引因素之一。但若純為薪金，不足以令她捱得過扎鐵的辛苦，「冇目標、冇理想先會覺得辛 苦，辛苦係睇心態，唔係工作」、「興趣係大過乜！」儘管扎鐵要暴曬，她說：「曬唔死人。」要搬鋼筋，娣姐聳聳肩說：「辛苦就梗㗎啦，要完成心願就要付 出。」
約五個月的訓練，至今已完成三分二。娣姐笑指皮膚黑了等如健康了，手臂亦結實不少，「以前抽袋餸覺得好重，?家輕鬆咗」；初時擔心受男同學排斥，但至訓練中期，男同學已當娣姐不是女人，「連睇波、踢波都預埋我」。
行內是男人世界，又講人脈關係，但娣姐說：「我相信有表現，判頭會肯用我！」她將於3至4月接受工藝測試，通過後可取得俗稱「中工牌」正式成為扎鐵工，建造業議會將為學員尋找工作，並跟進就業情況。
http://hk.apple.nextmedia.com/news/art/20140206/18616247
導師：最令我驕傲嘅學生
【本報訊】娣姐的訓練導師葉師傅，指若果娣姐順利畢業，將是他13年教學生涯中「最令我驕傲嘅學生」。
「心態好好唔怕辛苦」
當初葉師傅知道班上有一位女學徒時，感到十分驚訝，「我從來冇教過女人（扎鐵）」，起初葉也懷疑娣姐是否能夠勝任，但很快就對她改觀，所有男生做到的她都做到了，「一般扎鐵技巧學得好好，?家克服到體能，之後技術嘅嘢都難唔到佢」。
「娣姐有講過做體能好辛苦，但我一定唔可以優待佢，如果唔係第時出去做嘢就做唔掂！」葉師傅對娣姐的要求與男人無異，他認為女人體能比男人差，但卻豎起拇指讚她：「佢心態好好，唔怕辛苦，主動又肯學，呢樣係佢最大優點，亦解釋到佢點解成功！」
「男人喺地盤放工，返屋企可以嗌攰等食；但娣姐放工仲要買餸煮飯、做家務、照顧家庭，比男人仲辛苦」。娣姐的耐力令葉師傅折服。
葉師傅表示，行內從未出現過女扎鐵工，也對娣姐前途有憂慮，「但如果有判頭問我，我一定會大力推薦！」
http://hk.apple.nextmedia.com/news/art/20140206/18616249
初哥捱不住 三小時劈炮
黃惠民指過去幾十年從沒見過一個正式的女扎鐵工。資料圖片
【本報訊】扎鐵業團結工會理事長黃惠民指，隨着多項基建上馬，業內就職率非常高，剛畢業的扎鐵工經議會轉介工作，可享日薪約610至700元；但因工作辛苦，不少初哥做三小時至一個星期就「劈炮」，「如果連續捱到三個月，就算成功（可長遠留在扎鐵業）」。
暑假旺季最搶人
黃稱過去幾十年約見過三至四個「老闆女親屬」幫手做部份較簡單的扎鐵工序如屈鐵、砌間牆等，但從沒見過一個正式的女扎鐵工；而且自10多年前行內規範化後，女人已絕迹此行。他認為，女人做扎鐵亦無不可，「唔敢肯定有冇歧視」。
他指，現時本港約有3,200多個中工（即基本扎鐵工）、1,000多個大工（即大師傅），「開工不足少咗好多，中工更加係大把工開，如果表現好，日薪會（每月）幾十幾十加上去，個個月都有得加」。
暑假旺季是最搶人的時候，「（你可以）幻想喺攝氏50度、戶外冇風嘅環境，烈日下做八個鐘」，每日要飲最少六公升水，毋須上廁所，「流汗都流晒」，黃稱，加上職業安全規定要穿反光衣，熱上加熱，「?家冇乜師傅赤膊做嘢㗎喇！」
沒有留言:
張貼留言