在酒吧遇見的十五種人

同班friend出嚟飲酒都總會有某幾類人係好煩，你身邊有幾多個？

1. 煙鏟- n. 房內8成以上的人不抽煙，仍堅持煙駁煙者。
2. 好兄弟- n. 此人未必真係你好兄弟。但當佢飲大左，就四海之內皆稱兄道弟。好L煩。
3. 插歌王- n. 此人一入房通常已連點五頁歌。你忍，忍到終於到你時，sorry，歌已被插。
4. 酒場刑警- n. 此類人對對方喝酒的份量份外執著，一滴都不能少。
5. 魔術手- n. 每次要飲既時候，此類人會趁對方唔留心時，以為自己好醒咁換上空樽扮飲曬。
6. 失戀王- n. 此類人極度emo，唱唱下K會失控大喊。
7. 反共派- n. 認為基於自己無飲酒，有權夾細份者。此舉形同煽動顛覆國家，應打靶以謝天華。
8. 老襯- n. 非情願地被比較富裕既朋友自把自為地大聲宣布男士請曬(或打折)全場女士。當然，錢就­有份夾，彩就佢攞曬。
9. 暴力王- n. 此類人兩杯到肚後喜歡借故撩交打。
10. 勇士- n. 此類人唔大得，你大佢佢實大返你。如同時出現兩位勇士，建議先叫定白車。
11. 規矩王- n. 此類人已走火入魔，經常校長上身般加上種種規例。
12. 特別和音技巧- n. 自以為曉唱和音，但其實一句都和唔到，搞到主音都無癮唱。呢類人通常活喺自己世界，但­又唔好意思當面話佢。
13. 賴酒王- n. 願賭不服輸仲要撩人玩的賭白頭片者。
14. 藉口王- n. 每當被質疑酒量，就會吹到天花龍鳳，話自己黎之前飲幾多幾多。
15. 早走- v. 事先張揚有事做會早走，但其實係坐到叫埋單時先走。借故以早走之名俾少啲。