肉檔每日有百斤生豬落貨，阿May手起刀落分割。李家皓攝
【本 報訊】「我豬肉佬，何嘗唔想成為偉大嘅舞蹈家？」看周星馳電影，有這樣一句經典對白。街市豬肉佬形象負面，業界宣佈將豬肉佬正名為肉類分割技術員，又與再 培訓局合作，於農曆年後推出課程，吸收新血。職業看似低微，但其實卧虎藏龍：街市之花有OL唔做，寧願斬大嚿豬骨；大學生由豬肉枱做起，引進評級制度，甚 至自立門戶做老闆。「正因冇後生願意入行，先容易發圍」。與別不同的想法，看得更遠，誰說豬肉佬不可以是夢想家？
記者：呂麗嬋
位 於結志街的肉檔共5個人，平均年齡50，年紀最大的豬肉佬來叔，今年已80歲；30出頭的阿May許頴欣，年紀最輕，是唯一女將。「初初企肉枱，真係有遊 客行過，話要同我合照；有啲客見我揸住把豬肉刀斬肉排，猛叫我留畀啲男人做，好搞笑」。有名你叫，「豬肉佬，畀廿蚊豬肉嚟」，行業陽盛陰衰，全港識開豬放 血拆骨起皮的女刀手，十隻手指數完，劏豬劏牛一樣好刀工，阿May是第一人。
未天光返工 斬百斤生豬
阿May外形嬌滴滴，已有穩定男友。
「我 諗都係唯一，因為根本冇女仔入行」，性格爽朗的小妮子自嘲大笑。紫色貼腳水鞋、粉紅polo恤加牛仔褲，頭髮簡單盤在腦後，零化妝仍出落標致。阿May這 個街市之花，不是浪得虛名。記者站在肉檔門外一朝，5點半天未光已返工的她，一直冇停手，百斤生豬落貨，手起刀落切成6大件。前一分鐘才向OL教路「買乜 肉煲湯最鮮甜」，下一分鐘已轉頻道，與外傭以英語對答如流。
「做律師醫生係專業人士，我覺得我都係專業人士，讀過吓書都識揸筆，揸咁大把 刀就真係冇乜人識」。說來也是，大肉刀足5磅，手起刀落，少點技術和臂力也不行。她說：「其實都攰，最初由輕身細刀做起，要斬多幾刀，慣咗先轉大把。」 May直言，當初入行，全為幫輕經營肉檔的父親，「請唔到人，上年農曆年，初一至初三只有我同老竇兩個人做，斬肉送貨肉枱賣一腳踢，唔幫手，得佢一個點 得？」
「待遇唔差 一定唔會失業」
由豬肉枱揸筆做功課， 變揸刀搵食，阿May笑說人生就是始料不及。「屋企人開舖頭，放假梗要落舖幫手，最初跟送貨，以前手機上網冇咁流行，坐喺度好無聊，就幫手洗豬雜，大個啲 就試揸刀切嘢，見到啲師傅點做就跟住做」。出名孝順女，阿May對上還有兩個哥哥，個個做一陣就怕怕，只有她繼承父業，「可能我好勝，個個話呢行唔啱女 仔，捱唔住，我心諗，廚師都有女人，點解唔得？」
越看輕越有鬥心，中五畢業有寫字樓工唔做，分割豬肉成了她的專業。「好多人話呢行厭惡， 其實坐寫字樓都會悶，做銀行call客都好厭惡，呢行待遇唔差，最好嘅係經濟好唔好、股票係咪大跌，一樣有需求，一定唔會失業」。現時有穩定男友，阿 May笑說從無擔心會嫁不出，「佢識我時知我做街市，先唔好自己睇唔起自己，日日同客傾偈，教佢哋唔同部位點食好，好有滿足感」。
http://hk.apple.nextmedia.com/news/art/20160209/19484828
港大生超市學劏豬創業
lvan在超市由低做起後成功創業，直言：「冇做豬肉佬，我冇今日。」黃耀興攝
【本 報訊】樂做肉類分割技術員的，還有32歲的田景錄（Ivan）。2008年港大化學系畢業，在吉之島做Management Trainee（管理實習生，MT），頭3個月到不同部門了解運作，3個月後，獲派「豬肉佬」工作，他不諱言慘叫一聲。「最多人揀零食雜貨部門，豬肉檔冇 人肯揀，日式超市trainee都要由低做起，着住制服企豬肉枱，頭一個月，連切豬肉都冇機會做，因為唔識切，落錯刀好嘥，主力包保鮮紙！」
遭師奶當反面教材
豬肉檔制服無型又無格，那頂透明浴帽最致命，lvan直言最怕超市巧遇大學同學，但最傷一次，要數後巷掉紙皮箱一幕。「真係好似做戲咁，有嗰師奶同個女講，你唔讀書，第時就好似呢個哥哥咁」。大學生慘成反面教材，他百辭莫辯。
半 年後，培訓部更邀請他將分割豬肉技術規範化。「嗰時成個部門最後生係我，聯絡咗澳洲肉類畜牧肉食協會，搵咗個師傅嚟香港教，跟澳洲行5級制，肉枱師父都要 接受考核，取得認可資格」。lvan說：「好開心終於見到街市業界開新課程，呢行其實好專業，只係以前成日俾人睇小」。
這位肉類分割技術 員並非浪得虛名，由煲湯豬肉的不同選擇，到不同級數的和牛及穀飼牛，以至刁鑽的肉眼頂、豬肋蓋柳，統統走不出他的法眼。「煲湯可以用瘦肉，想食埋嚿豬肉唔 好嘥，就揀西施骨，再唔係就揀豬?同豬筒骨」。這個新晉肉類專家，至今更榮升老闆賣肉。Ivan一年多前與肉類供應商好友Vincent侯振峰拍檔創業， 將工作多年儲下的買樓首期統統押注，在工廠大廈開設肉類工場，又設門市賣刁鑽靚肉。
■記者呂麗嬋
http://hk.apple.nextmedia.com/news/art/20160209/19484830
新課程保證獲聘 月薪兩萬
為「豬肉佬」正名，有網民取笑，但許偉堅（右二）認為是行前一步。資料圖片
【本 報訊】「豬肉佬」人手不足，是否改個名就可以吸引年輕人入行？全港鮮肉零售業聯席會議召集人許偉堅笑說不會這樣天真，但好歹行出第一步，希望透過系統培訓 及逐步改善工作環境，洗脫老舊形象。與僱員再培訓合作的課程，將提供3個月在職培訓，其間可享達1.4萬元的實習薪酬；合格畢業保證獲聘，月薪更可高達2 萬。
行業約欠500人
許偉堅透露現時行業約欠500人手，他指： 「十幾年前工會小規模咁搞過一班，今次咁多商會一齊搞都係第一次，希望真係可以解決行業青黃不接問題。」課程預計最快農曆年後開辦，分肉枱零售和屠房兩個 工種，共長120小時，包括教授豬隻多達40個不同部位、刀具認識及烹飪技巧等。其中屠房主要學習將生豬放血、開肚及清理內臟等，而肉枱零售則學習將豬殼 斬件及認識豬隻各部位，每班名額20人。
■記者呂麗嬋
沒有留言:
張貼留言