周佩波重回他熟悉的基層社區創立直銷社企。曾顯華攝
【記 者呂麗嬋報道】22歲前，他的人生，都在深水埗。「中學住海壇街，到讀大學，就住通州街！」爸爸做地盤，母親在內地，住劏房，四季只穿一件白恤衫。窮人生 活，沒有人比他更清楚，「為咗慳幾蚊，寧願買發霉米」。發憤讀書脫貧，惟洗出一兜灰白洗米水的印象，揮之不去。十年過去，他回來創立社企「加油香港」，對 着他熟悉的基層，對着他熟悉的深水埗，他是周佩波。
成立新社企「加油香港」，周佩波選擇夥拍參加《窮富翁大作戰》的IT人黃岳永搞直銷社企，頭炮與本地最大煉油廠合興合作，聯繫非牟利團體、區議員辦事處及學校，借場地「開倉」，減低成本，以低市價三成的價錢賣食油予基層。
「呢種營銷方式，可避過超市上架費，將成本減至最低，營運上比較可行。」記者訪問當天，周佩波的手機響個不停，都是洽談借出辦事處作開倉的區議員來電，「我哋兩個商界出身，做咩都一定會考慮長遠營運係咪可行，議員都想選民受惠，我哋只係中間推一把」。
四季穿一件恤衫
本 身是傳訊公司董事的周佩波，每年淨收入達百萬元，卻毅然放下事業，創立「加油香港」。「我知道做窮人嘅滋味」，出生於廣西貧窮村落，8歲父母離異，12歲 拿着單程證來港家庭團聚，「話係團聚，但我唔記得我實際見過我阿爸幾多次」。中一入讀現已結業的德仁書院，前途暗淡，「唔好話廣東話唔識講，我屋企講開 嘅，係鄉下話」。
十幾年前，中港矛盾沒有今日那麼尖銳，惟他這個「鄉下仔」還是很自卑，試過半年間在學校沒有說超過10句話，拍照敬陪末 席，他住的劏房是唐六樓，對上還有一間僭建天台屋，「細路仔會上去玩，嗰度住咗幾個婆仔，佢哋好慳，係慳到會買發霉米嗰種，食油就買包裝爛咗嘅平價貨」。 「窮，就冇得選擇？」他反問。
「喺深水埗，貼喺燈柱上嘅街招，都係來歷不明嘅米同油，雜嘜牌平一截，再加少少發霉，或者招紙爛嘅，又再平 啲。」四季只穿一件白恤衫上學，但柴米油鹽，他知道慳不來，還只是中學生，已知世界艱難。唔想咁樣，惟有發憤讀書，「我讀書算唔錯，會考27分，嗰時已經 係創校以嚟嘅狀元」。中六轉讀香島中學，考進科大讀電腦，千辛萬苦，這個昔日的「鄉下仔」終於走出深水埗。
帶機智女做義工
「加油香港」早前在商場向基層直銷食油。
如果故事就在這裏完結，這只是一個典型獅子山下的勵志故事，但他不想這樣，所以與黃岳永創辦「加油香港」。他稱，改變，也許就由拒絕接受一包發霉米開始。
在面書，有一篇名為〈小寶寶「勇救」媽媽〉的文章，記述當時年僅4歲的女孩周芷瑜（Dora），如何在學校門口替暈倒的媽媽打電話求救，其中一句道「我冇驚，我會好好照顧媽咪，你都唔使驚」。文章被視為怪獸家長必讀的反思文章。這個機智女孩，她的爸爸，正是周佩波。
「睇過《作死不離三兄弟》（3 Idiots），一定會為電影中描述嘅教育制度悲憤，最後主角搵到佢理想中嘅小學，唔好以為呢間學校只係童話，其實真係存在」。去年，他到印度河濱學校取經，又帶女兒到深水埗做義工。「身教，好重要。」誰說不是？
沒有留言:
張貼留言