情侶之間出現第三者往往難以解決，第四者服務亦應運而生。易仰民攝
【本 報訊】情人節快到，有愛侶為佳節花盡心思，也有人因身邊伴侶有異心深受困擾。近年有偵探社引入趕走小三的「第四者服務」，利用俊男美女撬牆腳追走小三。有 人妻為挽回婚姻，花費8萬元使用服務，最後卻落得「人財兩空」，丈夫沒返回身邊，質疑服務純屬賺錢噱頭。有社工提醒，處理婚姻機，必須夫婦坦然面對，單趕 走小三根本無用。
記者：林賽香
年過40歲的李太結婚21年，兩年前情人節前夕，在丈夫手機發現情慾短訊，「佢同女同事傳情慾短 訊，個女仔我見過，廿幾歲，好靚，肯定佢哋有嘢」。為怕丈夫東窗事發，趁機攤牌離婚，她只好啞忍，「我唔想個仔有個破碎家庭」。她偶然間在網上找到偵探社 的「第四者服務」，於是一試。
反遭偵探社威脅
李太花八萬元使用第四者服務，最後落得人財兩空。
到 達偵探社後，職員向她展示多張有型靚仔相，大力推銷服務「好使得」，「佢哋話呢啲靚仔追女仔好掂，送花、送名牌、食燭光晚餐，一個月追到嘅成功率有九成。 我諗住如果小三受吸引移情別戀，老公見外面啲女人冇真心，就會覺得老婆好，返嚟我身邊」。惟服務並不便宜，偵探社向她索價5萬元，李太愛夫深切，即付款使 用服務，「我想攞收據，佢哋就變得好惡咁話呢行唔興，我一個女人畀幾個大男人圍住好驚，唔敢攞」。
惟數月後婚姻不見起色，丈夫仍不黐家， 一點不似失戀，李太致電偵探社，「佢態度好惡，話跟緊，叫我唔好催」。最後職員拿出一張含糊不清的相片，指相中男士就是第四者，女的是小三，「我都睇得唔 太清楚，好懷疑係咪真，我想拎番張相走，佢哋唔畀，仲話要畀多5萬蚊，又威脅如果唔畀就講畀我老公知，一定會搞到離婚」，幾經拉鋸，她支付了3萬元脫身。
基 督教家庭服務中心社工曾美娥坦言，有不少接受婚姻輔導的個案，均曾聘請私家偵探跟蹤伴侶，惟也是第一次聽聞第四者服務。她直指這類方法無助挽救婚姻：「如 果唔正視感情嘅問題，今日你請人趕走小三，聽日又有小四、小五……出現，你請得幾多偵探？而且如果畀伴侶知道你請人撬牆腳，會破壞互信，夫妻之間嘅關係更 加惡劣。」
她認為，婚姻出現問題甚至有婚外情，與夫婦雙方性格及相處有關，必須坦誠面對，「拎出嚟傾，唔可以收埋唔理」，而且必須自我檢討，找出問題癥結，改善缺點，然後慢慢修補關係。
http://hk.apple.nextmedia.com/news/art/20130212/18163242
委託人八成屬女性
【特稿】
情人節應該跟情人度過，若不是與正印慶祝，外遇便容易浮面，故情人節被偵探界戲謔為「偷情節」。有業界人士指，這段期間捉姦服務需求增10%，至於專用作弄走小三的「第四者服務」也有人使用，不過是否「用得着」，則視乎個案。
偵探行業欠監察
《蘋果》致電多間偵探社了解服務細節，職員均稱：「請咗唔同style嘅模特兒，一定有啱小三嘅口味，佢哋追女好掂，好識𠱁人，又靚仔，九成成功」，但談到收費，職員便耍太極，「要睇追女仔嘅時間，但呢啲嘢好難講，而且要送花、送名牌，要你埋單」，一切見面再談。
資 深私家偵探張大偉表示，使用第四者服務的客人主要欲挽回婚姻，八成委託人是女性，「易唔易追視乎小三係為乜同個男人一齊，係為錢、寂寞定係其他原因」，如 為錢較容易，若是真感情便較難。公司一般會聘請模特兒及臨時演員做第四者，「都係外形好，口才了得」。收費則視乎難度及「追乜人」，「價錢大家傾，覺得啱 就用，最好簽約講明要交相同錄音證明真係有做嘢」。
他承認行業沒規範，出現良莠不齊，「我哋冇協會監察，有啲偵探社唔同委託人簽約，收咗錢唔做嘢，事主惟有小心」。另一私家偵探文顯楠也稱，曾有委託人稱被騙，要求協助向另一家偵探社討回第四者服務費，「有個案涉及成幾十萬」。
《蘋果》記者
沒有留言:
張貼留言