情人節向來是男士大出血的日子，但調查顯示新世代女友願意負擔全部或部份使費。何柏佳攝
【本 報訊】今日年初五是開工日，也是身為男朋友、丈夫的男士大出血的情人節。有調查顯示，港男其實不想太花錢，九成受訪男士希望可與女方分擔開支；七成受訪女 士卻不介意分擔部份費用，近半人表明願意今日給男友「包食、包禮物」。一張金牛也未必夠買一紮情人節花束，但最多受訪港女想要的，卻是男友親手製的手作 仔。
記者：倪清江 歐陽子瑩 袁樂婷
明愛向晴軒受葵芳新都會廣場委託，就情人節消費於上月成功訪問582名18至40歲蜜運男女。大部份都指情人節是個人開支最大的節日，男、女各有逾三成人預料情人節要花掉半個月或以上薪金。
近半人花費五千至萬元
49％受訪港女估計今年情人節使費介乎$5,000至$10,000，更有26％料逾$10,000，比率較男士高出約一半，多數預料買禮物給男友是最大 開支。在情人節，男士一般會買花給女友，再請對方「撐枱腳」。調查發現，45％男受訪者表明不願意支付全部費用，比表態願意的只少五個百分點；九成更稱接 受與女方攤分支出。
港女很大方，七成表明不介意與男友分擔開支；只有51％不接受自己支付所有費用，除了1%不表態外，其餘都稱願意今日 「養起男友」。禮物方面，74％港男想收到電子產品如電話、相機等，只有2％希望收到女友自製禮物。相反，港女最想收到的，卻是男友自製禮物，只有14％ 想收花。此外，較多港男收禮物比港女更重視價錢，43％認為如對方的禮物價值比自己送出的低，會感到不被重視。
「節日唔使錢冇咩好做」
27 歲的Abeba從事服務業，去年情人節花了數萬元向女友Mandy求婚，正儲錢明年結婚。Abeba坦言距離目標「仲有十萬九千里」，因此情人節不會豪 花，亦不介意女友分擔開支。Mandy也稱，一向與男友「一人請一餐」。24歲的Crystal與男友Otto拍拖兩年半，Otto稱今年情人節沒有特別 計劃，將「行到邊食到邊」。
剛辭任金融投資公司秘書的Anna，今日會與任投資顧問的男友慶祝第三個情人節。作為新世代男女，他倆平時拍拖食飯都是「一人請一餐」，她今日會請男友去吃蠔，預計花費千多元，「之前應承請佢食。大家咁高咁大，都係搵咁多，冇理由男仔畀晒」。
明愛向晴軒註冊社工姚子健稱，調查反映本港男女在愛情的關係上越趨平等，一反港女被標籤「現實」的負面形象。
理 工大學應用社會科學系副教授何國良表示，未知調查是否反映受訪者的真正花費及行動，但認為香港的文化有缺陷，「節日唔使錢都冇咩好做，想認真食餐飯坐耐 啲，都要去高級餐廳」。他認為，港男不夠浪漫，要他們自製禮物相信十分頭痛，「女士寧願使多少少，換個開心嘅經驗」。此外，入境處收到210對愛侶登記今 日結婚。
港男港女有話說
周先生
「送花、訂枱多數男士做，會自己畀晒，想佢開心啲。」
林小姐
「如果相愛就冇所謂……但通常男仔畀，好少女仔畀。」
http://hk.apple.nextmedia.com/news/art/20130214/18164863
99支玫瑰$7,800有價有市
未及訂花的男士昨日把握最後機會，挑選情人節花束。
【本報訊】情人節是一年一度「男士破費，女士醒神」的節日，男士們由買花到訂枱共晉浪漫晚餐，一擲千金毫不手軟，直言「回憶係無價」。今年花價比去年貴兩成，但近$8,000一束99支紅玫瑰依然有價有市，花店店員忙至「聲到沙埋」。
餐飲生意升一成
陳先生昨到旺角花墟挑選香檳色玫瑰，準備自行配搭獨一無二的情人節花束送給女友，連同晚餐預計花逾$2,000，「想睇佢笑嗰吓」。首次與女友過情人節的周先生則買女友最愛的白色玫瑰，又包辦今天所有消費，「唔介意畀多啲」。
旺 角花墟繽紛花店分店主任陳佩珊指，包送貨的定單接近滿額，玫瑰、繡球花和馬蹄蘭最受歡迎，平均售$1,480一紮，最貴的99支紅玫瑰售$7,800，一 樣有人問津。沙田如意廊花店店員何小姐則指，訂購情人節花束平均消費$900至$1,200，有男士以$4,500訂購108支罕有的紫色玫瑰，屬今年最 大手筆。餐飲聯業協會會長黃家和預計，餐飲業生意比去年升一成。每對情侶平均消費$600，當中以年輕人「願意畀千幾蚊食飯」，中產及中年人比較審慎。
http://hk.apple.nextmedia.com/news/art/20130214/18164875
四張嘢被排山倒海追求
政壇元秋教人妻 令男人愛回家
蔣麗芸認為，夫妻間首要是信任，妻子要放下醋埕，給丈夫足夠空間。
張志華攝
【本 報訊】16歲便初戀，卻至42歲才結婚，有政壇元秋之稱、民建聯蔣麗芸帶笑自嘲：「（估不到）四張嘢都有人排山倒海咁追求。」遂在97年下嫁梁海明。丈夫 不浪漫，蔣麗芸幾次遭到冷水照頭淋；情人節，她教路天下人妻，中年男人面對妙齡少女，難免心花怒放；女人必須放下醋埕，打造安樂窩，令男人，愛回家。
記者：許偉賢
別 以為只有男人「冇心肝」，曾為特首梁振英隱瞞僭建花棚挺身疾呼：「好多男人呀，連自己結婚紀念日呀，都記得唔清楚啦！」的蔣麗芸，連丈夫梁海明的生日也忘 記，「第二日佢（梁）見到我、對住我唱生日歌：Happy birthday to me，Happy birthday to me……我話，Oh my god……佢話：我噚日生咗日嘞，我先即刻叫工人煮碗麵佢食」。
並非怕做剩女而結婚
蔣麗芸也有溫柔時，2010年到布拉格旅行，她便如小鳥般依偎着丈夫。
今年58歲的蔣麗芸，與梁海明拍拖兩個月即訂婚，97年12月20日註冊結婚。蔣麗芸笑稱當年非為怕做「剩女」而結婚，只是被對方誠意打動，估不到「四張嘢都有人排山倒海咁追求」。
回想訂婚過程，蔣麗芸仍甜絲絲、笑在心：「訂婚時，佢去到賣jewelry嗰度任我揀；雖然佢已經望實我……佢始終係個打工仔，但我都揀咗個中間（價錢）咁啦、頗大粒（鑽石）啦、佢afford到嘅戒指。」
工 程出身的梁海明不浪漫，偏偏蔣麗芸是感性的人，她的浪漫舉動不時被冷水照頭淋。「有次我突然間好開心咁買咗自己好鍾意食嘅嘢，喺屋企個花園好似野餐咁，擺 晒蠟燭喺地，老公返到嚟就話『喂，係咁樣會火燭㗎，快啲吹熄佢』，我惟有話『得嘞，遲啲先啦，食埋嘢先算』」；另一次，「我喺度播緊啲好輕鬆、有情調嘅音 樂，佢（竟然）同我講：『今日見到肥佬張喎』……」
「夫妻間首要是信任」
踏入第16個結婚紀念日，蔣麗芸強調夫妻間首要是信任：「婚姻一定要畀到對方足夠空間，一定要有信心，唔好下下疑心去諗：老公夜咗返嚟，係咪講大話呢？佢會唔會喺寫字同個女同事好好傾呢？假如開始咁諗，就係破壞婚姻嘅trigger point。」
她指自己好open，不會check老公電話紀錄與短訊，「盡管好多人會話：『嘩，你睇住喎，你先生啲同學會呀、參加啲乜會呀，同裏面好多女仔好好傾喎。』」
「我 可以imagine到，一個上咗年齡嘅男士，去到一個party，有好多後生女同佢講笑、嘻嘻哈哈，其實佢心情好輕鬆、佢係好開心；但有一樣嘢我好有信 心，就係無論佢喺外面幾放鬆、幾開心，但之後佢會更眷戀屋企，佢會當屋企係佢嘅shelter、佢會喺度搵到peace。作為女性，一定要畀個安樂窩（丈 夫）。」假若老婆已經做足本份，老公依然流連忘返，蔣麗芸也有解脫之道：set him free。
http://hk.apple.nextmedia.com/news/art/20130214/18164876
平權難實現 女同志感似失戀
Maggie（左）和Karen稱維繫感情方法就是「認定同對方一生一世就唔好分手」。陳奕釗攝
【記 者梁德倫報道】同志的路從來都是崎嶇曲折、荊棘滿途，誰會受得了和愛侶相約在餐廳度過情人節，卻要飽受異樣目光和歧視？Maggie和Karen相識十 年、拍拖六載，倆口子仍恩愛如昔，雖對所有歧視目光皆已免疫，但她倆仍渴望所有人都在平等權利下不分種族、膚色、性別去愛人。愛情不一定轟烈，也不需要峯 迴路轉，只需要簡單快樂，因為她們說：「只要想同對方一生一世，就冇乜分歧解決唔到。」
Maggie和Karen十年前是上司下屬關係，初時只是普通朋友，Maggie後來更已離職，但六年前因緣際會之下再次聚頭，Maggie對她產生異樣感覺，「嗰時我覺得撻着咗」。
但兩人要走在一起絕不容易，因為家庭背景、生活習慣都南轅北轍，例如Maggie是家中孻女，但Karen是來自單親家庭；前者大近十年，生活圈子、見識和嗜好都不盡同，「所以我哋一齊頭三、四年都好多瑣碎事吵鬧，仲曾經好似好多情侶咁為小小事鬧分手」。
Maggie 說，過去也曾與其他女仔拍過三、四次拖，最長久一次是十年，但分離原因卻有點無奈，「因為對方想結婚、生兒育女」。現在和Karen感情穩定，兩人認定對 方為終身伴侶，她指維繫感情只有一招必殺技，「就係死都唔分手，就算佢提出我都要賴皮」。拖拉不是更痛苦？「好多人分手原因都係瑣碎事，但你認定對方係終 身伴侶，其實乜都可以改、包容。」
無法律地位領伴侶遺體
Karen 和Maggie也曾短暫掙扎，因為Karen過去的情人都是男人，和朋友傾訴下終於想通，「佢哋勸我如果因為性別，錯過咗一個自己鍾意又想以後一齊嘅人， 第時只會更後悔，所以要相信自己」。她說，成為同性戀者後發現有些事始終女人較細心，「好似我睇戲想喊，佢總會適時畀紙巾我，但男人永遠得一句：都唔知你 喊乜？」
政府早前為同志平權宣判死期，連諮詢是否立法反歧視也不肯，Maggie坦言當下大受打擊，「好似失戀咁，心諗有冇搞錯連問吓都唔畀？」社會仍十分歧視，例如在餐廳訂情侶套餐，餐廳知悉不是一男一女後甚介意，周圍食客也投以異樣目光。
Karen也說，同性戀者很多地方都不受保障，「我伴侶第時百年歸老，我竟然冇法律地位為佢領遺體，佢要做手術我亦唔可以用家屬身份簽紙」。
http://hk.apple.nextmedia.com/news/art/20130214/18164878
男同志最羨慕女性可冠夫姓
KB展示與男友的信物，直言渴望與對方結婚，和親友分享喜悅。
【記者張嘉雯報道】KB是個浪漫男，分享戀愛故事時渾身被甜蜜光環包圍，不下10次讚男朋友「好靚仔」，強調同志也有「晒命權」，幸福毋須「收收埋埋」，戀愛軼事要跟所有人分享。情人節願望是到英國或者法國結婚，在自己的名字上加上對方的姓氏。
訪問一開始，浪漫男就提醒記者要以KB作代號，字母K是他自己，字母B是男友的姓氏，二人自三年零八個月前拍拖後，KB就在所有簽名後加上男友的姓氏，最羨慕女士們婚後可以冠夫姓，「咁既然大家都一齊咯，點解唔可以咁樣肯定對方？」
KB 與男友在社福機構「撻着」，拍拖兩周，二人去澳門度假。KB的父母其後從照片和兒子的手機短訊中揭發了戀情，媽媽哭着跟他說：「我唔係想你係我個女，我想 你係我個仔呀！」傷心的KB即晚致電男友訴苦，他以為戀情「凍過水」，結果男友被他感動，決心跟他一起抵抗父母壓力。
自此，父母開始「扮唔知」，朋友過年則會祝福他「甜甜蜜蜜」，KB笑言自己在家人前是地下情，在朋友間是高調情，最愛「晒命」，友人看他facebook也要戴太陽眼鏡，「佢哋成日都話糖份過高」。
希望到外國結婚
浪 漫情人同時是地獄廚神，KB直言曾送「硬過石頭」的自製朱古力和創意料理──以沙律作餡的啫喱作禮物；去年情人節，又想出用能得利橡皮糖、得力素糖和 Kinder出奇蛋砌成的花，「我啲同事見到我砌，係咁叫我唔好送，話肯定分硬手呀！」但情癡懶理旁人勸告，結果他的情花神蹟地成為情人眼裏的西施。
情人節遇着農曆年，KB希望父母可以接受他的性傾向，長路漫漫，他希望繼續與B走下去，在英國或者法國結婚，「冇結婚，第日佢死咗，花牌都唔知寫咩，婚姻係一個選擇，人人都應該有權揀」。又笑說：「婚書唔重要，婚禮先重要，晒命都係一種權利嚟㗎喎。」
沒有留言:
張貼留言