【本報訊】梁振英民望一蹶不振，全國人大常委范徐麗泰（上圖）勸誡梁振英，民意「可以載舟、可以覆舟」，梁應「不時反省」，她又揶揄梁振英向《信報》特約評論員練乙錚發律師信，結果反令練文廣泛流傳。
發律師信反令練文流傳
范 太昨日到鄉議局團拜後指，從事公共服務的人民望有起有跌，即使下跌亦不用擔心，「民望下跌應該係令自己更加努力，同埋改進自己嘅做事方法嘅一個動力」，她 更意有所指地稱，「民意正所謂可以載舟、可以覆舟，我哋必須努力，同埋不時反省，同埋盡量希望做得更好」。對於梁振英向傳媒發律師信，范太覺得練乙錚的文 章有點曲高和寡，未必很多市民閱讀，不過「唔好講訴訟嗰一筆，就咁客觀上嚟講，因為特首出咗封律師信，其實令到練乙錚先生篇文章變咗廣為流傳」。
她續指出，「（我）被人批評嘅事情多到不得了，我從來都唔會諗話用出律師信呢個咁嘅手法，因為或者我習慣咗喺香港呢個社會，好多人支筆喺佢手裏面，個腦生喺佢個頭度，把口生喺佢塊面，你根本冇辦法控制」。
此外，履任中聯辦主任後極為低調的張曉明昨日亦有到鄉議局，但未有發言，只是逗留十多分鐘便離去。
沒有留言:
張貼留言