陳雲指香港與中華民族的關係不能分割，缺乏獨立條件。馬泉崇攝
【本 報訊】想一窺龍顏變色，不需50萬人上街，幾面龍獅旗、幾聲「我要自治」，已足以令過氣京官，甚至國家領導動真格；一口屎「沒有巿場、不得人心」，一口糖 「共享做中國人的尊嚴和榮耀」，包括三個疑似「港獨分子」在內的港人，個個啼笑皆非。被指「分裂國家」的三大嫌疑犯今天重申，最大心願是保障港人利益不再 受剝奪，說他們「教人分妻」，太過抬舉。記者：張嘉雯
港獨頭號「嫌疑犯」、香港自治運動發起人陳雲嘴硬，是隨時被迫到「一拍兩散」的高危 人物，聽到魯平的東江水供港論會說，「你試吓唔供應吖，唔供應咪暴動囉。」評梁振英的「不要閉關鎖港」，會大鬧「梁振英係黐線㗎。」但說到港獨，他認為香 港與新加坡環境不同，有港獨想法的人是妄想，「建立一個國家唔係咁細件事，係好麻煩嘅，要有國家民族精神，呢樣嘢唔係咁易。」
獨立需要極大成本
一面龍獅旗令京官抓狂，引發出一場港獨偽議題。
陳 雲認為，香港與中華民族的關係不能分割，難以獨立，「香港唔同新加坡，新加坡有三分一馬來西亞人口，同埋有一半人文化來自印度同英國，華人佔一半到之嘛， 係複合民族嘅地方，香港八成九成係華人……。香港一旦要建立一個國家，搞呢個民族身份都好複雜。」他又表示，獨立需要極大成本，「有啲人可能會咁樣妄想， 『獨立好喎，好似新加坡咁樣。』但建立一個國家唔係咁細件事，唔係純粹話軍事防衞，嗰啲可以靠美軍，建立一個國家，你要有國家嘅民族精神。」
提出城邦論的陳雲，再三強調他的論述只是捍衞憲法下一國兩制、高度自治的權利，「其實喺《基本法》下，香港嘅自治權比殖民地時代高，香港人根本慣咗冇自主權，唔追求獨立；只不過家又雙非、又買唔到樓，個個冇啖好食，好似奴隸咁，先用呢樣嘢保護自己嗰種生存方式。」
陳雲冷笑魯平的東江水論，「你試吓唔供應吖，唔供應咪暴動囉！暴動，金融巿場就混亂，佢（國企）唔可以喺度上巿，唔可以喺度發行人民幣債券，唔可以喺度做金融對冲，咁佢咪靠上海囉，靠上海我睇吓美國佬點整蠱佢。」
談到梁振英「閉關鎖港」的批評，他罵得更狠，「黐線㗎佢，梁振英係黐線㗎，一個城邦，一定係講國際關係，一定係開放㗎，點會閉關啫；問題係家（香港）淨係向中國開放，淨係向晒中國傾斜，啲利益畀佢攞晒吖嘛。」
中央反應之大，陳雲有心理準備，「佢哋一路食開你香港，家你班友突然間醒咗，自由行、雙非俾你打走咗，水貨佬俾你打走一截，想食埋你東北，又識咁醒目去抗議，以後利益唔可以食咁大啖，所以佢有啲唔舒服。」
http://hk.apple.nextmedia.com/news/art/20121109/18062015
三個「嫌疑犯」 同聲反擊港獨論
我係香港人fb群組陳梓進：想香港冇中國人
陳梓進否認搞港獨，並稱中央的指控只是為23條立法鋪路。黎樹雄攝
按 進「我係香港人，唔係中國人」群組的facebook專頁，出現最多的不是港英旗，而是屎尿屁。群組核心個個滿腹苦水，不滿雙非媽在醫院「打邊爐」、討厭 強國孩子在港鐵屙屎、最憎別人說他們是中國人；懷着恨意披上港英旗示眾，傷透阿爺的心。能技術性「激到」阿爺，他們沾沾自喜，同時卻聲言不是搞港獨，「不 過如果有其他人搞（港獨），我哋會樂觀其成，做花生友。」
「荼毒我哋下一代」
群 組發起人陳梓進，是港獨二號「嫌疑犯」，直言香港主權誰屬「冇乜所謂」，「只要呢個地方好，我理得佢主權喺北京、英國，定香港人獨立吖，總之你唔好損害香 港嘅利益。」網名「萬歲爺/男朋友」的成員補充，「如果有人搞港獨，我哋拍手㗎，因為我哋痛恨中國，因為佢干預我哋生活；好似國民教育咁，係荼毒我哋下一 代，言論自由同新聞自由又越來越少。」
他個人對中國的仇恨，一疋布咁長，「點解咁痛恨中國？世界上冇無緣無故嘅恨，你無啦啦喺未經我同意下，強加一個中國國籍喺我身上，我明明97年之前出世㗎嘛！東江水唔係恩賜嚟㗎，要真金白銀畀錢買㗎！」
他 重申群組不會推動港獨，「我哋至多係做花生友，我哋嘅目標係香港要冇晒中國人，唔會落嚟搶奶粉，唔會落嚟搶資源，唔會搶床位，政府首先照顧香港人嘅需要。 我唔明點解啲人唔食大陸奶粉，你咁愛國，點解唔食？你冇洗頭水、護髮素，關香港人咩事？搶到貴晒，家我連益力多都買唔到。」
雖然聲稱不 鼓吹港獨，但群組一直研究如何減少依賴內地，陳梓進說，「一旦截水截電可以點生存？如果佢唔畀嘢食你，唔畀水你，點樣處理？北京啲官員講，『沒有中國，沒 有香港』，咁中共未存在嗰陣，香港點生存㗎，係輕工業同紡織業呀！」故此，復興這兩個行業，是群組雄圖大計之一，「我哋可以令呢啲行業蓬勃番，紡織業可以 做高檔嘅品牌，接定單，可以養到班人，達至全民就業。」全民就業如何有助本港自治？「因為好多人冇嘢做，失業就會賣港、賣國，會損害香港利益，啲人喺內地 好多生意㗎嘛，就會用啲情報嚟交換利益。」
http://hk.apple.nextmedia.com/news/art/20121109/18062017
三個「嫌疑犯」 同聲反擊港獨論
本土主義者陳景輝：阿爺扣頂帽落嚟
陳景輝認為回歸後經歷多場社會運動，港人開始建立本土意議。黃永俊攝
如 果陳景輝也是港獨「嫌疑犯」，他的自辯不是「我冇做過！」而是「沒有死人又何來謀殺？」社會運動人士陳景輝，曾經參與本土行動，對於搞港獨的指控感可笑， 「有冇人搞港獨根本係一個偽命題，根本不存在，只係一場示威上有人提出，唔係一個組織嘅正式訴求；香港人都唔知幾乖，係阿爺扣頂帽落嚟。」
「你 覺唔覺得家啲討論好消耗熱情？」訪問開始，陳景輝如是問記者，對於老左的指控，他反而不太在意，「啲討論好似倒退返去回歸時期，香港人淨係要求馬照跑、 舞照跳咁。」在他眼中，香港社會在回歸後不斷成長，港人身份逐漸成形，現在應討論的，不單是如何保持生活方式不變，更重要是如何構建港人身份，「香港人經 歷咗一連串嘅群眾運動，例如反國教連續多日佔領政總，皇后、天星、反高鐵包圍立法會，對香港社會有重新思考，諗香港到底係啲咩嚟，一齊學習同進步緊。」
陳景輝認為，香港人過往不關心公共生活，與殖民地統治有極大關係，「殖民地政府令你覺得乜都唔關自己事，城巿精神就係享樂、金錢同消費，將香港塑造成一個只向錢看嘅城巿，令你冇咗公民身份認同，唔止對國旗冇認同，其實對港英旗都冇乜認同。」
要追認本地歷史
一直到回歸後，這個局面才出現突破，「唔係淨係『四仔』主義，唔再係一盤散沙，香港社會已經唔再係97年前嗰個香港大都會，係更豐富，香港人嘅面貌係越來越多樣。」他認為隨着這條軌迹，下一步工作，是追認本地歷史。
梁 振英上任後，陳景輝認為巿民因生活受影響而出現反彈，以舉龍獅旗、反雙非、反水貨客作表達；他解釋，自由行涉及公共衞生和秩序問題，應管制，「我哋當然要 捍衞我哋嘅城巿風格，但成個運動唔應該係反屎尿屁咁低層次。」建立港人身份，不應是依附殖民地歷史，「其實係冇反省過以前嗰個所謂好老竇有幾衰，我哋嘅身 份唔應該係嚟自一個仁慈嘅統治者、仁慈嘅施政，而係來自我哋香港保護自由嘅歷史。」
陳景輝認為，香港人優先認同自己是香港人，但絕少否認是中國人，批評港獨的議題無中生有，「到目前為止，都睇唔到有人要求港獨。」
沒有留言:
張貼留言