佔中九子案今裁決
戴耀廷：盼民主反敗為勝
經歷了逾五個月的審訊和等待，佔中九子案今日判決。九子或面對牢獄之災，要與家人、朋友分離、甚至犧牲事業、前途，他們卻沒有憤怒、沒有怨懼，而是平靜等待那一刻的來臨，戴耀廷選擇與家人至親安靜度過最後一個晚上。陳健民直言只會與家人「食餐飯，傾下偈，想private（私人）
啲」，盡快完成手上未完工作，因為連他自己也不肯定，放下之後，何時再可繼續，不過縱使如此，佔中九子表明會坦然面對今天判決，因為他們所做的一切即使犯法，但沒有犯罪，鐵窗可困住他們的身體，但困不住他們追求民主理想的心。
「我站在這裏，就是為了公民抗命。」這是香港大學法律系副教授戴耀廷最後一課的開場白，在法庭上首度陳情。自2013年1月16日發表〈公民抗命的最大殺傷力武器〉文章，首次提出愛與和平佔領中環，直至佔領第67日自首，這六年多以來，他一直履行承諾，實踐公民抗命，包括入獄負刑責。
戴耀廷預計要收監，由大學教授變成階下囚，沒惶恐也不羞愧，他說這是民主運動必然要走過的一段小路。判決前，他寄語年輕一代，不要失落、不要放棄，正如當日他舉起這苦杯，已痛定無悔飲下，「希望透過我哋承受嘅苦，帶來新希望」。
經過去年底18日聆訊，這幾個月來，戴耀廷生活如常，如常到教堂崇拜，繼續在報章撰文。大大小小的民主運動，他也不缺席，參與鳩嗚團1,500夜聚會，赴台出席雨傘運動論壇。判決前，他依然跟妻子上街遊行反對修訂《逃犯條例》，在民主路上與香港人並肩而行。在可預知的未來，能做的他都盡量去做。
「如果被判刑，我一啲都唔驚，一啲都冇羞愧。就算我被判監，都只係我一路參與推動民主運動其中一個歷程裏面要走過嘅路。」審訊前，戴耀廷已料到結果；等待判決，也做好心理準備，「我會用正面角度睇，就係畀自己有一個安靜退修嘅時間。暫時我估計唔會好似旺角事件判刑咁長，應該仲可以應付到」。
跟陳健民和朱耀明一樣，戴耀廷被控告三項罪名，包括「串謀作出公眾妨擾」、「煽惑他人作出公眾妨擾」及「煽惑他人煽惑公眾妨擾」。他在審訊前接受訪問說，預計要收監，最壞情況是每項控罪的判刑分期執行，假使各項判囚1.5年，合計也要監禁4.5年。他料會提出上訴，直至去到終審法院，「我覺得都仲有啲信心」。
除了刑責，教席也可能不保。佔中三子中，只有戴耀廷仍在職，「仲有六年先退休，盡量留得幾耐得幾耐」。今年1月起休假六個月，半年後可能已負刑責，「大學有紀律研訊，就算有刑責亦唔係辭退理由」；即使最終遭革走，就當作提早退休，「但你估邊個傷啲？」他說非為自保，因美國國會報告已指出，其政治受壓反映學術自由被侵蝕，「香港大學想唔想被睇為損害學術自由？」
現年54歲的戴耀廷，1991年開始任教港大法律學院。他的辦公樓層仍掛上當年法律系的畢業照片，站在前排的Benny Tai身穿啡色西裝，一臉青葱，在芸芸教職員中，是少數黃皮膚的香港人。那一年，立法局通過《香港人權法案條例》，將《公民權利和政治權利國際公約》中適用於香港的規定納入本港法律，過渡九七。
戴耀廷很少在港大校園其他地方接受訪問，限於辦公室範圍。房內其中一個書架，三層都置滿與中國有關的書籍，放正中間是《劉曉波傳》，書前橫放一張區域法院公眾人士座位籌號及法庭素描，當天是2017年9月19日，佔中九子提堂。另一層英文書架放有畫家Perry Dino的紀實畫，金鐘連儂牆前三子站台，四周舉起黃傘，記於雨傘運動一周年。
戴耀廷預計要收監，由大學教授變成階下囚，沒惶恐也不羞愧，他說這是民主運動必然要走過的一段小路。判決前，他寄語年輕一代，不要失落、不要放棄，正如當日他舉起這苦杯，已痛定無悔飲下，「希望透過我哋承受嘅苦，帶來新希望」。
經過去年底18日聆訊，這幾個月來，戴耀廷生活如常，如常到教堂崇拜，繼續在報章撰文。大大小小的民主運動，他也不缺席，參與鳩嗚團1,500夜聚會，赴台出席雨傘運動論壇。判決前，他依然跟妻子上街遊行反對修訂《逃犯條例》，在民主路上與香港人並肩而行。在可預知的未來，能做的他都盡量去做。
「如果被判刑，我一啲都唔驚，一啲都冇羞愧。就算我被判監，都只係我一路參與推動民主運動其中一個歷程裏面要走過嘅路。」審訊前，戴耀廷已料到結果；等待判決，也做好心理準備，「我會用正面角度睇，就係畀自己有一個安靜退修嘅時間。暫時我估計唔會好似旺角事件判刑咁長，應該仲可以應付到」。
跟陳健民和朱耀明一樣，戴耀廷被控告三項罪名，包括「串謀作出公眾妨擾」、「煽惑他人作出公眾妨擾」及「煽惑他人煽惑公眾妨擾」。他在審訊前接受訪問說，預計要收監，最壞情況是每項控罪的判刑分期執行，假使各項判囚1.5年，合計也要監禁4.5年。他料會提出上訴，直至去到終審法院，「我覺得都仲有啲信心」。
除了刑責，教席也可能不保。佔中三子中，只有戴耀廷仍在職，「仲有六年先退休，盡量留得幾耐得幾耐」。今年1月起休假六個月，半年後可能已負刑責，「大學有紀律研訊，就算有刑責亦唔係辭退理由」；即使最終遭革走，就當作提早退休，「但你估邊個傷啲？」他說非為自保，因美國國會報告已指出，其政治受壓反映學術自由被侵蝕，「香港大學想唔想被睇為損害學術自由？」
現年54歲的戴耀廷，1991年開始任教港大法律學院。他的辦公樓層仍掛上當年法律系的畢業照片，站在前排的Benny Tai身穿啡色西裝，一臉青葱，在芸芸教職員中，是少數黃皮膚的香港人。那一年，立法局通過《香港人權法案條例》，將《公民權利和政治權利國際公約》中適用於香港的規定納入本港法律，過渡九七。
戴耀廷很少在港大校園其他地方接受訪問，限於辦公室範圍。房內其中一個書架，三層都置滿與中國有關的書籍，放正中間是《劉曉波傳》，書前橫放一張區域法院公眾人士座位籌號及法庭素描，當天是2017年9月19日，佔中九子提堂。另一層英文書架放有畫家Perry Dino的紀實畫，金鐘連儂牆前三子站台，四周舉起黃傘，記於雨傘運動一周年。
「就算我被判監，都只係我一路參與推動民主運動其中一個歷程裏面要走過嘅路。」
「由2013年慢慢開始，已經唔覺得自己只係一個大學學者。」傘運結束後，戴耀廷把佔中目的和歷程，寫進港大的履歷，「學者、教師同社運人士三種身份，我係實踐緊將佢結連埋一齊」。辦公室近門口牆壁仍貼着佔中商討日五點守則，另一邊則掛上學術研究和教學獎，低調不起眼，但一直給他養份，「因為一個非暴力抗爭嘅社會運動，係要改變人心，其實已經係一個教育，我嘅班房已經遠超過港大嘅課堂」。
由籌備盛宴到舉杯飲勝，2014年9月28日凌晨1時38分，戴耀廷在政府總部外振臂高呼：「佔領中環，正式啟動。」上萬市民佔據金鐘一帶，87枚催淚彈也驅之不散，當時民心堅定令他激動得哽咽一句：「香港人好嘢。」四年半過去，他沒有忘記，「記得，我仍然覺得係（好嘢），香港人冇放低過民主普選」。
發起佔中，戴耀廷無悔，「雨傘（運動）必然會發生」；未能退場，卻是遺憾，「佔領時期最難過地方，就係冇辦法共同進退」。但他總是樂觀，傘運後推動雷動計劃，呼籲非建制派協調，配合選民策略性投票，目標在立法會選舉中取得半數議席；判刑前，他仍與公民聯合行動發起18區民主毅行，為今年底的區議會選舉吹起集結號，期望變天，儘管那時候他可能已身陷牢獄。
戴耀廷坦言，曾經有少許害怕，即使已作最壞打算，最難受始終要與家人分離，「其實可以正面啲去睇，任何人都避免唔到苦，每一個人都有啲苦要受」。這些年來，他一直學習安然面對苦難，讓自己不再害怕，甚至予以希望，「就如一位媽媽要生BB，佢好痛，但佢知道呢個痛楚會帶嚟生命，所以佢會用好積極嘅態度去面對苦」。
審訊前，戴耀廷在報章撰文，題為〈我在必不成功〉，「就算我出嚟見唔到乜嘢（改變）都唔緊要，反而提醒返自己，唔好成日諗住可以貢獻、改變到乜嘢，重點係面對苦難嘅心態，可能我最後帶來唔到新希望畀任何人，但起碼唔會令自己充滿苦毒」。他是虔誠基督徒，苦毒是《聖經》用語，心不生恨，「最後有冇人被啟發到，唔係我控制範圍，但希望做到」。
爭取民主普選，戴耀廷喜歡以球賽作比喻。「呢場波係打聯賽，輸咗一場，只要輸得唔係好多，我哋總有機會贏返轉頭」。判刑前，他寄語年輕一代，「今場唔打得（被DQ），睇吓下一場可唔可以入返嚟，總之唔好放棄」；也勉勵民主派人士，就算落後0比3，哨子聲未響起，總有機會反勝，「雖然好難，但過去都見唔少奇蹟，重點係我哋有冇放棄」。
誠如他在法庭上的最後一課，為這宗公民抗命案件如此作結，「我在這裏，是因我用了生命中很多的年月，直至此時此刻，去守護香港的法治，那亦是香港的高度自治不可或缺的部份。我永不會放棄，也必會繼續爭取香港的民主」。
■記者王家文
https://hk.news.appledaily.com/local/daily/article/20190409/20652239
陳健民：不容監獄摧毀我們
因佔中案提早退休的陳健民，在告別講座上與朱耀明相擁。
|
|
「我不斷鼓勵自己要講，就算係坐監，我都唔會俾呢個監獄摧毀我哋。」陳健民在佔中案開審前已經做好最壞打算，即使判監也要面對。曾經有外國機構建議他不要回港受審但他拒絕，「政府用呢啲方法（監禁）想摧毀運動，如果我哋冇俾佢摧毀到，我好希望鼓勵到身邊嘅人繼續落去」。
陳健民相信市民憑獨立意志走出來佔領，一直不服被控煽惑他人煽惑公眾妨擾。況且三子凌晨宣佈提早佔中後，人潮幾乎全部散去，「我哋係沮喪到不得了，你見到場裏面剩返都唔知有冇300人、500人，由幾萬人走到幾百人，你諗吓幾沮喪。咁多年我仲以為自己都幾smart，冇理由做咁錯決定，而且決定又唔係單獨我哋做。點解會錯得咁交關？」
他用「好悲慘」形容當時情景，「叫啲人過去嗰個位（留守）、過去呢個位，其實係咁多人，去得嗰度呢度就冇人，根本你係冇晒米去煮餸，所以佢（鍾耀華）話好多人嚟緊金鐘，我覺得『夜行人吹哨子』，自己喺度為自己打氣」。
他用「好悲慘」形容當時情景，「叫啲人過去嗰個位（留守）、過去呢個位，其實係咁多人，去得嗰度呢度就冇人，根本你係冇晒米去煮餸，所以佢（鍾耀華）話好多人嚟緊金鐘，我覺得『夜行人吹哨子』，自己喺度為自己打氣」。
「究竟會唔會走返去前面？呢啲唔輪到你自己決定，有時要睇時勢、係咪有咁嘅政治機會。」
當控方在法庭播放市民突破警方防線，佔領夏愨道片段，陳健民還是第一次看畢整個過程，他指衝出馬路的臉孔都是普通市民，佔中三子的角色是inspire（啟發），而不是incite（煽動），「我對煽動罪零舍反感，佢係假設緊人冇獨立思維，資訊係封閉。今日你講緊佔中嘅野，反佔中仲多渠道喺社會流通緊，主流媒體呀等等。嗰啲人唔係得一個資訊，點樣俾你洗腦？」
教陳健民最印象深刻的是審訊完結那天，一名在親建制傳媒機構工作的記者等所有人離開後走近與他握手，「我好明白佢眼神意思，每個人盡咗佢嘅力量，盡量去報道真相，但可能個編輯唔知點樣去改佢」。審訊期間佔中九子同坐被告欄，中午一起吃陳健民太太準備的便當。環顧眾人，白髮漸生的陳健民特別感慨。傘運過了四年多，年輕人的改變比他更大，鍾耀華滿面滄桑，岑敖暉身體消瘦，還有很深的眼袋，「雨傘對新一代影響好深、挫折好深，你睇見鍾耀華外表變化已經知道。我仲啱啱講我哋三子有變化，我覺得都唔及年輕人嗰種變化」。
陳健民受訪時未為自身處境憂愁，反而擔心同案被告戴耀廷和邵家臻的大學教席，「唉，後面呀戴耀廷要面對嘅嘢……我就輕身上路，我好輕鬆，我早走八個月（退休）其實冇乜嘢，戴耀廷仲年輕。阿戴之後，我諗邵家臻比較受壓力，好似想郁佢（教席），唔係立法會議員之後點呢？」
佔領結束後很多人面對審訊，陳健民說，只是今次輪到佔中九子，情況好比單車比賽遇上逆風，大家輪流上前頂着，「其實都係頂住風，我哋唔好跌低咪OK囉，其他人唞一唞，思考吓點走落去」。他未來在社運的位置或稍為後退，「究竟會唔會走返去前面？呢啲唔輪到你自己決定，有時要睇時勢、係咪有咁嘅政治機會。從我自己個人同屋企角度出發，我就希望唔離開呢個運動，但係企後少少，更多年輕力壯可以走前少少」。
■記者潘柏林
https://hk.news.appledaily.com/local/daily/article/20190409/20652241
朱耀明：無悔走到光榮終點
朱耀明自言是悲觀的樂觀者，縱然社會氣氛低沉，但他認為尚未絕望。
|
|
上年9月，因為腹痛難止，朱牧進了兩次醫院。朱牧解釋，「好多年前駁過條大腸，可能係手術後遺症，不過從冇呢次痛得咁厲害，做咗好多檢查，因為可能坐監，確定有咩問題可以先處理咗佢……𠵱家仍要睇痛症科，係大腸蠕動痛定係肌肉痛，呢啲都要再檢查確定」，等候上庭的日子調理好身體是當務之急。可幸住在教會宿舍的朱牧向來作息定時，雖每天仍得處理公務，但傍晚游泳45分鐘卻是風雨不改的多年習慣，還有的是爭取晚飯前和孫仔孫女玩。
這樣的天倫之樂彌足珍貴，「都有心理準備會坐監，梗係唔捨得，惟有呢段時間見多啲囉」，朱牧苦笑。傘運一役，「佔中三子」及六名學生和政治領袖被控煽惑公眾妨擾等罪，經18天審訊，法官今日裁決。朱牧形容，走上法庭是另一個重要戰場：「喺法庭嘅最後陳辭，鋪陳抗命原因，都係公民抗命嘅一部份。」佔中三子，由陳健民到戴耀廷，最後陳詞同樣觸動人心，朱牧笑謂文筆沒兩人好，盡力而為，希望走好抗命的最後一段路。
這樣的天倫之樂彌足珍貴，「都有心理準備會坐監，梗係唔捨得，惟有呢段時間見多啲囉」，朱牧苦笑。傘運一役，「佔中三子」及六名學生和政治領袖被控煽惑公眾妨擾等罪，經18天審訊，法官今日裁決。朱牧形容，走上法庭是另一個重要戰場：「喺法庭嘅最後陳辭，鋪陳抗命原因，都係公民抗命嘅一部份。」佔中三子，由陳健民到戴耀廷，最後陳詞同樣觸動人心，朱牧笑謂文筆沒兩人好，盡力而為，希望走好抗命的最後一段路。
「有人話（雨傘運動）冇實際結果，但成個香港社會運動係轉變緊，愛與和平、非暴力抗爭呢種信念，基本上已深植人心。」
「由開始走向公民抗命，呢條路就係咁走，當初選擇喺禮拜堂、喺十字架之下宣佈，就係想表達以自我犧牲方式，希望有人願意透過失去自由爭取公義，激發香港人走出無奈、走出無力感」。只可惜，舉起黃傘，遍地開花，門還是被重重關上。「就如陳健民所說：對話之路已走盡，30幾年來我都相信循序漸進，但進了甚麼？只看到退，套用蔡子強說話，由有頭髮等到冇頭髮」。本港多場重要民主運動從不缺席，朱牧直言可做的已做，沒有後悔。
「公民抗命走到坐監，係最後嘅終點，亦係光榮嘅終點，講自我犧牲、講愛與和平，走這條路係必然」。這兩年，因公民抗命坐監的人很多，痛惜年輕人的朱牧自言是悲觀的樂觀者，縱然社會氣氛低沉，但他認為尚未絕望。「目前嘅環境係舉步維艱，但唔好認命，有人話（雨傘運動）冇實際結果，但成個香港社會運動係轉變緊，愛與和平、非暴力抗爭呢種信念，基本上已深植人心，係好艱難，但放棄就更冇希望。」
他說：「掌權嘅人想盡辦法剝奪你嘅自由和人權，易於統治，每一代為佢嘅權利和自由去爭取，最高法院法官都講，自由係永恒嘅警惕，好多時喺疏懶時就會被奪取咗，每個年代都有年代嘅問題，就要喺嗰個年代負起應有嘅責任，我哋呢代就係走進監獄。」
■記者呂麗嬋
https://hk.news.appledaily.com/local/daily/article/20190409/20652132
陳淑莊：生於亂世敢於抗爭
許頌明攝
【佔中九子案】
今天今天星閃閃，今天面對佔中判決的公民黨陳淑莊未必能看見。佔中九子中唯一女被告，審訊期間陳淑莊謝絕訪問，怕的是太多離愁別緒，只在判決前夕在個人facebook寫下暫別感言：「生於亂世、敢於抗爭。」因為傘運扛上兩項罪名，陳感激傘運同路人的支持，無論裁決如何，坦然面對，叮囑愛她的人毋須擔心，最希望沒有人再因公民抗命而坐於犯人欄。就算天塌下來，日子還是要過，據知Tanya已經打點「獄後事」，不在母親身邊的日子，委託朋友照顧心頭最放不下的人。
風浪前夕，通常平靜，這陣子所見的陳淑莊，依然笑容滿面——當然，我們看到的是表面。誰自願獨立於天地，痛了也讓人看？據知她怕影響大家情緒，盡量避談「結局篇」，例如上周四公民黨黨慶，上台獻唱《夢伴》與大家話別後，趕緊在領導層全場祝酒前離開，以免喜慶日子徒添傷悲。公民黨黨魁楊岳橋致辭時不忘指，包括公民黨在內的民主派即將面對極大風浪，希望明年黨慶繼續齊齊整整，掌聲中的揪心感油然而生。
陳淑莊的朋友紛說未見她有異樣，風中那笑聲，也許淌淚？單親家庭長大的她，最惦念的自然是年過70歲的陳媽媽，早前已陪同母親外遊，盡量爭取更多相處日子。女兒也許有一段時間無法在身旁，據知陳媽媽過去一段日子生活照舊如惜，茶照飲、街照去，無論是刻意以平常心為女兒減壓，抑或尚未感受事件的嚴重性，母親始終是Tanya最放不下的人，因此陳已委託朋友在稍後日子代為照顧陳媽媽。
今天今天星閃閃，今天面對佔中判決的公民黨陳淑莊未必能看見。佔中九子中唯一女被告，審訊期間陳淑莊謝絕訪問，怕的是太多離愁別緒，只在判決前夕在個人facebook寫下暫別感言：「生於亂世、敢於抗爭。」因為傘運扛上兩項罪名，陳感激傘運同路人的支持，無論裁決如何，坦然面對，叮囑愛她的人毋須擔心，最希望沒有人再因公民抗命而坐於犯人欄。就算天塌下來，日子還是要過，據知Tanya已經打點「獄後事」，不在母親身邊的日子，委託朋友照顧心頭最放不下的人。
風浪前夕，通常平靜，這陣子所見的陳淑莊，依然笑容滿面——當然，我們看到的是表面。誰自願獨立於天地，痛了也讓人看？據知她怕影響大家情緒，盡量避談「結局篇」，例如上周四公民黨黨慶，上台獻唱《夢伴》與大家話別後，趕緊在領導層全場祝酒前離開，以免喜慶日子徒添傷悲。公民黨黨魁楊岳橋致辭時不忘指，包括公民黨在內的民主派即將面對極大風浪，希望明年黨慶繼續齊齊整整，掌聲中的揪心感油然而生。
陳淑莊的朋友紛說未見她有異樣，風中那笑聲，也許淌淚？單親家庭長大的她，最惦念的自然是年過70歲的陳媽媽，早前已陪同母親外遊，盡量爭取更多相處日子。女兒也許有一段時間無法在身旁，據知陳媽媽過去一段日子生活照舊如惜，茶照飲、街照去，無論是刻意以平常心為女兒減壓，抑或尚未感受事件的嚴重性，母親始終是Tanya最放不下的人，因此陳已委託朋友在稍後日子代為照顧陳媽媽。
我希望再唔會有人因為公民抗命坐喺犯人欄，再唔會有人因為爭取民主成為政治犯。
別看陳淑莊平日有點癲狂，她於fb跟友好道別時自揭，由細到大都怕行差踏錯：「讀書時唔遲到，亦冇犯過校規，出嚟做嘢之後連翻版碟都唔會買」，形容公民抗命對她來說是「好遙遠嘅事」，「更莫講話可能坐監」。人生上半場能按興趣於舞台劇及法律界發展，她形容是幸運，但也因沒對民主運動有貢獻而慚愧，直至2006年加入公民黨才開始覺醒，「發現香港越嚟越唔妥」。
做過雙料議員，亦試過雙失，陳淑莊稱此轉捩點令她反思，「究竟冇咗個議席仲可以點推動民主運動？」她指當時開始參與社運，及後戴耀廷提出公民抗命佔領中環感受極深，由18區毅行到剃頭明志，瞓身參與，形容大型的群眾運動需要推動旁觀者變成參與者，萬料不到是回歸21年後，爭取民主竟然越見困難，甚至要犧牲個人前途與人身自由。
做過雙料議員，亦試過雙失，陳淑莊稱此轉捩點令她反思，「究竟冇咗個議席仲可以點推動民主運動？」她指當時開始參與社運，及後戴耀廷提出公民抗命佔領中環感受極深，由18區毅行到剃頭明志，瞓身參與，形容大型的群眾運動需要推動旁觀者變成參與者，萬料不到是回歸21年後，爭取民主竟然越見困難，甚至要犧牲個人前途與人身自由。
佔中其間任大台司儀，陳淑莊最終被控「煽惑他人作出公眾妨擾」及「煽惑他人煽惑公眾妨擾」，縱然會由大律師變階下囚，陳淑莊感謝所有參與傘運的人，「令我知道今日當權者俾我嘅罪名，只係生於亂世敢於抗爭」，她也感激風雨不改到法庭聽審的朋友，「我人生初次坐在犯人欄，難免坐立不安，你哋嘅關心陪伴我挺過呢段艱難時刻」。
據知陳早已選定輕便服飾，以便還柙時輕裝上路；做好入獄準備的她稱，今天會於犯人欄靜候裁決：「無論會否定罪，我衷心希望，再唔會有人因為公民抗命而坐喺犯人欄內，再唔會有香港人因為爭取民主而成為政治犯」，最後留低「雨傘運動，不屈不撓，公民抗命，無畏無懼」16字作結。這就是陳淑莊，為了痛惜她的人，一直硬朗。
■記者許偉賢
https://hk.news.appledaily.com/local/daily/article/20190409/20652135
李永達：無獨裁者可千秋萬世
佔中九子之中，民主黨前立法會議員李永達相信是抗爭「年齡」最老的其中一員，由1985年投身民主運動，作為「老鴿」從來未離開過民主抗爭路，對於可能被判入獄，他早有心理準備，「抗爭有時會有呢啲嘢」，也對於自己可以在香港民主歷史中承擔責任感到光榮。
判決前最後一天，李永達仍忙於整理他的回憶錄「送書」名單，未能趕及處理的，就要拜託好友在他入獄後幫忙，到晚上一眾民主黨友，包括與他並肩作戰多年的好友單仲偕、何俊仁等已預備好「送他一程」，安排現任、前任立法會議員聚首吃晚飯。
回到1987年的時空，英國外相賀維訪港，當年剛投身民主運動不久的李永達，於宴會上向賀維抗爭，拉橫額指罵對方：「Bullshit. Shame on You！」其後憤而離場。
判決前最後一天，李永達仍忙於整理他的回憶錄「送書」名單，未能趕及處理的，就要拜託好友在他入獄後幫忙，到晚上一眾民主黨友，包括與他並肩作戰多年的好友單仲偕、何俊仁等已預備好「送他一程」，安排現任、前任立法會議員聚首吃晚飯。
回到1987年的時空，英國外相賀維訪港，當年剛投身民主運動不久的李永達，於宴會上向賀維抗爭，拉橫額指罵對方：「Bullshit. Shame on You！」其後憤而離場。
喺歷史上承擔咗呢個責任係好光榮嘅工作，因為歷史唔係你想發生就會發生。
卅多年來他的抗爭心態未改，早在佔中爆發前已與數十名民主黨黨友簽署「決志書」，對因參與公民抗命要入獄早有心理準備，李接受《蘋果》訪問時坦言：「既然我係喺歷史上承擔咗呢個責任，我覺得係一個好光榮嘅工作，因為有時歷史啲嘢，唔係你想發生就會發生。」
李永達直言無悔參與傘運，但他令感受強烈的是黃浩銘、鍾耀華及張秀賢三名年輕人在同案中被告，直言與自己30多年前投身民主運動時相比，殖民地政府對年輕人的打壓，不及近年特區政府透過監禁、DQ參選資格般嚴厲，「呢個（打壓）對成個香港民主派裏面嘅年輕精英，係有啲打擊」，他認為年輕人未來抗爭時做法必須更有策略性，「否則香港將會長時間都冇年輕人嘅議會，去做巿民希望佢哋做嘅嘢」。
李永達直言無悔參與傘運，但他令感受強烈的是黃浩銘、鍾耀華及張秀賢三名年輕人在同案中被告，直言與自己30多年前投身民主運動時相比，殖民地政府對年輕人的打壓，不及近年特區政府透過監禁、DQ參選資格般嚴厲，「呢個（打壓）對成個香港民主派裏面嘅年輕精英，係有啲打擊」，他認為年輕人未來抗爭時做法必須更有策略性，「否則香港將會長時間都冇年輕人嘅議會，去做巿民希望佢哋做嘅嘢」。
佔中案也未有「打沉」李永達，他堅持要如常生活，不受審訊影響，包括去年夏季到南美洲旅行，早前亦與妻子到克羅地亞及波斯尼亞遊玩，「令政府想用（審訊）呢樣嘢，去囚禁我哋心靈、思想同行為嘅效果，減到最低」。李指今次若不幸入獄，最擔心不是自己難以適應，而是香港人從此被政府嚇怕，「我一個人有乜咁重要？最重要係幾百萬香港巿民要繼續爭取民主，對唔公義嘅嘢要抗爭，如果囚禁咗我哋九個，就令到大家唔敢再出聲、唔敢再抗爭，呢個就達到佢哋（打壓）最大嘅效果」。
對民主運動處低潮，李稱從未對港人失望，「從梁振英年代到林鄭月娥呢六年，我睇到成個政治生態改晒，向當權者尋求憐憫呢條路途差唔多係唔得，唯一可以做嘅就係要自強、要團結」。經歷30多年民主運動的他坦言，運動有高、低潮，始終堅信違反人權的政治制度不能持續，「我睇唔到專權獨裁者可以千秋萬世」。希望可讓公眾明白抗爭要堅韌精神，「唔係立即會成功，可能雨傘（發生）一次、兩次、五次、十次得一次成功，但唔知幾時，只要有去參與就夠」。
■記者林俊謙
https://hk.news.appledaily.com/local/daily/article/20190409/20652137
邵家臻：喊完仲有好多嘢做
佔中案判決前一日，邵家臻如常到立法會開會，由當日佔中十死士到今天佔中九子，邵家臻最想告訴戴耀廷、陳健民及朱牧，他終於完成三子付託的任務，「由死士到成為拉住三子褲頭嘅人，同案同囚，呢個係我一個好大的榮譽」，面對即將入獄，邵家臻最放不下的除了家人，還有答應為他們在議會發聲的弱勢社群，只能由「最佳拍檔」、工黨張超雄為他繼續完成，「我同佢喺議會可能只係行一個好短時間，但喺議會外我哋會繼續行」。
由死士到成為拉住三子褲頭嘅人，同案同囚係一個好大嘅榮譽。
「冇雨傘運動，就冇臻議員……成也雨傘，敗也雨傘。我入嚟因為雨傘，如果要行出去，亦都因為雨傘」。2016年在社福界當選的邵家臻早前接受《蘋果》訪問，對自由參與傘運到面對監禁，似乎一切是那麼理所當然，因為當日他的選民及支持者，就是要這位「雨傘人」進入立法會。
他在判決前一日仍到立法會開會，面對大批傳媒追訪判決前感受，邵希望可以告訴佔中三子，已完成三子付託的任務，「行得晒成件事，係我的幸運，我見到餘下的九個死士，都有好多唔同嘅難題、唔同嘅限制，行唔到落去，我能夠行到聽日判決，由死士到成為拉住三子褲頭嘅人，同案同囚，呢個係我一個好大嘅榮譽」。至於對他的支持者，邵家臻希望他們即使因為他的判決而哭泣，「但係喊唔好喊咁耐，喊完，仲有好多嘢要做，包括逃犯條例，我哋仲有好多嘢要做」。
除了戰友，還有要為他們發聲的弱勢社群。邵家臻早於本月4日已和他的「最佳拍檔」張超雄開會交接工作，他早前已盡力跟進不同議題，「我同啲團體講咗，有啲乜嘢你覺得可能喺1月、2月呢段時間（舉辦/推動），我仲可以做嘅，我就盡量幫你做」，對於張超雄可接手未完工作，他是由衷感謝，「我唯一同超雄要講嘅就係唔好意思，我同佢喺議會可能只係行一個好短時間，但喺議會外，我哋都會繼續行」。
問到判決前的最後一晚如何度過時，邵家臻說昨晚仍要根據懲教所規定，找尋該指定電池供指定形號電鬚刨用，之後會在家中與女朋友食晚飯，至於與他感情深厚的母親，「我聽日叫咗佢唔好嚟（法庭），所以佢應該唔會嚟法庭，一來人太多，我驚撞到佢，二來我驚佢好難過，我見到佢個樣，我都好難過，因為聽日可能要應府好多嘢，所以我同佢講，如果其間我通知到佢，我會打畀佢，我通知唔到佢，我女朋友打畀佢，我就請佢開住電視、開住電話，保持聯絡咁就得」。
即使因為爭取民主承受苦難，邵家臻對香港的未來仍有希望：「我覺得𠵱家係一個政治低氣壓嘅時候，我希望香港人唔好將黑暗視為習慣，亦都唔好為黑暗辯解，更加唔好為一班爭取光明嘅人，反而換來佢哋嘅冷笑。我希望大家喺呢段時間，都能夠守住香港。」
■記者林俊謙
https://hk.news.appledaily.com/local/daily/article/20190409/20652160
張秀賢：時間留給自己沉澱
【佔中九子案】
「黑夜雖長，但總會迎來白晝」，佔中案審結當日，張秀賢與其餘八名被告在庭外會見傳媒時，說了這一句話。五年前雨傘運動期間，張秀賢為中大學生會會長，亦是學聯常委，畢業後，他轉向了政治及社會運動以外的生活，展開網購代理生意。在社運前線退下來後，張秀賢希望把更多時間留給自己沉澱及裝備，「好老土，但呢段時間覺得過好每一日真係好緊要」。
「黑夜雖長，但總會迎來白晝」，佔中案審結當日，張秀賢與其餘八名被告在庭外會見傳媒時，說了這一句話。五年前雨傘運動期間，張秀賢為中大學生會會長，亦是學聯常委，畢業後，他轉向了政治及社會運動以外的生活，展開網購代理生意。在社運前線退下來後，張秀賢希望把更多時間留給自己沉澱及裝備，「好老土，但呢段時間覺得過好每一日真係好緊要」。
你覺得做緊啱嘅事點解要跪低？最壞結局都係入去坐監，呢啲係磨練嚟。
佔中案18天的審訊，控方在庭上播放大量當時佔領運動的片段，迫使張秀賢不得不重新面對這段曾經有意逃避的記憶，「呢幾年嚟都唔係好敢掂關於傘運嘅嘢，或者唔係好想觸碰，因為呢個係一個傷口」。張秀賢說，每年的9月28日，他都有點刻意逃避的心態，「我記得傘後第一年我係特登避開個集會，之後幾年有去過，但都唔係好頂得順，可能留10分鐘就走，我唔係好知道喺度紀念緊啲乜」。
傘運過後，伴隨而來是很多參與者有了「運動創傷」，張秀賢亦然，「一場咁大型嘅社會運動之後，換取唔到任何嘢，最開始嗰陣係最浪漫嘅日子，大家冇分歧，去到後尾出現分歧，再到埋後來幾年由公共差異轉變成為嘅仇恨，之後本土派嘅出現某程度就係當年拆大台嘅轉化」。
傘運過後，伴隨而來是很多參與者有了「運動創傷」，張秀賢亦然，「一場咁大型嘅社會運動之後，換取唔到任何嘢，最開始嗰陣係最浪漫嘅日子，大家冇分歧，去到後尾出現分歧，再到埋後來幾年由公共差異轉變成為嘅仇恨，之後本土派嘅出現某程度就係當年拆大台嘅轉化」。
運動結束後，張秀賢繼續他的學業，大學最後一年被檢控「煽惑他人作出公眾妨擾」、「煽惑他人煽惑公眾妨擾」兩條罪名，「埋單」的日子到來，反而令他感到解脫，「其實一早預咗佢會告，我覺得佢一定會拉中我，只係睇幾時，檢控咗都好過頭上面永遠有把刀，唔知幾時劈落嚟」。被官司纏繞，生活無法如常，「但冇得跪低㗎嘛，你覺得自己做緊啱嘅事點解要跪低？最壞結局都係入去坐監，最壞都係咁咋嘛，呢啲係磨練嚟」。
因為自知無法如常地生活，無法尋找朝九晚五的工作，故畢業後便思考往後要走的道路，「其實搞運動嗰刻已經知會返唔到正常工，要諗有乜方法唔餓死」。現時，張秀賢主要做網購代理的生意，代理台灣農產品，「因為識一啲喺台灣搞農村運動嘅朋友，佢哋會出產農產品，又覺得有意義，所以就同佢哋傾合作」。
曾經站在大型社會運動的前線，現時他想轉變一下自己的角色，「其實企前台嘅人係咪你並唔重要，𠵱家係想幫到啲想做嘢嘅人，同埋自己顧好自己，我覺得呢樣更加緊要」。
審訊過後，張秀賢表示坦然面對將會到來的刑責，「最壞都係坐監，都仲捱得住嘅」，在這之後，他希望能夠再好好裝備自己，「我發覺自己好多嘢都見識唔夠深同廣，想讀多啲書，有機會讀master、再出去外國見識，認識唔同地方同埋界別嘅人」，令人疲累的審訊暫告一段落，但對於判決，卻仍未知會令這宗官司糾纏多久，「如果判得輕，政府會上訴，如果判得太重，就到我哋上訴，可能要搞幾年，心情都冇乜太大起伏」。
笑言已準備好「入獄書單」，以度過在監獄難捱的日子，「都會想睇啲傳記先，好似甘地、馬丁路德金嗰啲，同埋台灣黨外運動嘅歷史，我諗頭兩個月睇呢類書會有助心靈穩定，因為自己好似經歷緊啲前人都經歷過嘅事，盡量令自己覺得有價值，有啲嘢改變唔到時，咪做個西西弗斯囉」。
裁決前一天，他再接受本報電話訪問，稱自己心情仍然坦然，希望把握時間完成手上的工作。
■記者李雨夢
https://hk.news.appledaily.com/local/daily/article/20190409/20652162
黃浩銘：傘運乃港人第一課
可能因佔中案要第三度入獄的社民連副主席黃浩銘接受《蘋果》訪問時表示，已為再次入獄做好心理準備，坦言唯一擔心是最近曾入院做手術的父親。至於他原打算今年11月舉行的婚禮，因佔中案聆訊押後，最快要2020年才成事。雖然因佔中案或再失去人身自由，黃浩銘說：「一啲都唔後悔。」他只希望香港人毋忘雨傘運動的初衷。
我希望可以畀佢哋（家人）知道，即使我軀體唔係同佢哋一齊，但個心都同佢哋一齊。
黃浩銘判決前一天仍如常工作，早上出席完電台節目後再到灣仔警察總部聲援黨友古思堯，判決前的準備就是要處理一切交接工作，以免麻煩黨友及家人，之後又要回家收拾，「仲未得閒寫陳情書」。面對再次入獄，黃浩銘自言心情平靜，「點解我話（心情）安穩，因為我知我哋去路係邊，就係監獄，咁有乜好緊張」，他相信今次是抗爭路上遇過刑罰最重的案件，但同樣亦最受關注，希望審訊帶出訊息，「（市民）繼續echo（回響）直接行動」，當前最重要是共同對抗《逃犯條例》修訂。
他早前接受《蘋果》訪問時，也談及自己很清楚公民抗命這條路如何去走，也做好心理準備，更曾為家人、未婚妻和其他佔中案被告進行「心理輔導」，「你話佢哋（佔中案被告）完全冇懼怕，我諗呢個唔係事實，因為始終係未經歷過，但我覺得佢哋都好勇敢地去面對，佢哋亦有充份心理準備，我亦都好開心，可以同到佢哋一齊」，他擔心是最近曾入院做手術的父親，「但都冇辦法」，只能叫家人不用擔心已有兩次坐監經驗的自己，並在入獄前安排更多時間陪伴家人，「我都希望喺呢段時間，可以畀佢哋知道，即使我軀體唔係同佢哋喺埋一齊，但我個心都同佢哋一齊」，最希望是家人不會因自己入獄而有麻煩。
除了家人，未婚妻也是黃浩銘最掛念的人，兩人原打算今年11月24日共偕連理，卻遇上佔中案聆訊和九龍西補選一再押後，「人哋結完婚後就去度蜜月，我就唔想結完婚去坐監，我諗我另一半都唔係好想」，相信最快2020年才能成家立室，未婚妻也對他的處境十分體諒，「夫復何求呢？我冇乜嘢包袱，（判決）即管嚟啦！」
回望傘運，黃浩銘強調五年來「一啲都唔後悔」，稱明白不少港人因政府接連DQ和政治打壓，對香港前景感失望，但他認為港人應勇於從失敗中變得更強，「即使傘運受挫敗，爭取唔到普選，但唔好忘記，傘運只係揭開香港公民抗命運動史嘅第一頁，呢個唔係我哋嘅最終章，而係香港人嘅第一課，我希望香港人唔好忘記……我覺得我哋仍然有好長嘅路，可以繼續跑落去，所以唔好灰心」。
■記者林俊謙
https://hk.news.appledaily.com/local/daily/article/20190409/20652165
鍾耀華：不甘心作籠中鳥
|
|
傘運期間，鍾耀華的曝光率低於「雙學三子」，佔中案開審後亦非受注意人物。但他把最璀璨的青春貢獻在火紅的運動裏，臉上的稚嫩，早已換上滄桑。運動後開書店，為報章撰稿，甘於低調，卻不掩他的堅決，「無論結果係點，無論判幾多都好，佢（法庭）唔能夠審訊到我哋」。
佔中九子之一的鍾耀華於中文大學政治與行政學系畢業，2013年擔任中大學生會會長，2014年出任學聯常務秘書，被時代所選中，帶領了79日的民主運動，參與了與當時硬推政改的時任政務司司長林鄭月娥的世紀對話。
經歷雨傘運動的波瀾壯闊，他今天還只是25歲的年輕人，但他不再年輕，當日一臉幼稚的慘綠少年，今天已然鬍鬚滿臉，是成熟了，也滄桑了。連佔中發起人陳健民都在其外貌的轉變，看到雨傘對年輕人的影響和挫折。
時間似水，年華易逝。鍾耀華曾指不少白髮蒼蒼的長者或中年人為爭取真普選參與佔領，直斥政府浪費一代又一代港人的青春。這是否一種諷刺式的自我預言式？
佔中九子之一的鍾耀華於中文大學政治與行政學系畢業，2013年擔任中大學生會會長，2014年出任學聯常務秘書，被時代所選中，帶領了79日的民主運動，參與了與當時硬推政改的時任政務司司長林鄭月娥的世紀對話。
經歷雨傘運動的波瀾壯闊，他今天還只是25歲的年輕人，但他不再年輕，當日一臉幼稚的慘綠少年，今天已然鬍鬚滿臉，是成熟了，也滄桑了。連佔中發起人陳健民都在其外貌的轉變，看到雨傘對年輕人的影響和挫折。
時間似水，年華易逝。鍾耀華曾指不少白髮蒼蒼的長者或中年人為爭取真普選參與佔領，直斥政府浪費一代又一代港人的青春。這是否一種諷刺式的自我預言式？
無論結果係點，無論判幾多都好，佢唔能夠審訊到我哋。
九子之中，鍾耀華是低調的一個，當其他人在裁決前為自己「立言」，為歷史留證，他卻婉拒了《蘋果》的訪問邀約。傘運後，有人仍然活躍政壇，鍾耀華卻選擇開生活書社，在30呎小店中散播文化，又為報章撰稿，分享文字和思想，繼續他的低調人生，卻是這一位低調人，在「佔中案」開審首日向檢討官拋出「何罪之有？」這最有力的質問，敲打庭內人士的良心。
常有人說傘運耗盡港人社運能量，他在去年案件審結後說，「我始終唔相信，經歷過自由嘅我哋呢，喺我哋最心底入面、最幽微嘅地方呢，係會甘心做一隻籠中嘅鳥，我真係唔相信」，又認為很多人均有實踐和耕耘，只是未如九子般在鏡頭前發言，而真正的運動不是爭奪話語的比賽，而是實踐。
判決在即，鍾耀華早於去年就表明心迹，他說真正的審訊非在法庭，「無論結果係點，無論判幾多都好，佢唔能夠審訊到我哋」，而真正的審訊，是在歷史長河之中，在每個人的日常生活實踐之中，「如果你堅持你記得嗰種感覺，你繼續喺你生活入面，做你範圍以內做到嘅嘢，你就係判緊呢個運動冇罪」。
■記者曾偉龍
沒有留言:
張貼留言