旺角殺街在即 電訊銷售員憂「攬炒」
不少電訊公司銷售員在旺角行人專用區擺檔搵食。黎樹雄攝
【本報訊】油尖旺區議會日前通過研究取消旺角西洋菜南街行人專用區。這個實施了18年的「旺角特區」面臨殺街，有人歡喜有人愁。不少電訊公司銷售員在專區擺檔搵食，有銷售員形容「攬炒」；也有人認為沒影響，「以前都係擺上行人路，咪又係咁做生意」。
店東冀重返正軌
昨日周末的西洋菜南街依舊滿街表演，入夜後越來越多團體鬥歌，電訊銷售員就越難搵食。擺檔8年的銷售員張先生稱，殺街對生意雖有些微影響，但其實與現時分別不大，因近年大媽團壯大，根本做不了生意，「兩邊都圍住晒，啲客點行到埋嚟？」試過擺檔一天都沒生意。
「封咗條街，你估過癮咩？」張先生指對殺街決定感無可奈何，只好回復昔日在行人路擺檔，但涉阻街會被檢控，「到時人哋唔擺得（唱歌），自然我哋都唔擺得」。
另一銷售員朱先生認為殺街影響不大，「以前都係擺上行人路，咪又係咁做生意」。他不認同殺街，「但前提係唔好影響呢度生活嘅人」。
「已經唔係街頭表演，係街頭攞錢」。開眼鏡店的關先生稱，行人專用區已變質，尤其一眾大媽袒胸露乳，嚇怕一家大細，「基本上逢周六日，香港人嘅客都唔會嚟」。他期望旺角重返正軌，「希望本地客慢慢會行番出嚟」。
音樂人吳筱茵昨第三次到該處演唱。她認為專區已成香港特色，遊客慕名而來，雖有變質，但毋須殺街，可參考台灣等地的發牌制度，規管街頭表演者，並設時限和噪音監管。
■記者王家文
沒有留言:
張貼留言