梁振英昨在中午休庭時，由保鑣護送離開，其間遭熱血公民成員指罵。李家皓攝
【立會掟杯案】
【本 報訊】立法會議員黃毓民涉向特首梁振英掟玻璃杯案昨續審，梁歷時3日作供完畢。梁在庭堅稱聽到玻璃碎裂聲感震驚，驚得「freeze（凍結）」住，但黃直 指他口供失實，「睜着眼睛說瞎話」，更重提梁於15年前在華懋如心廣場案擔任證人時，高院法官直指梁不可信，在本案同樣施展「語言偽術」，梁大聲謂「不同 意」。
記者：勞東來 楊思雅
梁振英不諱言，當日在立法會會議廳內聽到玻璃碎裂聲後，保安員並無提議他離開現場，他堅持有人身安全 的風險，「但我唔會俾呢啲暴力行為影響我，放低立法會答問會工作」。他當時拾起玻璃碎片，是作觀察及報警用，「我當時係受到威嚇，但我唔會喺暴力面前退 縮！」他希望向社會展示立法會的暴力如何變本加厲，「唔係我呢屆先有議員掟嘢，之前有人姑息，我管唔到，但我不能姑息」。
輕笑兩聲：我內心感受威脅
但 黃指立法會閉路電視錄影顯示，梁在玻璃杯爆裂後3秒都無反應，梁笑問：「咩反應呢？」黃高聲說：「就係你話聽到玻璃爆裂聲，擔心受到襲擊，非常震驚，但畫 面見到……（黃此時聲線急降）你冇反應。」梁輕笑兩聲說：「我確實係非常震驚，用英文講係freeze咗，萬萬估計唔到立法會有人掟玻璃。」
黃續指梁根本沒震驚，梁則稱「定一定神」後，有望向前方。梁後來再稱：「我冇你講嘅反應，但我內心感到受威脅同震驚。」黃自語道：「鏡頭就睇唔到你內心嘅，你深不可測。」
黃 再指片段中立法會主席下令驅趕所有極不檢點議員，餘下的全是建制派，問梁能否指出會進行二次襲擊的掟杯人同黨。梁指：「任何想二次襲擊我嘅人，可以一兩秒 內喺外面衝入嚟，執起枱上任何物品掟向我。」黃反駁指被逐議員不可返回會議廳，而且「一兩秒點衝到你前面？咁嘅大話你都講得出？」梁答道：「如果佢哋可以 掟水杯，佢哋唔可以用常理去諗。」
梁堅稱進入會議廳時，左右均有議員向他示威。黃昨多番指片段中根本看不到梁左前方有議員抗議，問梁是否「睜着眼睛說瞎話」。裁判官聞言問是否「講大話」之意，黃思量片刻後指：「講大話唔足以形容，係擘大眼講大話。」梁否認。
重提如心廣場案 官曾指梁不可信
黃 又提及去年1月特首答問會上，梁國雄向梁掟「誠實豆沙包」，問梁「知唔知咩叫誠實豆沙包？」梁答「知道」，但記不得事件。黃質疑梁當日為何不拾起豆沙包， 梁指掟玻璃杯超越了政府底線，因此須報警，報警與否取決於掟何物品。黃遂問：「即係掟豆沙包唔超越底線？」又謂：「豆沙包就唔係普通襲擊，聽到玻璃碎裂聲 就係普通襲擊……即係以後都可以向你掟豆沙包？」梁稱無法回答，要視乎情況。
黃毓民在盤問尾聲呈上華懋如心廣場案的判詞，判詞指當時擔任證人的梁振英曾以諒解、協議，最後改用印象來形容政府同意華懋延長物業發展期，但接受盤問時解釋模糊不定，不可信納；又指梁稱與前規劃環境地政司梁寶榮有免補地價協議，卻沒相關通話記錄，自相矛盾。
黃指梁「最鍾意用呢啲語言偽術」，經常玩弄字眼，「2001年高等法院法官已發現呢位（梁）係不可信嘅證人」，梁嚴肅大聲說不同意。案件下周一續審，將傳召立法會保安員作供。
案件編號：ESCC2615/15
http://hk.apple.nextmedia.com/news/art/20160423/19583116
黃：盤咗3日 梁瀨晒屎
黃毓民風騷離庭，向支持者舉勝利手勢。
【本報訊】與被告黃毓民唇槍舌劍足足3日的梁振英，完成盤問後微笑步出法庭，相較進庭前的一臉不悅，心情明顯如釋重負。「有幸」無間盤問梁而惹來其他立會議員羨慕的黃則於散庭後沾沾自喜，風騷地指「盤咗梁振英3日（佢）瀨晒屎」，狀似他已獲判無罪。
批評多次玩弄語言偽術
梁提到掟玻璃杯超越了他底線，並主動提及情況與財爺曾俊華被掟蛋類似，超越了政府底線，所以「唔係梁振英嘅問題」，但他尚未講完，黃便截停「得喇得喇，曾俊華嗰部份唔關事，個問題好簡單，佢就扯到冇雷公咁遠」，裁判官遂介入「你（梁）答你自己喇」。
面 對黃連珠炮發式發問，梁不下數十次回應「問題重複」、「我答咗喇」等；而黃則反諷梁作答「好多層次」，多次玩弄「語言偽術」，兩人猶如在立法會會議廳般多 次重叠對話，互窒對方。就梁投訴問題重複，裁判官指「盤問嘅意思唔係遊花園咁不斷問，問一次就得」，黃反指「咁佢（梁）可能會有唔同答法、有破綻嘛」；裁 判官又提醒黃「（問題）唔使咁多形容」，但黃反稱梁的答案好多層次、諸多解釋，「6點都收唔到工，咁就真係『杰撻撻』喇」。裁判官不耐煩指：「咁你快。下 一條問題。」
■記者楊思雅
http://hk.apple.nextmedia.com/news/art/20160423/19583124
控方特事特辦 為梁特安排LCD
梁振英昨早一臉不悅到達法庭。
【本 報訊】玩足3日的黃毓民，其盤問內容除涉及案發經過外，更一度質問梁何不直接致電警務處一哥報警，「你好興㗎嘛！特事特辦！」大有欲翻梁舊賬意味。而昨日 的盤問中，梁不下一次指未能認出電視畫中人及動作等，控方遂「特事特辦」即安排警員找來兩部液晶顯示器（LCD），讓梁及裁判官可更清晰地觀看片段。
警冒雨趕買電線
就 梁拾起玻璃碎片交予保鑣並指示對方報警此舉，黃質問「點解你唔特事特辦直接打畀警務處長呀？咁咪搞掂囉」、「你好興㗎嘛！特事特辦！」裁判官聞言打斷「佢 興唔興係另一件事」，認為黃只需直接問他有否想過直接致電警務處長報警，梁否認。黃多次重複播放梁案發當日步入立會會議廳至他聲稱受襲後的片段，並多次要 求梁辨認畫面中示威議員身份及其動作，強調其中兩人幾乎每次均會叫「689落地獄」等口號，又指「有個冇乜頭髮嘅企係你面前」，質疑他「冇理由唔知」，梁 指看不到。
控方質疑播放予證人的電視機畫面較黃的手提電腦模糊，更指「我自己都睇唔到個光頭」，建議傳閱手提電腦內的片段，黃反指難實 行，「冇可能次次畀佢睇，又畀你睇」，又自言自語「呢個可能係錢嘅問題，立會第時畀多啲錢法庭喇」。控方在午休後已成功安排警員安裝兩部液晶顯示器，據知 顯示器由警方借出，警員更冒雨購置所需的轉換器及接駁電線。
■記者楊思雅、勞東來
沒有留言:
張貼留言