葉國謙認為，將本土論述提升至港獨層面是走向絕路。李家皓攝
【本 報訊】日趨熾熱的本土以至港獨論，成為特區政府管治炸彈，亦是今年9月立法會選舉焦點議題。剛接任行會成員的民建聯葉國謙認為，政府官員應該香港為重、香 港為先，直言即使內地政府，亦不希望香港事事以國家為先，不想扼殺香港原有的優越性，但明言若有人鼓吹將本土意識提升到港獨層面是「放緊屁」。他指該黨亦 有本土論述，但倡議的本土前提是不違反及牴觸國家利益。
記者：陳雪玲
京港官員大合奏，炮轟港獨思潮，但若純粹提出本土想法，新任 行會成員葉國謙認為問題不大，並指民建聯可以研究在選舉中加入本土論述：「我哋（民建聯）都有講，作為香港人嘅自豪應該要樹立，好簡單，講踢波，你捧國家 隊定香港隊？好清楚一定捧香港隊……本土係（有）需要，喺呢個地方梗係愛呢個地方，但唔能夠將佢變成對抗。」
不單政黨，他指特區政府亦可有本土思路，「包括官員在內都應該以香港為重……喺唔違反同牴觸國家利益時，一定係香港人為先，呢個係本土思想，唔可以樣樣都內地人行先」。
本身亦為港區人大代表的他更指，以他了解，內地沒要求香港事事以國家為先，「佢都希望你強化，唔係要扼殺香港嘅優越」；但梁班子處事卻予人凡事向北望？葉估計：「可能係引發於……比較明顯係足球問題。」特首梁振英及不少官員早前在中國與香港足球大戰中，拒表態撐香港隊。
葉國謙並強調：「本土唔需要變成極端本土主義嘅人嘅招牌，呢個係錯，一定要拎番嚟，就算泛民嘅溫和派都應該要有本土意識。」葉又重申應鼓勵對身為港人感自豪，但若有人推演至港獨，則是將香港趕上絕路。
初 入行會，葉說希望將市民意見向梁振英反映；至於行政立法關係差，他指涉及多個因素，「政府決策係咪得民心係最重要」，強調梁振英任內的房屋及社福政策應予 以肯定，問題是梁本身欠親和力，泛民更是「見佢後面憎佢前面」，導致惡性循環。但他也為梁辯解，指回歸19年，中央因應香港發展越趨強硬：「有人話只要幾 十萬人出來操一操你（中央）就腳軟，到今日大家都睇到唔會啦！梁振英喺執行同處理過程中，成為一個直接受衝擊嘅人。」
指唐梁互鬥入心入肺
問 到梁的作風連建制派都吃不消，自由黨主席鍾國斌更批梁班子將政治炸彈放在建制派手上引爆，葉認為上述言論反映建制內部份工商界不夠成熟，「呢屆（2012 年）行政長官選舉出現『唐水』、『梁粉』之爭，佢哋真係（鬥得）入心入肺」，時至今日仍有反彈。至於中央政策組首席顧問邵善波炮轟建制議員「搞搞震」，他 奉勸官員慎言：「你講呢番咁嘅說話係傷咗建制派，（建制）咁辛苦去頂、去撐政府，任何官員唔好口輕輕。」
http://hk.apple.nextmedia.com/news/art/20160405/19557694
「政改甩轆責任我孭晒」
去年立法會表決政改時，建制派拉隊離場，導致政改被否決。資料圖片
【本 報訊】2008年起擔任兩屆立法會建制派「班長」的葉國謙，負責協調建制議會事務，他指今屆議會的建制派較上屆團結，但與泛民關係陷入新低點。來屆不爭取 連任的他被問到，從政最痛是否政改甩轆，例如被指看輕自由黨與經民聯不咬弦嚴重程度？他指：「對我肯定痛啦，唔使講，呢個（甩轆）係我嘅責任……總之我孭 晒責任啦。」
去年立法會表決政改時，葉國謙應經民聯要求「等埋發叔」而呼籲建制派拉隊離場藉以拖延，但自由黨等未有響應，最終33個建制派議員未能投票，事後致歉。葉被問到此仗老貓燒鬚時承認有疏忽，但拒評是否低估政黨間的不和。
嘆議員言論尖酸刻薄
相 對上屆議會，葉認為建制派今屆更團結：「對上一屆淨係搵夠人返嚟都幾辛苦，有個叫李國寶，有個叫霍震霆，成日都見唔到。」但他指建制與泛民關係跌到冰點， 舉例指泛民今屆議會突襲工務、人事編制兩小組：「既然係玩呢樣，咪大家一齊玩，你玩會議常規我就同你玩會議常規！」今年65歲的他嘆過往縱然立場不同，建 制泛民均對事不對人，現在卻多針對議員本身，言論尖酸刻薄。
對於自己來屆棄選區議會（一）界別後，民建聯以一人一票選出北區區議員劉國勳而非其屬意的中西區陳學鋒接棒出戰，葉國謙說尊重黨內機制，但指黨內新界區議員人數較多，日後要檢討此選舉方式是否合適。
■記者陳雪玲
沒有留言:
張貼留言