主打創意產品的JC Shop去年逆市勁賺，引來各商場爭相合作。陳海威攝
【本報訊】一周一行近一周年，2月份內地訪港旅客較同期大跌26%，零售業嘆步入寒冬，但同時當年因自由行令租金飆升、被迫撤離的本地商戶，能重返鬧市，並進駐一線地舖；亦有商店盈利升三成，逆市擴充。他們說專注本地市場才長遠。
JC Shop錄盈利 擬增7店
老闆莊天頌
有商場近年側重自由行，令本地商戶絕迹場內。售賣創意產品的JC Shop因貴租曾一度被迫退至澳門，本地只餘兩間分店，「賺埋畀交租，條氣真係唔順」。
風水輪流轉，JC Shop近月盈利勁升三成，佳績引來各商場爭相合作，計劃大幅擴充7間分店，首間食肆位於銅鑼灣，面積達3,000呎，將於7月開幕。
JC Shop在尖沙嘴起家，一度進駐海港城，老闆莊天頌指當年並非交不起租，只是不甘將所賺全數放在租金上，「賺埋畀交租，條氣真係唔順」，遂決定遷至澳門， 兩年後再在觀塘apm開設分店；位於時代廣場的店舖，也因租金越加越多，舖面一再縮小，2012年索性搬到世貿中心。
當日被逼離尖沙嘴，他坦言心有不忿，今日奢侈品敗退，正是捲土重來時。去年暑假他見零售前景不佳，及時應變引入較經濟的數百元產品，成功在逆市錄得三成盈利增長。
「好多（本地商戶）係做到生意㗎！」莊天頌批評部份商場過於依賴自由行，才令本地商戶消失，「佢哋（商場）?家轉唔到身，一拉走自由行客，香港人又唔行，兩頭唔到岸」，表示商場需要反思經營模式，平衡本地客及遊客市場。
商場吸家庭及白領客
不過也並非所有商場均拜倒自由行客裙下，MegaBox總監文靜芝稱，商場一直未有大幅加租，主要針對本地家庭及白領客，生意額一直穩定上揚，就算外界形容近一年是零售業寒冬，「我哋都係有增長」。
■記者伍雅謙
http://hk.apple.nextmedia.com/news/art/20160402/19554828
傳統糖水舖回歸銅鑼灣
翠苑老闆何達明（左）指偏重自由行的經營方法並不健康。何頴賢攝
在 銅鑼灣立足多年的翠苑甜品專家，2013年因業主大幅加租一倍，被迫遷至灣仔，區內自此再難吃到一口中式傳統糖水。近日翠苑重返銅鑼灣，新店數周前在景隆 街開張，老闆何達明說自由行減少未有影響生意，雖然銅鑼灣遊客較多，但不會因此偏重自由行客源，「偏重佢你就死㗎喇，你係遊客好，唔係遊客好，照做」。
創業以來最多分店
芝麻糊（右）受本地客歡迎，遊客較喜歡合桃糊燉鮮奶。
翠 苑當年在波斯富街的分店，也有不少自由行光顧，客流不斷但仍無法支撐租金升幅，「加到成30萬租點頂呀，賣雲吞麵都執笠啦，賣糖水點得呀」。何未有抱怨： 「自由社會，啱咪做囉，唔化算咪唔做囉！」但他認為偏重自由行的經營方法並不健康，對方一旦不再來港便無法經營，「乜人入嚟都照做，做番自己咪得」。
自 遷離波斯富街後，原先舖位曾多次租出，但均無法持久。現時新店面積約500呎，租金由18萬減至11萬，何預計每日賣出800至1,000碗糖水已能持續 經營。有飲食業人士因自由行減少，看淡業界前景，他則認為只要保持出品水準及服務態度，無論遊客多寡，也能維持銷量。現時共有5間分店的翠苑，分店數量更 是創業以來最多。
■記者伍雅謙
http://hk.apple.nextmedia.com/news/art/20160402/19554848
彩豐行：等20年終減租
彩豐行稱等了多年，一線地區租金才大幅回落。陳海威攝
目前有15間分店的本地護膚品牌彩豐行，在旺區一直只能租用樓上舖。創辦人楊振源坦言，一直想在銅鑼灣及旺角等一線地區開舖，但租金年年上升，「唔加租已經好開心」，等了20年租金才大幅回落，他忍不住連說了兩次「等咗好多年」，正瞄準鬧市600呎地舖。
生意料增一成
彩豐行創辦人楊振源
有 化妝業龍頭因自由行減少，銷量大跌，主力本地市場的彩豐行卻能保持平穩，更預計今年營業額可增長一成。楊指，內地遊客只佔客源7%，雖然過去數月營業額也 錄得輕微下調，但與自由行無關，屬於正常浮動，主要原因是日韓匯率下跌，市民轉往當地消費，加上氣溫反覆，難以刺激轉季消費意欲有關。
過去受惠於自由行，有化妝零售店近年賺得盤滿缽滿，只靠本地客的彩豐行，無論在舖位、人才、合作夥伴上都難與之抗衡。楊說除租金被拉高，每有國際品牌進駐香港，均有員工被挖走，現時才有充裕人手及較高租金議價能力。
楊稱當年已預計內地旅遊簽證會逐步放寬，自由行人數只會逐漸下跌，「始終本地客先長遠，佢哋唔會走，好用一定會返嚟」，並指已有行家重新着眼於本地市場。
■記者伍雅謙
http://hk.apple.nextmedia.com/news/art/20160402/19554859
學者：社會重回多元發展
內地客減少、市道疲弱，銅鑼灣不少舖位無人問津。
內地旅客去年首次回落至4,500萬人次，本港零售業大喊進入嚴冬期，但有危就有機，多間因不敵高昂租金被踢走的商戶食肆因租金大幅回落，將重返銅鑼灣等地區。有學者指出，內地旅客減少，反令社會可重回多元發展。
「唔使成街都金舖」
研究自由行經濟的中大全球經濟及金融研究所常務所長莊太量指出，過去一年內地自由行旅客下跌，對零售業有一定打擊，但對本港整體經濟影響輕微，「零售業佔香港經濟份額唔多，而且香港主要做入口貨，只係賺中間好少嘅佣」。
莊 稱其他外國旅客人數仍有上升，即使內地旅客下跌，不會嚴重打擊本港消費氣氛，「十多年前每年訪港旅客只係一千多萬，去到一、兩年前高峯嘅四、五千萬，就算 跌番落嚟，都有三、四千萬，好過當年好多」。由於內地豪客減少，令奢侈品零售業風光不再，難再以天價租金搶舖，他認為反令社會得益，「銅鑼灣租金大跌，令 之前被趕走嘅食肆可以入番嚟做，係好事，社會可以多元化發展，唔使成街都係金舖」。
不過經濟學者關焯照卻不同意，認為內地自由行下跌不但打擊零售業，亦影響港人消費意欲，就算被趕走的商店重返旺區，亦未必能填補自由行旅客下跌的經濟損失，「前景不樂觀，會影響香港人消費意欲，寧願積穀防饑」。
■記者謝明明
沒有留言:
張貼留言