有錢有人氣 冇錢唱衰你 召妓指南網站 三招屈鳳姐

http://hk.apple.nextmedia.com/news/art/20130827/18396132 【本 報訊】尋歡如開飯，盡信網上正評隨時「中伏」。全港最大色情網站sex141.com近年屢出新招，美其名方便嫖客選擇人氣「囡囡」和交流「不爽」經驗， 但有鳳姐踢爆，所謂人氣榜，任何人只要付錢就可以上榜，而專門結集負面評語的「跌錢報告」區則由網站自己人「老作」，鳳姐要付錢才可刪除，網站的真正目的 是向鳳姐屈錢和逼她們向寫手提供「免費餐」。 專門協助性工作者的組織紫藤和青鳥，近年不約而同收到姐姐仔投訴，指sex141.com大出「花臣」壓榨「囡囡」。在觀塘當一樓一鳳的嘉嘉指，網站為了「屈錢」無所不用其極，她因被網站狙擊近4個月，收入大減，決定挺身揭露該網站的賤招。 嘉 嘉指，sex141.com過去一年新設「今日之星」欄目，名義上是紀錄客人送花給姐姐仔的數目，收花越多，人氣越高，但收款的不是花店而是該網站，送的 不是真花而是網頁上的玫瑰花icon，「每支花10蚊，每次最少送30支，有效得嗰24小時，點會真係有客買呀？咪又係自己買，個客每日畀得300蚊買花 畀你，不如直接包起你啦係咪？」 唔肯畀錢繼續中傷 跌錢報告區不時有寫手中傷姐姐仔。 打 開141網頁，有鳳姐收花超過140支，「即係未開工已經要攞千幾蚊出嚟，但真係有人信佢咁受歡迎，羊群心理走去幫襯㗎喎」。至於討論區內的「爆鐘卡」欄 目，運作模式與買花相似，「爆鐘卡」10元一張，每次至少買100張，「即係最少都要1,000蚊，啲人買開一次過1,000張，啲女仔為咗爭頭幾名，每 日使成5、600蚊。」 而令姐姐仔「最傷」的，是美其名讓客人分享負面經驗的「跌錢報告」區，「啲寫手或者客人約唔到啲女仔出街，寫你有性病，話你又老又醜，連你廣告條link都擺埋出嚟」。 鳳 姐要刪帖，每帖盛惠200元，若被「唱衰」的鳳姐本身非該網站廣告客戶，更要先付200元入會費、首月1300元廣告費，再付200元刪帖費，才能抹走一 則負評，「如果有辦法證實，我心服口服，但其實乜人都可以寫，唔會審查，話要捍衞言論自由，如果言論自由咁緊要，就應該連200蚊鏟post費都唔好收 啦，其實咪又係想榨乾啲女仔」。 若鳳姐不肯乖乖付錢，寫手會繼續追殺，「日日中傷你，一時話你石頭波，一時話你洗碗阿姐咁嘅樣，120磅 又寫到170磅，話你4個仔女、6個仔女，啲男人聯想到你生咁多個，都唔使嚟搵你啦，好多人為咗搵食咪向佢屈服囉，啲版主當食免費餐係佢份工嘅福利，同啲 女仔開房唔肯畀錢，大大聲講『我食女從來唔使錢』！」 正面報告每份500元 嘉嘉亦因拒絕客人約會，結果被抹黑，「我同佢飲茶又冇錢收嘅，點解我要去唧，不如早啲返工搵錢，佢同啲版主熟，我唔聽佢電話，咪叫人寫衰我囉，話我50歲，話我偷錢，有個仔20歲，寫我有性病，周街都係女，有女朋友同老婆嘅都唔會嚟幫襯啦」。 這 些負評令嘉嘉的生意大插水，「以前一日搵幾千蚊，日日有客排隊，有啲客排兩個鐘，行吓又返返嚟，等5個鐘都試過，?家一日得兩個，我收400蚊一個，你話 我點生活？我知道點解決㗎，我一向佢就範，搬去佢屋企住咪冇事囉。」另一方法是幫襯寫手寫「正評」，「如果係官方寫手就1000蚊3份，一個月要用晒，如 果非官方就500蚊一份，逐份計，你始終都要入局，挽回聲譽。」 嘉嘉說，有姐姐仔被「追殺」逾年，情緒大受困擾，「佢同我講想自殺、想死，我咪勸佢唔好，冷靜啲，但上高啲人太惡，太有勢力，蝦啲女仔求助無門，令你無辦法生存，我哋唔做呢行仲可以做咩呢？」 http://hk.apple.nextmedia.com/news/art/20130827/18396135 單親鳳姐皮肉錢醫兒病 嘉嘉連月來受網站狙擊，生意一落千丈。 【搵食艱難】 今年25歲的嘉嘉一臉稚氣，但入行已3年，在觀塘當一樓一鳳，3歲的兒子患先天心臟病，醫療開支極大，加上近月被sex141.com寫手狙擊，她生活捉襟見肘：「我哋呢行好多人都係單親，搵朝唔得晚，仲要俾佢咁樣壓榨。」 曾倡集體杯葛不成事 嘉嘉已離婚，與兒子租住劏房，月租5000元，「開工個架步又要錢，個個月到交租就惆悵，細路仔有病入急症，心臟病都要等十幾個鐘，入私家又要10萬8萬，一個月無兩萬蚊根本生存唔到」。 她直言生活壓力沉重，「瞓唔到覺，好暴躁，有時真係照顧小朋友都會受影響，個仔咁嘅情況，我都想幫佢買保險，但好難，因為性工作者冇資格買，如果你呃佢話你做其他嘢，將來有咩事揭發咗，要連本帶利畀番佢」。 嘉嘉認識很多姊妹是單親家長，賺錢不易，人身安全亦沒保障，「大家俾佢（sex141.com）咁壓榨，承受好大壓力，之前都有人提議集體杯葛，但佢真係多你一個唔多，少你一個唔少」。 《蘋果》記者 http://hk.apple.nextmedia.com/news/art/20130827/18396141 sex141.com大學生創辦　 兩代網主罪成 【背景起底】 sex141.com 於02年成立，曾風光一時的第一、二代的掌舵人都先後因「依靠妓女賣淫收入維生」罪名落網，但由於伺服器設在美國，網站繼續營運至今，更衍生出色情雜誌及 旅遊公司，生意越做越大。記者追查網站背景，發現現時的主事人是一名住公屋的彭姓男子；而sex141亦有在港登記的網站。 sex141.com 由科大畢業生陳世雁02年創辦，標榜真人實照的色情指南，高峯期月入數十萬；05年他被裁定串謀依靠妓女賣淫收入維生罪成，被判入獄8個月，緩刑兩年並罰 款10萬。網站在陳落網後由另外兩位大學生彭文偉及嚴國彬接手營運，兩人更為賺快錢兼任馬伕，最終在07年雙雙被捕，判監兩年至兩年半。 伺服器在美難根除 當 年有警方消息指，雖然網站營運者相繼被捕，但由於網站伺服器設於美國，警方始終難以將其連根拔起。網站第二代掌舵人被捕後，網站繼續營運至今，除了網站業 務擴展至澳門、台灣、泰國等地外，更有在港出版「141雜誌」，刊載色情資訊及鳳姐廣告；又在港澳碼頭開設「141旅遊」，估計與其澳門色情業務有關。 141 現時的營運者身份一直神秘。記者透過網上伺服器資料搜尋器，發現sex141.com的登記由一家名為March Computer Co.的公司持有，報稱的是一個香港彌敦道8號的假地址（彌敦道並無8號）。翻查紀錄，香港有一個08年已解散的March Computer Co.的商業登記，擁有人為白路士（Baleros Louis Anthony）。白同時是「141旅遊有限公司」的董事，此公司股東則是報住觀塘翠屏邨一個公屋單位的彭之濤；而「141旅遊」又名為「A6出版社」， 正是出版141雜誌的公司。 雖然公司註冊處顯示「141旅遊」去年9月已結業，但雜誌今年8月仍繼續出版；記者幾次到訪公司在港澳碼頭的 舖位都未見有人辦公。記者又發現除sex141.com外，另有一個sex141.hk的網站，內容與前者完全相同，雖然伺服器都在美國，但就透過香港域 名註冊（HKDNR）登記。資料顯示網站擁有人的是「旺興國際有限公司」，該公司股東亦是彭之濤。 《蘋果》記者 http://hk.apple.nextmedia.com/news/art/20130827/18396147 入會賣花再收廣告費　 網站月賺200萬 網站姐姐仔的介紹有「收花」指數，也是廣告伎倆。 【豬籠入水】 sex141.com 把鳳姐廣告按區域分類，嫖客可輕易以手機尋找姐姐仔，造就網站豬籠入水，廣告客戶6年間大升一倍，單是香港就有近1,500人登廣告，估計月賺逾200 萬。警方早年曾一度打擊該網，卻因網站伺服器設於美國，無法連根拔起。法律界人士指，sex141有在港登記的網站，加上在香港銀行收取廣告費，夠料指控 網站主腦「依靠他人賣淫收入維生」。 據了解，sex141.com會先收取鳳姐1,000元，然後上門為鳳姐拍照，每名鳳姐之後要再付 200元入會費及每月1,300元廣告費。以今年8月22日為例，在該網站刊登廣告的鳳姐達1,471人，同日「今日之星（鮮花排行榜）」頭10位鳳姐一 日內收花共541支，合共為網站帶來超過200萬收入。 本港兩個專門協助鳳姐的機構紫藤和青鳥，過去一年接獲大量投訴，紫藤的負責人李小姐說：「個個禮拜都收到，試過走去警察度投訴，警方只係話可以民事告佢，又問我哋有冇錄音、錄影，呢啲嘢點會有錄音同錄影？」 本報致電sex141.com網站上的聯絡電話，接聽的男子表示只負責製作廣告橫額，「我哋呢度淨係做banner廣告，關於其他嘢我哋幫你唔到喎」，強調不清楚網站運作。 網站港登記收錢足入罪 律師梁永鏗指，即使網站伺服器不在香港，警方仍然可執法，「個網站喺邊唔係關係咁大，最重要係背後係唔係香港人，係唔係喺香港做緊呢啲生意」。 本身是律師的立法會議員涂謹申亦指，網站在本港收錢，加上有在港登記的網站，相信已足以入罪，「佢同啲女仔簽合約喺香港、入錢喺香港、服務範圍都喺香港，只係得server唔喺香港，個官已經可以話成個依靠妓女嘅行為係喺香港㗎喇」。他認為找妓女作證才是入罪最大難度。 該網站在本港多間銀行設有戶口，讓鳳姐存入廣告費，但戶口號碼經常轉換。警方發言人表示，沒有備存投訴sex141.com網站的統計數字，又指會針對與賣淫及色情網站相關的罪行進行調查。 《蘋果》記者	風神 會員	28/08/2013 01:26:33 今日