【荃灣】
【本報訊】兩名醉酒少女昨清晨偕兩名男友人在荃灣碼頭聊天期間，聲稱唔開心，繼而「前後腳」躍落海中攬着繩纜「猜枚」叫囂，男友人要除剩孖煙囪落海將兩人拉上岸，其中一少女吞下幾啖水及神志不清送院。
涉事四名男女均年約10餘歲，目擊者陳先生錯愕稱：「我Ｏ晒嘴！嗰時以為佢哋飲醉酒講笑，估唔到佢哋真係夠膽跳落去！跌落去嗰下真係幾爆，都幾激情㗎！」陳又說，「睇佢兩個女仔好似唔開心，又話想死……」
陳憶述稱，昨清晨5時許，他與兩名男友人於荃灣碼頭岸邊垂釣期間，見年約10多歲兩男兩女走過來，其中兩女似醉酒坐下聊天時，其中一少女情緒十分激動，未幾該少女突拋下一句「我好想游水」，旋即躍落海中，數秒後才浮面。
另 一名吊帶少女亦有樣學樣跳海，兩女游至離岸兩米後攬着繩纜「猜枚」，載浮載沉，兩男友人苦勸稱：「點呀？游番埋嚟先啦！」擾攘10多分鐘後，兩男友人恐釀 慘劇跳海救人，其中一人除剩孖煙囪落海將兩人拉上岸，其中一名少女高呼：「點解要利用我？我好想死！」事後她因嘔吐及割損腳，由另外三人陪同送院。
沒有留言:
張貼留言