獲得逾17萬觀眾選票的港姐冠軍陳凱琳，昨接受訪問時談及普選等政治問題。陳俊強攝
【本 報訊】無綫電視前晚出爐的「普選」香港小姐冠軍陳凱琳，昨接受無綫新聞部訪問時，被問及對普選特首的看法。該段題為「陳凱琳握17萬選票撐普選促特首聽民 意」的訪問，原安排於昨晚六點半新聞報道播出。但據了解，無綫新聞及資訊部總監袁志偉因不滿訪問「搞到咁政治化」要求抽起。學者及議員認為無綫新聞部過份 敏感。袁接受查詢時反問：「香港小姐一定要播㗎咩？」
記者：陳凱迎 姚國雄
昨午無綫安排得獎港姐見傳媒，無綫新聞部由記者劉芷欣訪問陳凱琳。訪問中陳凱琳先表達自己獲投票選為冠軍的感受：「畀人睇到係好公平，就係香港小姐梗係由香港人選番出嚟，所以我覺得係啱嘅咁樣做，同埋個個人都覺得呢個真係名副其實，係我哋想選出嚟嘅香港小姐。」
然後記者的旁白問到，領導香港的特首又應否全民投票選出？旁白引述陳稱，她認為選特首是較複雜問題，她留意到多了要求普選特首的遊行，政府應多聽民意。
「?家係適合時候做嘢」
播 出的訪問中，未見陳直接說出支持普選特首，片段中她說：「始終你做緊嗰個position（位置）嘅時候，你都唔會想話個個人係針對你、反抗，你都會想滿 足到佢哋嘅需要。我覺得?家都係個好適合嘅時候去開始做啲嘢，正如我頭先提過，真係開一啲會議，大家可以一齊傾偈，畀一個環境，啲人覺得好安全，可以畀我 真係發揮到我啲嘢，而你係真係聽緊我講。」
相關報道於昨午約3時開始在互動新聞台播出。據了解，袁志偉約於昨日近6時步出自己的房間，走向編輯部大聲質問有關港姐的訪問：「點解要搞到咁政治化？」他當時語氣嚴肅，下令「如果係咁呢，咁就唔好出啦。」
袁志偉：一定要播咩？
無 綫6點半新聞播出港姐冠軍的訪問，可說是新聞部的「傳統」。據悉，有關訪問原計劃於昨日6點半新聞報道的尾段播出，卻因為袁的不滿，被調至「dead row」，即若節目超時，便不會播出。結果，昨日的6點半新聞報道，的確沒有播出相關訪問，但無綫新聞的網頁上，仍可收看該段報道，報道題目為「陳凱琳握 17萬選票撐普選促特首聽民意」。
本報昨晚就事件向袁志偉查詢，袁只表示：「嘩！香港小姐一定要播㗎咩？唔係個個時段都要播架嘛，《東張西望》大把啦，呢啲個個時段都唔同㗎啦」，然後掛斷電話。無綫發言人只以編輯自主回應。晚上11時新聞則足本播出訪問。
曾 任無綫電視記者的立法會議員毛孟靜認為，陳的訪問倘因涉及普選而被刻意抽起，無綫新聞部未免過份敏感，「因為佢（陳凱琳）由10幾萬人選出嚟，個特首就只 得689票，呢啲字眼係咪會激怒龍顏？」浸會大學新聞系助理教授杜耀明則認為，無綫應解釋為何主要時段無播出相關訪問，「令人覺得係自我審查，無綫諗到用 呢個噱頭（普選港姐），記者就應該會諗到咁問，觀眾都有興趣知道答案」。
無綫前晚舉行的《2013香港小姐競選決賽》，賽制以大會評判評分及觀眾投票各佔百分之50，選出三甲，結果冠軍陳凱琳獲17萬多票。
http://hk.apple.nextmedia.com/news/art/20130903/18406778
無綫曾提醒港姐忌談政治
新聞台及網上播出後，陳凱琳的訪問片段於6點半新聞時段被抽起。互聯網
【特稿】
賽 前大熱門陳凱琳5歲移居加拿大，於擁有民主選舉的國家成長，畢業於名校西門菲莎大學（Simon Fraser University），居於九龍塘市值過億獨立屋的她，曾指自己是生於中產家庭。她的母親是DJ車淑梅的好友，車淑梅賽前更在facebook為世姪女 拉票。
「鬼妹仔」陳凱琳自小便「浸鹹水」，5歲移居加拿大，名校西門菲沙大學傳理系畢業，做過兼職售貨員及侍應，講得一口流利英語，在比賽前已被指十分「搶鏡」。
袁彌明：自我審查好無恥
前港姐、敢於批評無綫的人民力量主席袁彌明指，陳凱琳的言論相當普通兼溫和，認為無綫新聞部這樣也要封殺，實在過於保守：「無綫唔可以雙重標準，為咗要宣傳港姐，整個普選，但選咗出嚟，個港姐話叫特首聽民意，無綫就自我審查，真係好無恥！」
袁彌明憶述，2005年參選港姐時，無綫多番提醒她們，要切忌談論政治和宗教議題，以免惹起爭議：「但係佢（陳凱琳）係市民選出嚟，記者問佢普選問題，係好正常。冇理由民選港姐就得，講政治就唔得，選舉就已經係政治㗎啦。」
袁又指，陳凱琳如果受訪時不想作政治表態，大可詐儍扮懵，但她認為港姐也是「打工」，應享有言論自由：「有民主嘅社會，好多明星都唔怕表達自己嘅政治立場，TVB再咁保守，真係跟唔上時代，無綫會被淘汰。」
袁彌明相信，無綫現時也怯於網民反彈，故不會與有17萬投票支持陳凱琳的觀眾為敵，加上陳凱琳的言論溫和，相信她不會有太大的麻煩。
《蘋果》記者
沒有留言:
張貼留言