西港城擬變酒莊趕絕布販

http://hk.apple.nextmedia.com/news/art/20130902/18405153


西港城

【記 者譚靜雯報道】見證中上環變遷的百年古蹟西港城，即將大變身。據了解，市區重建局有意將西港城翻新，包裝成高級酒莊，稍後會就大樓的未來用途諮詢公眾；發 展局也有意將西港城納入下一期「活化歷史建築伙伴計劃」。當年獲承諾安置在西港城的花布街約18個布販，很可能面臨迫遷。

建於1906年 的西港城屬英國愛德華式建築風格，主要結構由紅磚及花崗石砌成，屬全港歷史最悠久的街市。政府1991年將西港城交予市建局前身、即前土地發展公司管理， 並改建為傳統行業及手工藝中心，當年因受永安街（俗稱「花布街」）重建影響的商戶，則獲安排集體遷入西港城一樓繼續營業，自此西港城一樓便有「花布街」的 外號。

或邀非牟利機構營運
發展局去年初批准市建局管理西 港城多三年，市建局即誘使花布街一班商戶重新簽約三年，但被商戶拒絕。經營布業近50年的商戶歐先生批評合約新增的條款不合理，「佢喺合約加條款講明租約 期滿，唔使還原裝修就畀番佢哋，咁係乜意思？我哋係安置、遷徙過來，想逼走我哋唔合理，無理由到時夠期趕我哋走，街坊同佢爭拗決定唔簽」。他稱商戶至今仍 保留着前土發公司總裁石禮謙的信件，證明布販是獲安置到西港城經營。

消息人士透露，市建局已委託顧問公司對西港城進行大規模勘察，最快明年初完成，初步勘察發現古蹟整體結構良好，但大樓屬舊建築，現存不少設施不符合《建築物條例》，包括沒有升降機、無障礙通道等。

消 息指，待勘察報告出爐後，西港城將翻新，商戶、食肆難逃清場命運，花布街僅餘的商戶也會被逼走，「市建局覺得?家啲舖好亂，有啲賣古董、賣布，又有酒樓食 肆，佢哋想歸一、高檔啲。有諗過大翻新後做酒莊，地下試酒，上面搞宴會，搞得高級啲」。消息稱，由於翻新西港城涉龐大開支，發展局有意將西港城納入下一期 活化歷史建築伙伴計劃，邀請非牟利機構營運。


歐先生的商舖有多達5,000種布疋，部份全港獨有。張志華攝


前港督衞奕信91年在花布街重建前到訪了解商販情況，歐先生（左二）親自接待。

擔心傳統布業將消失
西港城2003年曾翻新，當時市建局將大樓交由時代生活集團營運，集團董事總經理黃復華稱，合約訂明管理公司須承包全部維修、管理及保養，每年開支達700萬元，「西港城始終係古蹟，又近海邊潮濕，日常保養同冷氣費都成5、600萬，但我哋接手兩年後已經轉虧為盈」。

政 府及市建局將就西港城未來用途諮詢公眾，黃復華稱，花布街經常吸引遊客到訪，不少布販更已經營逾半個世紀，「好多布商7、80歲，每日仍孜孜不倦返來開 舖，可能有人會質疑佢哋每月賺得唔多，仲做來做乜？我覺得如果咁諗係好冷嘅城市，最重要佢哋搵到自己空間，樂意賺微薄錢，承傳逾半世紀嘅行業」。他認為， 當局如打算重新打造西港城，須慎重考慮，「如果有更好用途我哋都要尊重，視乎政府想做乜，除非想古蹟賺多啲錢，但如果唔着眼錢，係咪有咁嘅需要呢？」

事實上，市建局近年打着保育旗幟，將多幢歷史建築活化成商業項目，包括和昌大押、舊灣仔街市等都變得面目全非。如今西港城面臨「被保育」，令人擔心具傳統特色的布業將消失得無影無蹤。

市建局發言人回應時表示，西港城正進行全面勘察，待勘察報告完成後，會再與政府商討西港城未來用途和商戶安排，暫未有定案，現階段也沒計劃趕走商戶。

http://hk.apple.nextmedia.com/news/art/20130902/18405160

陳伯專營西裝布半世紀　
「做到我冇能力做」

陳伯專營「西裝布」逾半個世紀。

【本報訊】西港城前途未卜，昔日從中環花布街遷入西港城的10多檔布販最快兩年後，又再次面臨被迫遷的威脅。專營「西裝布」逾半個世紀的陳伯慨嘆，售賣傳統布料的商戶在香港買少見少，花布街一旦被清場，全港唯一最齊全布疋出售的特色地方將消失。

走 入西港城一樓，色彩繽紛、琳瑯滿目的布疋映入眼簾。專營西裝布的陳伯19歲入行，揀料、剪布、摺布等全部由零學起，不經不覺售賣西裝布超過半個世紀，更曾 為港英政府的布政司選西裝布，雖然年屆72歲，現時每天仍準時開舖。他慨嘆，售賣傳統西裝布料的商販已買少見少，「傳統嘅野越嚟越少，我哋結束埋就冇㗎 啦」。

緬甸王妃曾到花布街買布

陳伯稱香港布業因社會發展逐漸式 微，「做一套西裝工序繁複，客人先要揀鍾意嘅布，再搵裁縫師傅度身，之後又要試身，再去攞，好彩啱身唔使改都要去四次，加上裁縫又少，已經冇人入行，?家 去商場買一件方便好多，大家都買現成嘅西裝」。遷入西港城後陳伯生意更大不如前，政府及市建局將就西港城用途重新諮詢，陳伯相信距離「執笠」日子不遠，但 仍希望承傳這行業，「有時連續幾日冇生意，希望做到我冇能力做嗰日」。

專售歐洲布料的歐先生自小與布結緣，「細細個就對住啲布，跟住爸爸 一路學、一路做」。他在西港城的商舖有多達5,000種布疋，部份全港獨有，「見到客人做到件靚衫，話我揀布揀得叻，好有成功感」。他憶述當年港督、緬甸 王妃都到過花布街買布，「布業要成行成市先有生存空間」。