新抱埋怨向老爺奶奶斟茶後僅獲7張10蚊「青蟹」，在fb貼文指摘兩老。互聯網
【本 報訊】《蘋果》昨報道「斟新抱茶收＄70利是兒媳fb唱衰兩老」事件，引起網民在各大討論區熱論，其中《蘋果》網站錄得逾400個留言，網民鬧爆兒媳不 孝。主角夫婦亦在網站留言，聲稱「70蚊只不過係導火線」，並貼文繼續指摘父母不是。女親友則在網上好言相勸，指「做子女孝順父母是應該的，請不要計交 （較）對或錯」。
男事主Henry昨午轉戰《蘋果》網站留言，他指「冰封三尺非一日之寒」，「70蚊只不過係導火線……誠意最重要，10 蚊都係誠意，但如果大家聽完以下事件都覺得我父母係好有誠意的話先再講」。住在加拿大加卡利的Henry留言稱，女兒數月前出世，早前以為父母山長水遠到 彼邦探望，但感覺他們只是到美加旅遊路過，「黎（嚟）咗兩個星期掂都未掂過個孫囉……一齊去食宵夜比（畀）左（咗）爺爺抱，但嫲嫲就用一個鄙視既（嘅）眼 神望過去……去到個家庭聚會一見到我地（哋）黎（嚟）就閃左（咗）出去後院。正所謂禍不及妻兒，BB仔無罪家（㗎）嘛，同我關係唔好做咩（乜）要發泄 （洩）落自己個孫度呢，抱埋個孫去比（畀）你抱你又話手痛，放底個BB比（畀）你同佢玩下（吓）你又話唔好」。
Henry又提到：「如果 你真係咁唔想飲依（呢）杯茶既（嘅）話，都過左（咗）四年咪唔好飲囉，洗（使）唔洗（使）預先準備D十蚊利是黎（嚟）比（畀）我地（哋），如果話誠意最緊 要的話我真係感受唔到囉」妻子Annie亦留言「香港人真係好無知，成日將小事化大……好慶幸亞（阿）女唔係香港出世，唔駛（使）對住D咁白痴（癡）既 （嘅）人」
五姨留言籲珍惜
五 姨Aunt Lily則留言稱：「斟茶給父母是習俗和傳統和尊重，利是只是傳統和意頭，利是多少錢只是很少意思不能和親情比效（較），更而且是我多事在他們無準備不知 情的情況之下的提意（議）……請千萬不要嬲他們，要嬲就嬲我是我多是（事）的提意（議），不好意事（思），我只是希望你們一家人好好的相處，在你媽媽餘下 不是太多的日子，而且做子女孝順父母是應該的，請不要計交（較）對或錯，人生苦短請真（珍）惜眼前人」。
事件昨日成為網上討論區熱話，網民鬧爆該對夫婦的言論太過火。
蘋民洗版
【Alec Lau】
這是甚麼世界?!媳婦收利是，是為了錢嗎？在我而言，只屬一種心意，而且做得奶奶的，都已經是將近退休年齡吧……還要他們封幾百元利是，就是為了你的一杯新抱茶?!虧她說得出!!
【Cissie Lui】
咁你又畀幾多錢你父母吖！咁涼薄！將來望你D兒女都一樣咁對你哋！
【Ada Wong】
既已為人父母，何以仍不解父母恩？
【Yonex Yeung】
個新抱我唔想講，但係做仔嘅「男兒膝下有?金，原來只值70蚊」咁都講都（得）出，唔死都無用……btw「男兒膝下有?金」下一句係「跪天跪地跪父母」。
【Pui Yee Tse】
替兩老不值，有一個不肖兒，父母養大孩子不只70元嗎？
【Kuen Kwan】
可能背後係複雜嘅關係。但連基本尊重都無，（如）何為人父母教養下一代？
節錄自蘋果日報facebook留言
沒有留言:
張貼留言