獲爸爸鼓勵參加比賽，一張張獎狀見證了展匡的努力。謝榮耀攝
「我已經唔記得爸爸媽媽個樣！」雙目失明的15歲少年楊展匡道出人生最大遺憾。
展匡8個月大便患上眼癌，楊水木說起當年襁褓中愛兒摘除左眼的情景，仍心如刀割：「我好驚，毫無心理準備，為咗救佢，冇辦法。」
代表香港到外國參賽
至6歲，展匡右眼出事，從此與光明隔絕。爸爸說：「當時我哋生活清苦，覺得上天對我好唔公平，擔心阿仔條路好難行。」早熟的展匡安慰父母說：「唔緊要，我會比其他細路仔更加努力，用心去做，用耳仔去聽。」
展匡的堅強和樂觀，成為一家人對抗逆境的動力。現於聖保羅書院念中二的展匡成績優異，中文全級第一，喜歡寫作，更是棋藝高手，善下黑白棋，多次代表香港到外國參賽。
為 栽培展匡，爸爸花盡心思，除添置昂貴點字機及電腦給兒子學習，還想盡辦法配合：「黑白棋好易捉，失明人士都掌握到，可以幫佢建立自信。」他在棋子刻上坑紋 作記號讓兒子辨別，平日一有空便陪兒子下棋，又鼓勵他多參賽爭取經驗。每逢比賽，他都全力擔起貿易公司的工作，讓太太專心陪兒子應戰。
爸爸無私付出，讓展匡茁壯成長。「我唔要做盲人按摩！」展匡的志願是做作家。爸爸豁然說：「視障限制咗佢選擇職業，畀佢自由發展啦，我哋想佢讀多啲書，有學歷傍身，如果讀到會供佢去外國讀大學，擴闊生活。」
原來楊爸爸最放不下的，是兒子終身大事，「將心比心，會唔會有人想個女嫁畀失明人，希望佢下半生有人陪」。《蘋果》記者
沒有留言:
張貼留言