喪禮後首露面《蘋果》獨家專訪
高錕夫人：覺得佢未到時間走
【本報訊】2009年諾貝爾物理學獎得主、「光纖之父」高錕教授，離開愛妻黃美芸已經兩個多月。與高錕相知相伴逾半世紀，沒有他的日子，人前堅強的高太，夜闌人靜時經常獨自哭到心碎。高教授離世前因吞嚥問題被醫生禁食，她嬲自己不夠強硬未有要求餵食，令丈夫沒有氣力與病菌搏鬥，未能多活一年，與她攜手共度結婚60周年，亦令她耿耿於懷。
記者：嚴敏慧
記者：嚴敏慧
中文大學前校長高錕教授今年9月23日在醫院管理局轄下白普理寧養中心病逝，享年84歲。喪禮後未曾露面的高太接受《蘋果》獨家專訪，披露高教授離世前點滴。
「我覺得佢未到時間走，係唔好彩染咗菌。」高太指，丈夫雖患晚期腦退化症，但健康尚算不錯，能吃能睡，「胃口好好」，6、7月還在上繪畫課，亦有與子女外出吃飯，惟8月時受到病菌感染，發燒時高時低，依照醫生建議入院治療，「（入院時）佢仲係幾醒，眼望住你會笑，會點點頭，打針唔舒服會出聲『吖吖』」。
惟醫生指高教授吞嚥有問題，「話佢唔識吞，食嘢怕佢入肺，唔准餵食」，夫妻倆早已有共識不會以鼻胃管灌食，結果醫生為教授吊營養奶，老人家血管幼，一周後雙手腫脹因而停止，之後只吊鹽水及葡萄糖水。之後高教授病情一直未見好轉，抗生素治療亦未見效用，在威爾斯親王醫院及沙田白普理寧養中心留院共一個多月後，最終因肺炎辭世。
「我覺得佢未到時間走，係唔好彩染咗菌。」高太指，丈夫雖患晚期腦退化症，但健康尚算不錯，能吃能睡，「胃口好好」，6、7月還在上繪畫課，亦有與子女外出吃飯，惟8月時受到病菌感染，發燒時高時低，依照醫生建議入院治療，「（入院時）佢仲係幾醒，眼望住你會笑，會點點頭，打針唔舒服會出聲『吖吖』」。
惟醫生指高教授吞嚥有問題，「話佢唔識吞，食嘢怕佢入肺，唔准餵食」，夫妻倆早已有共識不會以鼻胃管灌食，結果醫生為教授吊營養奶，老人家血管幼，一周後雙手腫脹因而停止，之後只吊鹽水及葡萄糖水。之後高教授病情一直未見好轉，抗生素治療亦未見效用，在威爾斯親王醫院及沙田白普理寧養中心留院共一個多月後，最終因肺炎辭世。
懊悔無強硬要求醫生餵食
對於高教授離世，高太最懊悔未有強硬要求餵食，「應該偷偷攞嘢畀佢食，冇食嘢冇力殺啲菌，所以（我）自己嬲自己」。原來高教授三年前也曾患肺炎，那時醫生也指不能餵食，但她當時照餵碎蛋、粥仔，「小心啲慢慢食」，結果兩周後痊癒。因為那次經驗，高太深信丈夫今次未能打勝仗，與沒有進食、無營養無力抗病有關，「應該提出（餵食），最多簽張紙話一切責任我負責……不過都知道、都明白，畀佢（進食）都可能會走咗，講唔到後果點樣，不過（要求餵食）畀多個機會佢」。
與高錕相愛逾半世紀，陪伴登上事業高峯，老時得病亦不離不棄，丈夫的離去，高太眼中充滿不捨。家中少了一人，連帶工人也減少一個，高太說：「靜啲囉。」「會經常想起教授嗎？」記者問。「日頭冇事，但晚黑半夜醒咗就諗𠵱啲嘢，我咪靜靜喺度喊，唔畀人睇」。
遺憾未能慶祝結婚60周年
人前堅強的高太，晚上哭得心碎。「𠵱家我好明點解人哋話有時一個人走咗，剩餘嗰個人好快幾個星期都跟住走咗」，她指這是「broken heart（心碎）」，「晚黑喊嗰時心係好痛，喊得多咪痛死佢囉」。更遺憾的是，明年是兩人結婚60周年紀念，「想佢等多年，一齊慶祝」。悲傷湧至，情緒到達臨界點，眼眶含淚的高太細聲一句「唔講呢啲嘢」，停止催淚話題，眼淚收回心底。子女定居美國，高太選擇一個人留在香港，繼續在中大教職員宿舍居住，除了放不下她一手創立的高錕慈善基金，亦因為香港朋友很多。「可能怕我做儍事，（朋友）成日叫出去食飯行街」，她指整個11月差不多每天也外出，「日日都唔得閒，叫我去港珠澳試下新橋，又叫我去廣州」。在訪問中她多次感謝中大、尤其聯合書院對夫妻倆多年的照顧，又感激港人記得高錕並尊敬他。現在的高太，正用忙碌的生活去度過哀傷。
https://hk.news.appledaily.com/local/daily/article/20181202/20559309
夫腦退化變大baby 初期最辛苦
高錕患腦退化症後獲太太悉心照顧；圖為兩人2015年出席高錕慈善基金五周年慶典。
|
|
【本報訊】高太的愛情轟烈又動人，年輕時與高錕私奔結婚，結婚後放棄事業成就丈夫，在丈夫患病後寸步不離照顧他至終老。對於晚年因病「返老還童」的丈夫，她說照顧起來不算太辛苦，平日會讓他寫字訓練大腦，「大baby（指高錕）肯鼓勵佢都自己肯做，好合作，乖嘅baby，容易湊」。
訪問在中文大學聯合書院進行，會客室內剛巧有高錕年輕時的照片。記者問高太：「教授後生係咪好靚仔？」她笑咪咪地回答：「係囉，係靚仔先入我眼，佢𠵱家都好靚仔，冇乜改變，五官30年都冇改變。」高太的眼中，仍然有着對丈夫滿滿的愛意。
訪問在中文大學聯合書院進行，會客室內剛巧有高錕年輕時的照片。記者問高太：「教授後生係咪好靚仔？」她笑咪咪地回答：「係囉，係靚仔先入我眼，佢𠵱家都好靚仔，冇乜改變，五官30年都冇改變。」高太的眼中，仍然有着對丈夫滿滿的愛意。
高太：了解患者最重要
2004年高錕確診腦退化症，與病共存14年，一切有賴高太無微不至的照顧，當中她承受的壓力可想而知，「最辛苦係早、中期，佢（高錕）唔明白點解佢有問題，點解個世界咁亂，佢自己冇信心」。高太指，最重要是了解患者，「唔了解佢嘅話，佢發脾氣你又發脾氣，又嗌交，兩邊都唔開心同辛苦」。作為過來人，照顧腦退化患者全是學習過程，「嗰時我都唔明，只係知佢嬲，唔明佢嬲自己，以為佢嬲我，咁我又嬲佢，呢啲時期好辛苦」。後來照顧得日漸熟手，高教授也算是合作的病人，高太指，到病情晚期時，雖然丈夫已不擅言詞，亦失去活動能力，但已經相對「易湊」。
高錕其實很聽話。高太透露，他晚年留鬚全因她不願為他剃鬚，「佢年紀大要一日（剃鬚）兩次喎，上晝一次，下晝三、四點又要批……佢自己批又miss，又係要我同佢批……我咪叫佢留鬚啦，佢又好合作話好」。對於照顧腦退化患者，高太認為生活質素必須維持，「要好多人去探佢，需要過生活，唔好畀佢覺得自己冇用……still human，唔好歧視佢」。
■記者嚴敏慧
https://hk.news.appledaily.com/local/daily/article/20181202/20559292
「盼大眾記得高錕光纖成就」
患腦退化症的高錕接受藝術治療五年，愛畫動物不愛畫花草。
|
|
【本報訊】高錕有「光纖之父」之譽，是因為他研發的光纖科技，為通訊帶來劃時代的突破，造就了互聯網世界，令資訊可一秒間傳遍全球。不過，他晚年患上阿茲海默症，令高錕這個名字近十年都與腦退化症畫上等號。高黃美芸說，感覺香港人好像已不太記得丈夫的光纖，希望大眾關注腦退化症外，亦記得高錕影響世界的科技成就。
早在1930年，科學家已發明可傳導光線的光纖，但舊式光纖光能損耗率高，光線穿過20米光纖後只剩1%，不能用於長程通訊，用光纖傳遞資訊存在難度。1966年，高錕在英國標準電訊實驗室任工程師時，研究光纖的各種基本特質，發現只要提高製造光纖的玻璃純度，能減低光能損耗，其中熔煉石英更為可製造出高純度玻璃的物料，認為石英基玻璃纖維可以長距離傳遞訊息。
早在1930年，科學家已發明可傳導光線的光纖，但舊式光纖光能損耗率高，光線穿過20米光纖後只剩1%，不能用於長程通訊，用光纖傳遞資訊存在難度。1966年，高錕在英國標準電訊實驗室任工程師時，研究光纖的各種基本特質，發現只要提高製造光纖的玻璃純度，能減低光能損耗，其中熔煉石英更為可製造出高純度玻璃的物料，認為石英基玻璃纖維可以長距離傳遞訊息。
高錕研發的光纖科技造就互聯網世界。
高錕慈善基金提供圖片
高錕慈善基金提供圖片
嘆諾貝爾獎來得太遲
高錕這個改變世界的理論全記載在《光頻率介質纖維表面波導》論文內，惟最初一直不被看好，認為不可能製造出那麼高純度的玻璃，但在他四出游說下，美國公司Corning Glass Work於1971年製成首條一公里長的光纖，第一個光纖通訊系統也於1981年問世。相對電線或無線電傳訊，光纖頻寬大大提高，傳遞資訊多出數萬倍，更不受天氣影響，結果光纖成就今天的網絡通訊，不論文字、音樂、照片或錄像，不足一秒可傳遍全球。
高太憶述，丈夫當年醉心研究，「佢做工程師覺得玩咁，返工唔返屋企都得」，同為工程師的她雖明白高錕的物理世界，但有時仍會嬲他太夜回家，「佢覺得佢成功，話有一日全球都會改變，我答佢『係咩』」。她當時是不相信的，過了40年真正實現，更為高錕帶來了諾貝爾物理學獎，但當時高錕已患上腦退化症，「（個獎）太遲，歧視，中國人唔係西人，咁耐先攞獎，等得太耐」。
高錕一生最重要成就是光纖，卻不曾取得光纖技術的專利權，他曾指不感後悔也沒怨言，不認為事事要以金錢為重。枕邊人又有何看法？原來高太想法一致，「有錢食咪得，好唔明點解啲人錢要得多啲得多啲，夠食夠住就得」。
近年大眾想起高錕，一定會提到腦退化症，她感覺好像太過偏重於疾病，「佢（變咗）係face of Alzheimer（阿茲海默症），唔係記得好多佢係光纖，希望兩樣都記得」。
■記者嚴敏慧
https://hk.news.appledaily.com/local/daily/article/20181202/20559294
看高錕報道 女兒驚覺母患腦退化
受助於「高錕流動車」的Mary（左）學懂如何照顧患腦退化症的母親。謝榮耀攝 
【本報訊】因為腦退化症，讓高黃美芸從高錕背後走到鎂光燈前。2010年成立高錕慈善基金，接受訪問、出席活動及分享會，她只希望公眾加深對腦退化症的認識，亦希望為患者、家屬及照顧者提供協助。基金最廣為人知的項目「賽馬會高錕腦伴同行流動車」，原來是高太的主意。有流動車使用者指，因為高錕的報道，才意識到媽媽患有腦退化症。
「成立基金會係因為當時好多人冇留意腦退化症」，高太憶述，丈夫十多年前在香港看醫生，有醫生竟然指東方沒有此病症，「話正常，覺得係老人退化」。坊間常稱腦退化為老人癡呆症，甚少人知道阿茲海默症，日間服務又不足，「校長（高錕）有呢個症……咪用埋校長做『告白』」。
步行籌款、藝術品義賣等，基金會籌到起動資金後，開始資助不同團體就腦退化症開展教育或服務。其中「賽馬會高錕腦伴同行流動車」，項目由賽馬會慈善信託基金及高錕慈善基金共同支持，現時由聖雅各褔群會運作。流動車是高太的主意，參考了紅十字會流動捐血車，希望服務可以到達港九新界不同區域，深入屋邨讓長者更了解腦退化症，更讓照顧者有所支援。
「成立基金會係因為當時好多人冇留意腦退化症」，高太憶述，丈夫十多年前在香港看醫生，有醫生竟然指東方沒有此病症，「話正常，覺得係老人退化」。坊間常稱腦退化為老人癡呆症，甚少人知道阿茲海默症，日間服務又不足，「校長（高錕）有呢個症……咪用埋校長做『告白』」。
步行籌款、藝術品義賣等，基金會籌到起動資金後，開始資助不同團體就腦退化症開展教育或服務。其中「賽馬會高錕腦伴同行流動車」，項目由賽馬會慈善信託基金及高錕慈善基金共同支持，現時由聖雅各褔群會運作。流動車是高太的主意，參考了紅十字會流動捐血車，希望服務可以到達港九新界不同區域，深入屋邨讓長者更了解腦退化症，更讓照顧者有所支援。
高錕夫人提出以流動車深入社區，加強公眾對腦退化症的認識；圖為2013年流動車揭幕禮。
從流動車了解照顧技巧
90歲的中度腦退化患者謝婆婆，與照顧她的女兒Mary都是流動車的使用者。Mary指，媽媽去年才正式看醫生確診腦退化症，但回想原來十年前已出現病徵，「經常講無厘頭嘢，變得主觀容易發脾氣，一直以為係性格轉變」，直到近年出現日夜顛倒等明顯病徵，再看到高錕教授等腦退化症的相關報道，才意識到媽媽患腦退化症及求醫。
去年確診後，Mary為媽媽找服務卻無從入手，直至屋苑樓下停泊了「高錕腦伴同行流動車」，除了有豐富的疾病資訊，更能讓媽媽參加一對一訓練，自己則參與照顧者支援小組，認識了同區腦退化症照顧者，「知道例如病後期會點，可以做好啲準備」，同行者小組結束後亦有定期自行聚會，互相傾訴減輕壓力。由於流動車服務以四周為上限，謝婆婆現時在同區的日間中心繼續訓練，「會唔方便，因為要搭車，最好都係流動車，落樓下就係」。
聖雅各福群會服務經理——服務發展岑智榮稱，流動車2013年投入服務後已走訪全港18區，提供多項服務，包括檢測、個人或小組訓練、轉介及腦退化症教育。照顧者支援亦為重點，由於照顧者要24小時無間斷照顧患者，面對患者情緒及行為問題，需要學習如何應對。照顧者本身亦會有巨大心理壓力，故照顧者支援小組顯得更為重要。
■記者嚴敏慧
沒有留言:
張貼留言