良心老闆強哥以11元燒味飯回饋街坊，雖然賣一盒蝕一盒，但他仍樂在其中。麥超億攝
【本報訊】通脹飆升百物騰貴，連鎖快餐店大快活出招以「$4飯」吸客，不過只限五天，有巿民認為僅屬小恩小惠。相反，在油麻地經營燒臘店的強哥，出錢出力為窮人，每盒燒肉飯只賣11元，還送上靚湯和生果，雖然賣一盒蝕一盒，但仍未減他的善心︰「希望可以賣9蚊盒！」
記者：梁琬珊、麥超億、黃偉民
油麻地玉器市場附近，有一間不足百呎、毫不起眼的燒臘店「新金山真好味燒味」，外面掛有大橫額「燒肉飯11元，回饋社會」，黃底紅字格外醒神。每天中午12時，店外總排有長長人龍。60歲店主洪志強，身穿背心加條油乎乎的圍裙，站在砧板前手起刀落。
每日中午，位於油麻地的新金山真好味外總是有人在買燒臘飯。黃江奇攝
長者買一盒燒肉飯附送湯水，中秋節前夕更送上生果。
中秋送埋生果應節
「每 盒燒肉飯要蝕1.5元，但最緊要街坊食得開心！」強哥忙將斬好的燒味放入飯盒，太太即遞上老火湯和生果，用11元換來豐富午餐的街坊滿足離開。「啲湯即場 煲，冇加味精，生果就中秋節先送，應吓節。」強哥說水果跟相熟果欄取貨，只送給長者，每日額外多花200、300元。
供應商知道他賣平飯 幫街坊，自動降價，「家同佢哋傾緊，佢哋肯再平啲，我就減到每盒飯9蚊！」子女已長大、沒甚負擔的強哥，眼看油麻地區街坊七成是低下階層，部份更是綜援 戶，便略盡綿力。他說一天大概賣1,000盒飯，扣除成本每天蝕1,500元，幸而另有經營燒臘工場供應燒味予茶餐應，拉上補下仍夠維皮，強哥豁達地大聲 說︰「賺少啲，自己冇糧出㗎！」
曾經輸盡幾億身家
承繼父親開燒味店的強哥，六十年代見不少內地人走難到香港，三餐不得溫飽，於是自己暗地裏許下一個心願：「將來有機會要整啲靚嘢畀佢哋食！」
強哥曾風光過，97前在台灣開了24間「香港洪記」賣燒味，每日售出20萬個飯盒，但一次金融風暴，他輸盡幾億身家，「01年返香港，我同神講畀多次機會我，一個禮拜後呢度出現」。
憑小檔東山再起的強哥早已視富貴如浮雲，現在只想幫人，「08年金融海嘯，見到啲客連畀多一蚊都唔想，於是決定推出平價飯」。08年金融海嘯後一盒單併飯15元，一下子減至11元，維持至今。
強哥日常除了經營燒臘工場和燒臘店賣平飯之外，強哥更與慈善團體合作，每天向區內約300名露宿者及基層人士免費派飯。
「香港有錢人好多，但真係有心嘅冇幾多個……」強哥哈哈笑了兩聲，又繼續手起刀落，為婆婆送上暖笠笠的燒肉飯。
街坊心聲
黃先生︰「強哥嘅燒肉飯幫到唔少窮人，老人家唔使排隊都買到。」
譚女士︰「街坊都鍾意幫襯，11蚊一盒飯去邊度買，每個月幫到我哋長者幾十蚊，好好使㗎喇！」
李先生︰「買咗兩盒燒肉飯，同老婆一人一盒，全九龍最平呢度，咁就慳咗10幾蚊！」
吳女士︰「日日嚟幫襯，飯盒便宜兼附送滋潤湯水，對老人家很有益。」
http://hk.apple.nextmedia.com/news/art/20120930/18028488
特稿
善長父子夥老闆免費送飯
飯票上面寫着「由黃鑑父子贊助」（紅框示），只要手持飯票就可以到強哥的燒臘店攞飯。
油 麻地有好心老闆強哥外，還有一對低調「善長父子」。08年，強哥跟在油麻地街市賣雞的熟客黃鑑父子，談起幫窮人的宏願，雙方一拍即合，「佢原來都好想幫 人，我哋就決定免費派飯畀有需要嘅人，一盒飯各出一半錢」。黃先生坐言起行，每月將數百張飯票分予各慈善團體，包括露宿者行動委員會等，只要手持飯票就可 以到強哥的燒臘店攞飯。
該委員會義工阿儀表示，幾年前一名叫Ken Wong的人到會址，望了望環境後便將一叠飯票交給他們，「平日啲老友記可以上嚟會址食飯，但星期六、日我哋休息，佢哋冇飯開，多得Ken Wong啲飯票，佢哋可以喺嗰兩日食到燒味飯」。
每次回港放低數十萬
飯票由黃氏印製，上面寫着「由黃鑑父子贊助」，不過強哥說黃鑑早已離世，其子阿Ken為紀念父親才印上父名，「佢哋家冇賣雞，已經移民去加拿大，但每年有幾個月會返嚟，次次返嚟就放低幾十萬畀我幫窮人」。
《蘋果》記者
沒有留言:
張貼留言