翟Sir經近八小時手術後被送往照腦掃描。溫瑞麟攝
【本 報訊】沙田一間中學的43歲前美術男教師，不幸因「殺校」被迫提早退休，之後疑信錯人睇錯市，投資現貨金勁蝕逾300萬元，他欲賣樓套現還清欠下朋友的近 200萬元巨債，卻擔心被父母知道炒燶金。最終疑不堪投資失利，以及無法面對借錢幫他的朋友，昨在油麻地多層停車場跳樓尋死，送院搶救後現情況危殆，他在 遺書中寫道：「我不想這生也花在還$（錢）中。」
記者：溫瑞麟、翁鈺輝
墮樓命危男教師翟耀祥（43歲），三兄弟中排最細，與父母同住樂富區，曾於沙田一間中學任教美術科近20年，因收生不足，該校今年暑假遭殺校停辦。翟Sir擅長低音結他、鋼琴及打鼓，殺校當晚惜別晚宴上，他即席彈結他高歌Beyond名曲《喜歡你》。
殺校當晚，翟Sir自彈自唱Beyond名曲《喜歡你》。互聯網
退休教師翟Sir昨在油麻地街市街停車場八樓（箭嘴示）墮下重傷。翁鈺輝攝
欠下近200萬元「街數」
失業後的翟Sir仍熱心作育英才，以半義務形式在多間非牟利社福機構教授音樂，又任城市榮恩教會傳道人。
消息稱，2006年，翟Sir任職的學校傳出殺校消息後，他開始謀定後路，其後朋友教他投資現貨金「錢滾錢」，可惜因睇錯市招致損手爛腳，去年合共虧蝕逾百萬元。
今年5月，翟Sir在朋友介紹下到金鐘一間黃金投資公司開戶，希望藉投資黃金及債券翻本，其間曾經贏錢獲利，令他更加心雄向同事及朋友借錢「加注」。可惜，近半年黃金市場大上大落，他於每盎司1,680美元高追入貨，結果價格逆轉大跌，被迫斬倉，血本無歸。
翟Sir不但輸光畢生積蓄及學校遣散費，更欠下近200萬元「街數」，令他大受打擊。據了解，翟Sir曾打算出售樂富物業套現還債，但想到是父母安樂窩，搬屋未必習慣，也不想讓父母知道自己炒燶黃金，令家人增煩添亂，最終打消有關念頭。
借錢不還的道德包袱把翟Sir壓得重重，深覺愧對借錢幫他的同事。昨晨11時許，他登上油麻地街市街多層停車場八樓，跨過圍欄縱身躍下，直墮二樓平台，停車場職員報警，救護員趕抵發現翟Sir昏卧血泊中，緊急送院搶救，證實腦出血、左邊手腳骨折，現時情況危殆。
其兄姊、舊同事及教友紛紛趕赴醫院，翟姊大嘆：「點會咁？冇聽見佢有問題。」其教友更在手術室門外祈禱，希望他大步檻過，做了八小時手術後，翟Sir被推離手術室去照腦掃描，全身插滿喉管，部份親友禁不住悲傷，雙眼通紅。
遺書叫親友賣資產還債
現場留下遺書，翟Sir希望自己死後家人變賣其資產還債。翁鈺輝攝
警 員在場尋獲事主一個手袋，內有一袋紙巾、一部手機及一封遺書，翟Sir在遺書交代：「忘記我的錯，記住我的好……我因為信錯人，投資錯誤而尋死……無哂 （晒）我D（啲）錢不緊要，最重要欠下舊同事鄭Sir廿萬……劉Sir卅萬，Ms張一百萬……我死後，將我的資產賣掉還給他們。我無勇氣告訴父母、家人， 所以不負責地走了。請原諒我的任性，我不想這生也花在還$（錢）中。」
遺書上還列出債主電話方便警方聯絡，警方相信事件並無可疑。
http://hk.apple.nextmedia.com/news/art/20121014/18040069
特稿
借錢同事：冇怪過佢
「佢好平易近人，成日笑，好受同學歡迎。」翟Sir作育英才近20年，教過不少學生，昨他跳樓自殺消息在舊生圈中廣傳，無不愕然，有學生指未聽過他喜歡炒金，懷疑受人慫恿出事，希望他戰勝死神捱過難關。
舊生阿文表示，翟Sir在該校任教近20年，主要教授美術科。阿文謂印象中翟Sir相當開朗，經常笑容滿面，因沒架子，同學都喜歡親近他，「最記得佢喜歡彈結他同唱歌，以前成日聽到佢自彈自唱Beyond嘅《喜歡你》」。
同事聞訊趕往醫院
阿文表示，曾致電與翟Sir相熟的老師，許多人聞訊後都趕往醫院等候：「有個阿Sir同佢老友鬼鬼，借埋錢畀佢，但佢話冇怪過翟Sir，只係想翟Sir盡快好番。」
翟Sir 是虔誠基督徒，更是城市榮恩教會的傳道人，教友方醫生對翟Sir出事感難過，指翟Sir在教會侍奉約兩年，充滿熱誠：「佢好好人，對教友好熱心。」另一知 情者透露，曾替翟Sir投資黃金的經紀，入市前曾向他分析投資風險，其後市況逆轉，翟Sir被要求補倉，但因沒錢最終被迫斬倉：「黃金長時間係會升，無奈 入市時間唔啱，睇錯市輸錢。」
《蘋果》記者
http://hk.apple.nextmedia.com/news/art/20121014/18040070
專家之言
失敗多因曾贏錢心雄
投 資是一把雙刃刀，可以致富，也可以輸身家。城市大學經濟及金融系副教授李鉅威表示，退休人士的投資取向以保本為主，盡量去槓桿化，以買樓收租、貨幣及債券 較合適。雖然投資黃金的風險，相對較窩輪及股票低，但於高位追貨卻極度危險，若是借孖展炒金，隨時被迫斬倉蝕到「入肉」。
李表示，因為美元貶值，近幾年黃金價格走勢凌厲，屢創新高，倘高位追貨，非常危險：「每樣投資產品一到高位就有下跌調整壓力，如果借錢去玩，好易出事。」
「買入時間好緊要」
李認為，許多投資者的失敗原因，除了睇錯市外，主要因曾經贏錢心雄有關，希望短時間內有大斬獲，甚至不惜利用孖展等槓桿擴大利潤，但贏得多也輸得多。「買入時間都好緊要，如果高位高追，蝕本機會就好大。」
根據今年黃金走勢，5月曾高見每盎司1,680美元，但同月急速下跌，一度低見每盎司1,540美元，而5、6月於每盎司1,600美元區間牛皮上落，直至7月才突破再展升浪，上月曾創出每盎司1,790美元新高。
《蘋果》記者
沒有留言:
張貼留言