【日日巡舖】做鐘點女工的李女士，每日趁買餸時間，順便到惠康搜尋過期貨。
【本 報訊】熱錢流入，本港物價勢飆升，一班師奶奇招抗通脹！惠康推出「優質監察大使」計劃，客人搵到過期貨，即賞一包500克米，有精明師奶每日巡超市，短短 半年搜出近千件過期貨，換了137包米，夠食一年。有市場學學者認為是惠康高招，既可強化檢查貨品效率，也為消費者帶來額外着數，達至雙贏。記者：林賽香
「好有滿足感！成年唔使買米！」在西環做鐘點女傭的李女士，一臉興奮地向《蘋果》記者展示家中堆積如山的米包。
每日都搵到六七件
【憑貨換米】短短半小時，李女士已在惠康找到多款過期貨，換到一包米。
李女士「點石成米」始於半年前。她經常到西環西寶城惠康為僱主買餸。有次聽到超市廣播，知道顧客找到過期貨，便獲贈一包500克裝御品皇香米，「呢間惠康好多過期貨，日日都執到，以前拎到放埋一邊就算，知道可以換米，梗係落力搵」。
自此她每日到惠康尋寶，每次也搜到六、七款過期貨，「零食、飲品、凍肉、罐頭乜都有，有啲過期幾個月，有啲過期成年，無論搵到幾多件，都只係換得一包米。不過冇所謂，我照樣攞畀收銀」。
通知好友加入行列
【夠食一年】醒目師奶李女士半年間憑在惠康找過期貨，換到百多包500克白米，夠食一年。張志華攝
通知好友加入行列
搵過期貨成為李女士另類嗜好，她更通知身邊好友加入行列，「堅道、西環同觀塘舊區，有幾間惠康都有較多過期貨。通常有機食物、奶類食品，同埋多數鬼佬先買嘅貨，銷量低容易搵到過期貨；仲有超級廣場面積太大，職員執唔切，比較易搵到」。
然而，日日去執過期貨，難免遭職員白眼，「佢哋執好啲貨嘅話，我貪心都冇用啦！其實我都想佢哋執走啲過期貨，如果俾老人家買咗番屋企食冇益」。
記者隨李女士到惠康，不用半小時已搜羅到六款過期幾個月的貨品，問職員：「點解咁多過期嘢？」職員回答因超市面積大，執貨難免甩漏。
中大市場學系教授冼日明指出，送米計劃是「借外力為己力」，營造負責任的企業形象，在營商角度來說屬高招。
冼教授表示：「有啲人買嘢睇唔啱會亂咁擺，間舖頭又咁大，職員要執過期貨係好難嘅，除非請好多人。呢個計劃令客人變咗做佢嘅義工，可以慳番請人嘅成本，更建立一個正面形象。不過，前題梗係超市要盡力減少過期嘢，送米只係補救。」
據曾在惠康工作的鍾小姐（化名）指出，超市有時高估銷情，過度入貨，尤其優惠期後囤積大量貨尾，滯銷日久成為過期貨。
超市省下監察成本
部份分店沒足夠人手檢查過期貨，索性推出送米計劃，「通常啲客收到米就唔會投訴，仲慳番唔使請人」。據她了解，一包500克米成本僅數元，送米計劃絕對能省卻請人執貨的工資成本。
惠康發言人稱，所有分店會定時檢查貨品的期限，「優質監察大使」計劃的目的，是為強化檢查貨品的效率，惟未有透露每月送出米包及撿獲過期貨品的數量。
http://hk.apple.nextmedia.com/news/art/20121026/18049296
記者測試
持空雞蛋盒投訴獲退款
經理（右）收到記者投訴雞蛋變壞，儘管只有空盒（箭嘴示）亦肯退款。
惠康除送米益客，原來換貨措施也很寬鬆。有識途老馬窺準「有問題包換」措施，甚至使用貨品後到垃圾桶摷收據，拿空盒連收據到惠康訛稱產品有問題，成功套現。律師則指小心違法。
曾 在惠康做收銀的鍾小姐（化名）表示，只要客人投訴，即使貨品未過期，甚至已用過及食光，均能憑單據退錢或換貨，若屬惠康自家品牌，甚至不用出示單據也可退 款。「有啲人會喺超市門口同其他客攞單，或者喺垃圾桶執，再睇下自己屋企有冇單上嘅同款貨品，用完之後，就帶埋個包裝盒同張單去換錢」。
為證實鍾小姐所言非虛，記者拿一個惠康自家品牌的「首選牌」雞蛋空盒，向職員表示雞蛋全部變壞，連收據也不用出示便獲退款。及後又在惠康購買一盒20.5元日本牌子朱古力，再持空盒及收據，告訴職員進食後肚痛，獲成功退款。
學者：倘濫用會破壞互信
不過，不是間間超市都如惠康般大方，記者持單據及朱古力空盒到百佳，職員說：「你都食晒，又唔知你食過乜，我哋唔會退錢。」她反建議向產品代理索償，還說：「產品質量唔係我哋控制，我哋唔包！」
中大市場學系教授冼日明認為，「貨物出門恕不退換」的政策不合時宜，「包換措施顯示超市信任客人，做生意唔可以推搪話唔負責產品質量」。他又稱，惠康與顧客建立互信，才出現寬鬆的退貨政策，一旦被客人濫用，破壞互信，損失的只是廣大顧客。
大律師陸偉雄也指出，收集別人購物單據向超市換錢，隨時惹上官非。他表示，客人收集別人的收據，再以不實手法訛稱收據是他所有，要求退款或換貨，會觸犯欺詐罪，最高監禁14年。《蘋果》記者
沒有留言:
張貼留言