全家受死亡威脅 「係香港嘅tragedy」
朱凱廸：當選對妻女殘忍
妻女性命受威脅，朱凱廸痛苦難當。何頴賢攝
【本 報訊】本打算由「廢青」、「廢中」一直廢落去的朱凱廸，在反高鐵後，跟同行10年的妻子結婚，再誕下女兒，自言這個「人生最好嘅決定」就像強心針，「既然 我都可以結婚、生小朋友，當然可以選舉」。由輸掉兩次區議會到高票當選立法會議員，一度安定下來的日子卻因單挑官商鄉黑掀起波瀾──個人在選舉上的勝利， 成了對最愛的殘忍開始，妻女被迫四處飄零，更可能賠上性命，「我有幻想過，但制止自己有呢種幻想」。
記者：王家文
競選那幾個月， 朱凱廸很少見女兒不遷。當選後見面多了，卻因為一家生命受威脅，女兒上不了學，「佢當放緊假，雖然佢唔知係做乜嘅假期」，但居無定處，熟悉的村民和鄉郊， 換成陌生的警察和高廈，女兒始終不適應。他跟妻女有不同的保安安排，「有次佢想同我落街食飯，但我落唔到，因為食飯嗰度好多人，佢好唔開心」；難得一次兩 父女牽手在酒店大堂走一圈，「已經好開心。（足夠？）我諗係唔夠」。
不忍女兒離開家園
以前，才不過是選舉前，朱凱廸跟不遷經常落田通處跑，現在只能暫告一段落，「我諗佢好想同我去一啲地方，唔係見親我都喺房入面」。女兒5歲未懂事，也不知 道父親以逾8.4萬票成今屆立會票王，「淨係知道要搬，要離開佢好熟悉嘅人，我諗對佢都幾殘忍」，他頓了一頓再說，「但對佢呢個殘忍，係為咗保護佢，但我 講唔到，點講係為咗佢安全呢？佢都唔知乜嘢係危險」。
朱凱廸說高票當選一刻是他最脆弱的時候，「一諗起老婆同個女就會喊，唔知點解」。他 想起何俊仁的女兒，長大後回望才知道父親用了數十年時間在重大社會議題上，「我贏咗時諗起，殘忍係咁嘅意思，我哋錯過咗人生中最重要嘅嘢」。他挑戰官商鄉 黑勾結，更擔心連累家人，「呢排我都同佢（妻子）講過幾次對唔住，但係佢食咗呢啲對唔住」。
朱凱廸用「食」字形容妻子多年來的包容，包括 當年他隻身前往伊朗進修、到阿富汗當自由身記者，「去成就自己一啲狂想」；還有那些「你老公真係好仆街」、「你老公都唔顧你」等攻心語言，「佢都可以消化 晒，呢個係佢厲害地方」。他跟妻子在任職《明報》時結識，拍拖10年，2010年反高鐵後結婚，翌年誕下不遷，妻子臨盆當朝，他仍須趕往法庭應訊。
稱後悔沒有買保險
這 些年來不斷參與社運，由保衞天星碼頭、菜園村到參選區議會，即使徒勞無功妻子也默默支持。朱凱廸知道有些人覺得他對妻子很殘忍，包括他自己，由「廢青」到 「廢中」，「唔知將來可以點」，但妻子相知16年，「其實佢係我一部份。《聖經》創世紀都有講，老婆係骨中之骨，肉中之肉」。正如他面對當下困境，也只想 跟妻女相擁大哭，「未喊夠，喊幾多都未喊夠」。
訪問期間兩名便衣探員坐在鄰座，沒有緊張氣氛，但談了兩句關於妻子，朱凱廸會忽然猶豫，「係咪唔出全名？出名唔知會唔會影響佢」。記者問他有沒有想過寫遺囑，他說最近也有人提過，「其實我冇乜嘢留低，但我後悔冇買保險。我有一份人壽，但好少」。
他 說自己是一個很求其的人，「求其到我淨係望住眼前呢件事點做落去」。外傳有人出錢買起他和妻女3條命，「如果要買起埋佢哋，我想像唔到。我有幻想過，但制 止自己有呢種幻想」。他淡然的說，「呢個唔係我一個人，或者我屋企人嘅tragedy（悲劇），係香港嘅tragedy」。但願悲劇，不會降臨在他們仨。
http://hk.apple.nextmedia.com/news/art/20160917/19773251
倡議自決 促泛民勿猶豫
天水圍泥頭山事件中，朱凱廸發起挖泥抗議。
【本 報訊】女兒取名「不遷」，原為延續菜園村「不遷不拆」的抗爭精神，今天卻因生命安全受威脅，一家四處暫居。朱凱廸坦言，被迫離開鄉郊，放棄多年的在地生 活，代價很大，「我要安全就冇得在地生活，我要在地生活又會令不遷、老婆置於一個唔確定情況，係幾痛苦、好苦，政治就係痛苦」。
指鄉事制度可改變
皇后碼頭清場時，留守的朱凱廸被警員抬走。
朱 凱廸知道很難再返回新界鄉村居住，至少現階段是不可能，才逼不得已計劃舉家搬進立法會，在金鐘遙距處理新界鄉事議題，「我覺得係好荒謬」。他坦言，黑社會 永遠都存在，改變鄉事制度也是複雜的角力，但不代表不可能，他提出有些建議也獲鄉事派中人支持，亦不擔心在立法會上孤軍作戰，「年輕一班係夠膽打（官商鄉 黑）」。
朱凱廸說在議會跟姚松炎、羅冠聰和劉小麗的理念較相近，政黨則傾向社民連和工黨，因為民主黨和公民黨在發展議題上走得較緩慢。他 倡議民主自決，希望令傳統泛民的政治路線走向鮮明，不再猶豫，「唔使理北京諗乜，如果你得一兩條友講自決，佢梗係郁你啦，如果成個非建制派都係講呢樣嘢， 咁郁乜啫？」
剛當選這兩星期，朱凱廸說情緒很複雜，徘徊希望與危險之間。訪問當天早上，他到政總聲援遭逼遷的橫洲村民；前一晚開義工會卻 氣氛愉快，因團隊覺得拼出新政治力量。他知道這力量很危險，「會掂到某啲紅線，跟住有反撲」；但寧願這警號早到好過遲來，「因你嘅成功，所以受威脅，我哋 嘅團隊要更加強，知道條路點走」。
■記者王家文
http://hk.apple.nextmedia.com/news/art/20160917/19773258
地署准霸地者短租 姚松炎轟鼓勵犯法
姚松炎昨要求政府須就橫洲發展重新諮詢公眾。
【本報訊】地政總署承認無全面收回元朗橫洲公屋發展計劃中被長期非法霸佔的官地，反而將1.2公頃官地以短期租約批予佔用人。候任立法會議員姚松炎質疑，非法霸佔土地的人不但無被罰，更可獨享利益，變相鼓勵市民非法佔用土地，顯示土地政策千瘡百孔。
姚松炎昨出席港台節目《千禧年代》時表示，地署的做法是「鼓勵先霸佔，後續租，霸佔時利益完全自己袋晒，捉唔到可繼續享用，捉到都冇後果，可以合法化，有百利而無一害，等於鼓勵市民非法霸地」。
斥摸底令權貴操控政府
他又指地署批出短期租約沒有公開招標讓所有人申請，反而只批給佔用人，令非法霸地者獨享利益。這種做法違反公義，令市民氣憤，是地署失職，亦顯示土地政策千瘡百孔。
姚松炎與另一候任議員朱凱廸要求政府公開橫洲規劃研究報告，當局前晚只公佈了報告的目錄。
姚松炎表示，希望政府盡快公佈整份報告內容，而從目錄中可見，顧問曾考慮就發展計劃作社區諮詢，但政府並無做任何公開諮詢，只是私下約見個別鄉紳「摸底」，這種摸底文化「令政府被權貴操控」，指政府須就橫洲發展計劃重新諮詢公眾。
橫洲綠化帶發展關注組成員張先生表示，政府聲稱改在綠化地建公屋是先易後難，但其實用地內除有幾百名村民要搬遷，還有斜坡與山墳。反而旁邊有閒置私人土地，發展更容易。
■記者麥志榮
沒有留言:
張貼留言