執到部咁嘅iphone5，我仲應唔應該放？

https://hkgalden.com/view/12897

 http://hk.apple.nextmedia.com/enews/realtime/20130707/51537926

【焦點】絕望港女拍片求救？ 「受害者」現身：我冇死到

 
呢位聲稱係「片中受害人」嘅許芯悅，今朝喺facebook一連貼咗兩個status，話自己平安無事，冇死到。

今日凌晨時份大家上facebook嗰陣，唔知有冇嚇一跳，事關網上瘋傳一條短片，由一名稱執到iPhone嘅男子發佈，片中一女子表示，身邊朋友都死晒，佢好擔心自己係下一個，仲喊晒咁話:「對唔住呀媽咪，我唔知以後可唔可以再見到你呀！」

見到條咁嘅片，究竟擔心佢好定係報警好？抑或交俾網民「人肉」咗佢先？結果，全部做齊，出事啦。結果條片上載唔夠一日，upload條片嗰個突然話片段係電影《生前必做七件事》宣傳片。欺騙港人同情心，邊個高人諗出嚟0架？

警 方表示已經喺黃大仙區搵番片中「有生命危險」嘅23歲女事主，佢都話條片只係宣傳片。網民力量真係強橫，半日唔夠已經起埋底，原來呢位「女受害者」叫許芯 悅(Katie Hui)，曾經拍過港台教育電視同埋唔少廣告，包括豐澤、香港傳藝中心及肺炎球菌結合疫苗等等，表情多多，幾識做戲。網民更加喺佢facebook搵到張 相，相中許芯悅著件Tee，同條片一樣。

今日一早，自稱「許芯悅」喺佢個facebook「報平安」，寫道:「大家唔使擔心，我無死到，人身絕對安全，詳情稍後向大家通報。各位一定不需要再報警，亦無需要擔心。對各位做成不便，真對不起。」

一小時前，自稱係許芯悅於facebook再寫道:「大家不用猜測，我及我某幾個朋友 的 whatspp 於2013-07-04 下午已刪除帳戶，所以大家有誤會。」

報 咗「平安」，但令人白擔心一場，仲驚動埋警方擔心你有生命危險。兩個status說「對不起」就能沒事？網民當然唔係咁諗，紛紛留言鬧爆:「你好冇腦！同 埋好幼稚！玩啲咁嘅嘢！」、「真係不知所謂！整個製作團隊都係智障！祝賀套片刷全球新記錄：0人入場率！恭喜 ！恭喜！」

以為講笑？其實 唔講得笑。性命攸關，豈可亂拍條片引起恐慌然後一句「對不起」話係電影宣傳就冇手尾？有網民話:「好老實講，如果呢單嘢冇手尾跟嘅話，以後一定仲會有大把 類似呢啲片。到有一日真係有人放片求救而香港人唔再理，就係你哋累死人。強烈要求警方正視呢單案件!唔好俾廣告公司開到先例!」、「知唔知有好多人需要警 察嘅幫助，因為你嘅所謂宣傳，而搞到警方派人上門調查是否有人生命受到危害，浪費警方就係你呢啲港女lo」

http://hk.news.yahoo.com/%E7%94%B7%E5%AD%90%E4%B8%8A%E8%BC%89%E5%A5%B3%E5%AD%90%E6%B1%82%E6%95%91%E7%89%87%E6%AE%B5-%E6%B6%89%E6%B5%AA%E8%B2%BB%E8%AD%A6%E5%8A%9B-145900990.html 

 一男子上載女子求救片段　涉浪費警力　
 

網上日前流傳一段短片，一名女子在片中求救，有市民報警求助，警方其後找到女事主，她指片段是一段宣傳片。

警方調查後今日在秀茂坪拘捕一名懷疑上載片段的28歲姓何男子，涉嫌浪費警力，他獲准保釋候查，本月下旬向警方報到。
警方重申，互聯網世界並非無法可依的虛擬世界，如有人作虛報，內容傾向顯示已有人犯罪，或對任何人的安全引起憂慮，因而導致警力浪費，即屬有罪，一經定罪，可判罰款2000元及監禁6個月。

http://hk.apple.nextmedia.com/news/art/20130709/18328214 

 少女求救片導演被捕 

 

 【本報訊】上載少女求救短片博宣傳惹公憤的28歲新晉導演何冠寰（圖），昨午在秀茂坪住所被警方以浪費警力罪名拘捕，其後獲准保釋候查，本月底返警署報到。

何冠寰是於昨午4時在秀茂坪家中，被九龍城警區刑事調查科探員上門拘捕，他被帶返警署錄取口供至晚上10時才獲准保釋離去。何昨晚接受記者電話訪問時，承認自己有疏忽，對女事主感到抱歉。
事 件緣於何在討論區留言，聲稱拾得一部iPhone5手機，內有一段少女絕望求助的短片，有網民擔心少女遭遇不測報警。警方接報尋獲片中23歲𡃁模女事主 許芯悅，揭發原來是一部電影的宣傳手法，不涉刑事成份，但何則涉嫌浪費警力，昨午被捕。