好彩、和氣、大福，都是洋洋為流浪牛改的名字。輕撫牛頭，那管牛糞爛泥滿地，她仍一面溫柔。何家達攝
【本 報訊】一串受傷小牛的眼淚；一幅被屠殺橫屍路邊的震撼畫面，激起全城義憤。一時間，流浪牛的福祉，成為焦點，但對於62歲的「牛癡」洋洋來說，這條路卻走 了16年。她是「流浪牛之家」的掌舵人，本港唯一專收容流浪牛的地方，「呢度137隻牛，都係我嘅仔女。」獨居上水牛棚的她說：「牛牛嘅眼淚，改變我嘅人 生，係佢哋揀咗我。」
記者：呂麗嬋
「好彩，媽媽返嚟嘞！」「和氣，你今日有冇乖？」好彩、和氣，都是洋洋為牛兒改的名字，「佢哋 身世可憐，不如改個開心嘅名……呢隻反斗星，細個好百厭，𠵱家佢唔百厭嘞，跟咗我十幾年，嫩牛變老牛！」輕摸着牛頭，溫聲細語，哪管牛糞爛泥滿地，眼前 的洋洋一臉溫柔，像個慈母。
上周五（7日）炎陽高掛，元朗氣溫攝氏32度，晨早九點，記者隨洋洋在八鄉一帶割草餵牛。她戴上客家草帽和墨 鏡，右手鐮刀左手麻包袋，越過水渠，走上小山坡，手起刀落。一個早上，廿幾個麻包袋滿載青草，「放牧當然更好，但香港環境唔許可，只好辛苦啲。」曬至滿面 紅卜卜的洋洋喘着氣說。
「佢哋眼神似求我救佢哋」
日曬雨淋，又要做鏟糞餵牛的勞動性工作，本地工人捱不了，只好聘用南亞裔人士，更遑論大部份只有三分鐘熱度的義工。90磅的她16年來，除了眼疾入院幾日，年中無休，「年紀大，有人接手梗係好，但係有冇人好似我咁笨？」，她苦笑謂堅持下去，只因早視院內的牛是一家人。
年 幼時家住太子道，原名歐陽善瑜，乳名洋洋，寓意喜氣洋洋。只是，這個父母眼中的掌上明珠，自小特立獨行。90年代當她還是高貴OL，閒時已走入當時的越南 難民營做義工，「佢哋離鄉別井，孤立無援，點可以唔做啲嘢？」三歲定八十，後來遇正97危機，家人移民，她決定留下，見證過渡。
無論黃牛或水牛，平均有三十年命，首批被洋洋領養的流浪牛已是「牛瑞」。
洋洋只希望政府能撥地建牛園，給流浪牛一個安樂窩。
「流浪牛之家」原本在元朗大棠（圖），被業主迫遷，無奈搬到上水大隴村。
「可能係天意，喺小巴聽新聞，政府籌備新機場開幕，喺東涌捉咗幾十隻流浪牛，有幾隻受咗傷……我心頭一震，知道佢哋被送去上水漁護署狗房，去探時門一開，濃烈牛糞味中人欲嘔，幾十隻牛喺度哀號，隻隻皮包骨、流住眼淚……」那一串眼淚，改變她的人生。
「以 前用牛耕田，冇用就將佢哋遺棄……佢哋嘅眼神，好似懇求我救佢哋一命，我試過領養流浪狗，但流浪牛可以領養嗎？四處搵動物團體、寫信畀政府部門，都冇回 音。」處處碰壁反而激起她的牛脾氣，「我把心一橫，冇人做不如我做，喺新界租塊地畀佢哋頤養天年！」大小姐辭了職，成了牧牛人！
傾盡家財，但在黑椒牛扒是人間美食的城市，這個牛癡的「愛牛之路」，越走越孤獨，有人甚至形容，她是麻煩友，「我認我唔隨和，好多人叫我同啲假日農莊合作，我覺得佢哋唔係真心愛牛，合作有乜意思？」別人認定她吹毛求疵，她手一揚，各走各路。
朋 友、家人都說她太癡，一直獨身的她卻早習慣，「人嘅生命好短暫，有啲人住豪宅先開心，我住牛棚，夜晚聽到青蛙叫、繁星滿天就滿足，呢啲係每個人嘅選擇，我 只希望其他人愛護啲流浪牛，佢哋都有生命，今日死咗八條牛，大家關心，但其實呢樣嘢，每日都發生緊。」說着說着，洋洋又紅了一雙眼。
http://hk.apple.nextmedia.com/news/art/20130609/18290630
促政府撥地
建流浪牛安樂窩
洋洋要隔日到錦田一帶割草餵牛，這天她一割便四小時，差點中暑。
【設施不足】
有 人如洋洋愛牛如命，有人則認為流浪牛影響衞生又擾民，漁護署在2011年年底撥款成立了一支牛隊，專責管理新界的流浪牛，包括定期到全港有流浪牛出沒的地 點巡視，以及為性情溫馴的流浪牛進行絕育，避免過度繁殖。不過，洋洋就促請港府撥地建牛園，讓這班曾為香港農民服務的「原居民」頤養天年。
漁護署擬買頸圈管理
「租 地養牛始終唔係辦法，兩年前因為業主迫遷，牛場被迫由元朗大棠搬到上水大隴村，原本業主話對出塊草地可以放牧，畀我啲牛食草，結果又租咗出去，𠵱家惟有 隔日出去割草畀啲牛食。」洋洋不諱言，百牛大遷徙，令她差點以為無法經營下去，好在其後借來「五豐行」的牛車，又找到現在的農地，不致關門。現時牛場的營 運經費主要來自洋洋的積蓄及熱心人的捐助。
「政府如果真係關心啲流浪牛，不如撥塊地做牛園，由邊個管理都好，等啲老弱流浪牛有個安樂窩，好過搞乜嘢牛隊。我只係希望啲牛過到啲好生活，唔使喺街到處流浪，俾人虐待、俾車車死。」洋洋說。
根 據漁護署資料，現時本港約有1,230隻流浪牛，當中以西貢及馬鞍山最多，約有500多隻；大嶼山則有280隻，分別為200隻黃牛及80隻水牛，分佈在 貝澳、塘福、水口及石壁四個牛群聚居地。漁護署發言人表示，署方正計劃斥資200萬元，為西貢及大嶼山的流浪牛購買植入定位追蹤裝置的頸圈，以便跟進牛隻 數量、流動及健康狀況；而過去已先後為109隻流浪牛進行了絕育手術。
《蘋果》記者
沒有留言:
張貼留言