涉事燈飾店7.1當日不會張貼慶回歸優惠單張。
面 對港人7.1上街倒梁，建制派四出拉客找商戶在7.1當日推「三小時」購物優惠，甚至如寶藥黨死纏爛打，瞞騙小店「入局」提供着數，圖以小恩小惠打壓遊行 人數。但原來一些小店是「被優惠」，獲悉慶回歸優惠活動涉及撐梁振英政治目的後紛打退堂鼓。有老店不甘被「賣豬仔」淪為政治工具，怒撕優惠宣傳海報， 7.1當日更索性關門不營業，抵制建制派。
記者：林樂軒 蔡朗清
工商聯會聲稱號召150商戶推出慶回歸折扣優惠，並安排在當日下 午2時至5時7.1遊行期間舉行。所謂慶回歸優惠計劃，除早前被踢爆是假優惠，原來不少參加的商戶並非撐梁振英政府而加入，而是遭工商聯會賣豬仔。位於深 水埗的藝光圖章原子印務東主盧婆婆，昨向本報申訴「被優惠」經過。
盧婆婆在上址經營製圖章生意60多年，兩星期前，一名20多歲女子來到店前，表示為慶祝7.1回歸，要求圖章店當日給予巿民購物優惠。
盧婆婆說，一開始便拒絕對方，「點知個女仔死纏爛打，好似做quota咁，係咁叫我填表參加優惠計劃，話好簡單咋。俾佢係咁煩，最終答應咗。佢問我畀乜嘢優惠，我話優惠價70蚊做一個章，其實我一向賣開70蚊，佢完全冇核實。之後佢要我喺舖面貼張慶回歸海報」。
「好似俾人賣豬仔咁」
76歲的盧婆婆老馬有火說：「我唔知佢係乜嘢人，係乜嘢團體。呢幾日先知呢個活動背後有政治目的，我冇政治立場，𠵱家好似俾人賣豬仔咁，激到我即刻撕咗海報。再見到個女仔，我實鬧佢呃我。」餘怒未息的盧婆婆續表示：「7.1當日我索性關門唔做生意，去美孚打麻雀。」
同 區另一間「被優惠」的小店永昇燈飾布藝，負責人范小姐對本報說，半個月前有年輕女子到店舖，游說她填表格參加慶回歸優惠計劃，對方未有說明計劃的背景及內 容。她其後知道只在7月1日2時至5時遊行時段推行優惠，感覺有些奇怪，「𠵱家諗番起有被呃嘅感覺」。她說，7.1當日不會將慶回歸宣傳海報貼在店內， 因為不想一盤生意淪為政治工具，無辜遭巿民杯葛。
平日做街坊生意的李金華茶莊一向無參與政治活動，負責人稱有人跟他說參加慶回歸優惠活動可增加知 名度，「平時冇人同我做宣傳咪冇參加囉，話我哋做生意有政治考慮，我唔開心」。在優惠名單上的盈竣科技公司也改變初衷，負責人表示在商言商，參與計劃是想 藉工商聯會免費宣傳，後來知悉要付廣告費便退出。
7.1「被優惠」小商戶語錄
商戶：藝光圖章原子印務
語錄：俾人賣豬仔，7.1索性唔開門，去美孚打麻雀
商戶：永昇燈飾布藝
語錄：俾人呃咗，7.1唔敢貼慶回歸優惠海報
商戶：盈竣科技
語錄：想藉慶回歸免費宣傳，話要畀錢（廣告費）當然走啦，退出計劃
商戶：李金華茶莊
語錄：平時冇人同我做宣傳，咪參加囉；（外界）話我哋做生意有政治考慮，我唔開心
資料來源：上述商戶及《獨立媒體》
http://hk.apple.nextmedia.com/news/art/20130629/18316481
良心糖水舖半價支持遊行
糖水舖老闆江梓維
【記 者姚國雄報道】保皇黨拉攏商戶，於民陣7.1遊行時段提供「騎呢」購物優惠「搶客」。有糖水舖老闆對保皇黨陰招「睇唔過眼」，決定以其人之道還治其人之 身，凡當日持遊行照人士在晚上6時至9時內惠顧，可獲半價優惠。30歲老闆江先生斥建制派用錢收買人心，做法「核突」，籲商舖聯手向遊行人士提供優惠，抗 衡保皇黨。
油麻地廟街「同記」糖水甜品專門店，上周貼出一張「7.1慶回歸，你精我都精」單張，表明7.1大遊行當日，「半價請你食甜品」。食客在當晚6至9時，只要持當日遊行照「幫襯」，便會享有糖水半價優惠，優惠包括堂食、外賣，售罄即止。
開業一年多的糖水舖，年僅30歲的江梓維是老闆之一。他不熱衷政治，未上過街、更從未在選舉中投票，但看到建制派以購物價惠「用錢撻人」，欲打擊7.1遊行人數，突然怒火中燒：「好明顯係想畀啲利益收買人心，達到政治目的。我覺得做法好核突。」
升級版「蛇齋餅糭」令他意難平，江梓維向拍檔建議向遊行人士提供優惠：「既然你遊行時提供優惠吖嘛，咁我就遊行完結時，向遊行人士提供優惠，其實呢件事係只係姿態，去抗衡呢班人，我相信唔會有人專登為咗我碗糖水去遊行；我只係覺得，如果覺得件事係啱嘅，咪去做囉。」
維護公義寧「蝕住做」
他坦言經營小店環境困難，每日生意額只是「打個和」，明白7.1若再提供半價優惠要「蝕住做」，但他更在乎是本身已不公平、不公義的香港，不應墮落至如內地般，一有利益便放下原則和尊嚴，寧去掃貨，不去遊行，呼籲其他商舖齊向遊行人士提供優惠。
倒梁呼聲熾熱，念社工出身的他也批評梁振英上場後，政府向相關團體輸送利益做法有增無減：「佢（梁）唔會認為自己有錯，佢施政唔係建基於想個社會公義、公平啲，唔係想幫弱勢社群，總之邊個順從佢嘅、邊個就有着數。」
沒有留言:
張貼留言