【6.12一個月】着黑衫就搞？青年一個月遭截查三次 警：唔好畀我喺中環或者灣仔見到你

【6.12一個月】着黑衫就搞？青年一個月遭截查三次 警：唔好畀我喺中環或者灣仔見到你

建立時間 (HKT): 0712 00:30


本身是跟車工人的Philip（化名），自6.9大遊行以來，一直積極參與反送中運動，見證警民關係急劇轉差。他憶述第一次被截查是在6月13日，亦即是6.12警民衝突翌日，當時正在屯門開工的他，身穿黑衣、手持破開貨物包裝木箱用的小斧，從貨車前座下車走向車尾時，即遭三名機動部隊警員截查，「咁見到警察都會望一眼，佢哋就問『你攞個斧頭做咩？係咪想襲擊我哋？尋晚你係咪有份？』」，並隨即被拉到後巷搜身。

Philip稱當時有解釋小斧用途，但警員未有理會，將他推向牆壁，過程中有人疑似用拳頭擊中他三次，然後將他的隨身物品倒在地上，仔細檢查三次後始放他離開，「仲同我（講）話『唔好畀我喺中環或者灣仔見到你』」。

第二次被截查則是在6月27日，身穿藍色T恤的他在荃灣收工打算回家，手上提着膠袋，裝有剛購買兩件淨色黑色T恤，「跟車出汗多，好多時都係着深色淨色衫」，先有軍裝警員上前查問「係咪遲吓示威用」，簡單解釋後以為無事可以離開，但兩個街口後再有兩名便衣警員正式截查，「話懷疑我藏有攻擊性武器」，令全身上下硬物只有鎖匙的他哭笑不得。他曾詢問警員有無委任證，對方回應：「我要pass做咩？你唔信我係警察可以打返警署，或者現在同你返警署」。他因擔心到警署麻煩更大，當時只好就範。

第三次截查則在7.1當日，通宵留守政總一帶的他中午到灣仔循道衛理教會梳洗後，走到教會旁邊的天橋，邊按手機邊食煙，「視線望到警總，即刻有三個便衣走埋嚟，話我影相，會懷疑我影響佢哋部署」。他指警員稱不會碰他的手機，但要求他自行解鎖以查看當中的相片，「話唔合作就charge阻差辦公，話到時放返出嚟都2號、3號」，無奈之下亦只好照做。

Philip認為警方做法旨在營造白色恐怖氣氛，「好似會監察住你每一步行動咁」，但相信效果會適得其反，令更多人站出來，「我哋抗爭係對抗香港政府，唔係對抗你警方，只不過你會令到我哋覺得你係幫緊香港政府。」

自5月已開始開街站的中學生反修例關注組成員Zack指，過去兩個月在旺角、觀塘、麗閣邨等地開街站，「基本上每一次都會俾人（警察）搵過去mark簿」，記下姓名及身份證號碼等資料。他又指，「銅鑼灣呢啲大街大巷，通常就俾人查多啲」，拍攝當日在沙田港鐵站外開街站，是他們首次無被警察截查。

Zack和同伴開的街站，通常只是「嗌咪、派傳單、派選民登記表」，強調只是作一些地區政治工作，並無攻擊性，「如果連呢啲地區政治工作都做唔到，咁香港仲係咪一個有言論自由嘅地方呢？」Zack又指，現時警民關係比以前緊張，「如果呢段時段差人查更加多，只會引起市民疑心」。

除截查途人外，警方亦將截查範圍擴大至不同交通工具。7月2日凌晨立法會清場後，先有載滿乘客的紅色小巴在金鐘道被截查，當時《蘋果》全程直擊。另有7輛載有抗爭物資的客貨車，亦於上環被約70名警員包圍截查。前往上環協助的立法會議員譚文豪引述在場司機表示，警員一直無說明截查原因，又不准司機使用電話，直到他到場後惡劣的態度即有轉變，有警員更馬上取出攝錄機拍下搜車過程，「我未去之前佢哋係無攞Cam出嚟。」

譚文豪稱當日有司機被警員以「藏有攻擊性武器」 拘捕，後來又改為「管有第一部毒藥」，但原來「毒藥」僅是哮喘藥，「佢只係運貨，同埋亦都係急救用途」，又批評警方竟以此為由上門搜屋，又不讓他與有孕7個月的太太見面，「有咩咁大罪啫？王全璋（中國709大抓捕被捕維權律師之一）咩而家？」他指目前該司機已有律師協助，自己亦會繼續跟進。

譚文豪表示，現時警隊的角色已從執法者，變成司法者、釋法者，甚至凌駕法庭自行演繹何謂法律，「好似拎斧頭開工係有合理原因，你要睇佢有冇實際需要，唔通廚房有菜刀都叫藏有攻擊性武器？」又指警方針對年輕人或穿黑衣者截查行動不合理，「因為後生，咁去中學門口全部都要搜身啦咁樣。因為着黑衫，咁香港係咪唔可以賣黑衫？」

譚文豪指政府近日似乎想令社會氣氛漸趨平和，但警方的行動卻如同「添煩添亂」，坦言警隊已進入「無人駕駛」狀態，認為是一個危險的訊號，亦批評林鄭月娥已無力再管治香港。

另外，警務處處長盧偉聰曾於6月13日記者會上指出，6.12當日經「初步點算」，大約發射了超過150枚催淚彈、數發橡膠子彈及20發布袋彈。《蘋果》上月多次向警察公共關係科查詢當日所使用的確實彈藥數字，一直未獲回應，早前透過《公開資料守則》 索取時又被警務處拒絕。《蘋果》記者已據《守則》就索取資料被拒一事向警務處申請覆檢，並向申訴專員作出投訴。

記者：佘錦洪　周詠雯