「佐敦洪七公」為逾百露宿者執葬

http://hk.apple.nextmedia.com/news/art/20120627/16463335


周樹德（中）到露宿者落腳地之一的油麻地榕樹頭，即有幾名老友記上前打招呼。陳奕釗攝

【記者盧勁業報道】有「丐幫洪七公」之稱的周樹德，半生義助露宿者，今年65歲，家徒四壁，靠公仔麪充飢，牙齒出問題也無錢修補；但他無悔無怨，反更關懷精神病露宿者的爛牙之苦。

人稱阿周的周樹德在佐敦寶靈街擺檔賣床單多年，多年來為街頭露宿者剪髮梳洗、搵工、上樓，甚至死後執葬。「人生在世打個轉就要走，見到瞓街嘅人無依無靠，幫得就幫！」

「好多年前幫一個露宿者執葬，之後佢個仔唔知點聯絡到我，叫我將佢老竇骨灰拎番大陸畀佢。我話『葬埋你老竇都唔親自拎？』」但當晚阿周發了個夢，那露宿者說好想見兒子一面，「第二日我就拎骨灰返深圳畀佢，之後亦開始幫露宿者」。

阿周對油尖旺區露宿者瞭如指掌，成為露宿者的朋友兼「代言人」，一有露宿者身故或鬧事，警方及街坊就會聯絡他。
他尤其關注有精神病的露宿者，「10幾年前幫過一名平時瘋瘋癲癲嘅露宿者，突然有一日好正常咁叫我幫佢買盒叉燒飯。食完之後就話『阿周你係個好人，但以後真係唔好再食牛喇』，之後嗰晚就過身。」從此阿周不再食牛。

拒領綜援怕受歧視

近 年患高血壓及糖尿病，阿周體力大不如前，不能再開檔做小販，靠生果金過活，拒領綜援，擔心被歧視。他居住的公屋單位家徒四壁：一張床、一部舊電視，大堆社 福機構送贈的錦旗。最大資產竟是整呎厚的殮葬文件，全屬他協助執葬的露宿者，「都唔記得幫咗幾多人，有百幾個啩，希望有日可以交還畀佢哋嘅親人」。

「施 恩莫望報，望報莫施恩。我幫咗人咁多年，唔想俾人覺得個社會欠咗我，要喺社會拎番啲乜。」他堅定地說。「唔緊要啦，我食唔多，一個公仔麪就一餐！」政府去 年派的6,000元，他牙痛也不用來修牙，卻為一名無親無故的露宿者買了個龕位。他反因牙痛而更體會露宿者苦況，「派飯有人都食唔到。香港整牙好貴，又帶 唔到佢哋返大陸醫……」。